San Juan 15:10 - Quechua South Bolivia: Dios Parlapawanchej

¹⁰ Niskasniyta casuspalla munacuyniypi causacunquichej. Imaynatachus noka Tataypa niskasninta casuni, paytaj munacushallawanpuni, ajinallatataj niskasniyta casuwajchej chayka, nokapis munacuyquichej.

Qheshwa Biblia DC

¹⁰ Kamachisqasniytachus waqaychankichej chayqa, munakuyniypi kakunkichej; imaynatachus noqapis Tataypa kamachisqasninta waqaychani, munakuynimpitaj kashani ajinata.

DIOSPA QHELQACHISQAN DEUTEROCANONICAL

¹⁰ Munakususqaykichejman jina kawsanaykichejpaj, kamachisqaykunata kasunaykichej tiyan, imaynatachus noqapis Tataypa kamachiwasqanta kasuspa munakuyninpi kawsani, ajinata.

DIOSPA QHELQACHISQ

¹⁰ Munakususqaykichejman jina kawsanaykichejpaj, kamachisqaykunata kasunaykichej tiyan, imaynatachus noqapis Tataypa kamachiwasqanta kasuspa munakuyninpi kawsani, ajinata.

San Juan 15:10 Iomraidhean Croise

San Juan 10:18

Causayniytari ni pi khechuwanchu. Manachayrí munaynillaymanta causayniyta churacuni. Atiyniyojtaj cani causayniyta churanaypaj ujtawan jap'icapunaypajpis, Tataypa niskanmanjinamin, —nerka Jesús.

San Juan 12:49

Nokari mana nokallamantachu parlarkani. Manachayrí cachamuwajniy Tatay niwarka imatachus ninayta parlanaytapis.

San Juan 14:15

‘Nokata munacuwanquichej chayka, niskasniyta casunquichej.

San Juan 14:21

Niskasniyta jap'ispa casojka, chay runalla munacuwan. Chay munacuwajtataj Tatay munaconka. Nokapis chay runataka munacusaj, sonkonpitaj sut'ita rejsichicusaj, —nerka Jesús.

San Juan 14:23

Jesustaj cuticherka: —Nokata munacuwajka niskayta casonka, Tataytaj payta munaconka. Paymantaj jamusajcu sonkonpi tiyacunaycupaj.

San Juan 14:31

Astawanrí Tataypa yuyaskanmanjina tucuy ima ruwaska canka. Chaynejtataj tucuy runas yachankancu Tatayta munacuskayta Tataypa niskanmanjina tucuy imata ruwaskaytapis. Jataricuychej, jacu llojsipuna.

San Juan 17:4

Noka cay pachapi kanta jatuncharkayqui, kowaskayqui ruwanata tucuspa.

San Juan 4:34

Jesustaj paycunaman nin: —Nokajtaka wajjina miqhunamin. Cachamuwajniypa munayninta ruwanay, paypa ruwayninta tucunaypis miqhunajina nokapajka.

San Juan 8:29

Cachamuwajniypa munaynintapuni ruwani. Chayraycu payka nokawan cuscapunimin. Manataj sapallaytachu sakewan, —nispa.

San Juan 8:55

Astawanpis payta mana rejsinquichejchu. Nokarí payta rejsini. Sichus niyman payta mana rejsiskayta chayka, kancunajina llulla cayman. Nokarí paywan cusca caspa rejsini niskantapis casunipunitaj.

1 Corintios 7:19

Israelcunaj ruwacuynincumanjina señalniyoj cayka mana imapischu nitaj mana señalniyoj caypis imapischu. Manachayrí Diospa camachiskasninta casuymin tucuyka.

1 Tesalonicenses 4:1

Chaywanpis hermanosníy, imaynatachus Diosta cusichispa causanayquichejta ñapis nokaycu mayta yachacherkaycuña. Ajinañatatajmin causashanquichej. Cunanrí Señor Jesuspa sutinpi camachiyquichej Diosta astawan astawan cusichispapuni causanayquichejta.

Hebreos 7:26

Jesusri cay pachapi tiyacushaspaka c'acha causayniyoj mana juchayoj, mana pantayniyoj carka. Juchasapasmanta payta Dios t'akarka aswan pata janaj pachapi jatunchaspa. Chayjina Diosman Kayllaycuchejka nokanchejman sayacunanpaj sumajpunimin.

2 Pedro 2:21

Aswan allin canman ni jayc'aj chekan ñanta rejsiy, chayta rejsispaña sakepuymanta niskaka. Paycunaka Diosmanta santa camachiskata jap'ispaña sakeporkancu.

1 Juan 2:3

Camachiskasninta casunchej chayka, paywan ujchaska caskanchejta yachanchej.

1 Juan 2:5

Niskanta casojrí chekatapuni Diostaka astawan astawanraj sumajta munacun. Ajinapi atinchej yachayta Jesucristowan ujchaska caskanchejta.

1 Juan 2:6

Picharí paywan ujchaska cashaskanta nin chayka, imaynata pay causarka cay pachapi, ajinallatataj causanan tiyan.

1 Juan 5:3

Paypa camachiskanta ruwaskanchejwan Diosta munacuskanchejta atinchej ricuchiyta. Camachiskasnintaj mana ancha sinch'ichu cancu ruwananchejpaj.

Apocalipsis 22:14

‘May cusiskas cancu juchasnincumanta llimphuchaska cajcunaka. Ajinapi wiñay causayta koj sach'amanta miqhuyta atenkancu. Chay llajtaj puncusnintapis yaycuyta atenkancu.