Apocalipsis 5:12 - Quechua South Bolivia: Dios Parlapawanchej

¹² Jatunmanta taquispataj yupaycharkancu: —Wañuchiska carka, chay Corderolla yupaychanapajjinaka. Payllaman cachun tucuy atiy, khapaj cay, yachay, callpa, may sumajpaj may jatunpaj khawaska cay, yupaychaypis, —nispa.

Qheshwa Biblia DC

¹² Sinch'itataj nisharqanku: Wañuchisqa karqa chay Corderoqa jap'inampuni atiyta, qhapaj kayta, yachayta, kallpata, sumaj sutitapis, janaj pacha k'anchayta, yupaychayta ima.

DIOSPA QHELQACHISQAN DEUTEROCANONICAL

¹² Tukuyninku jatunmanta parlaspa, nisharqanku: Pichus wañuchisqa karqa, chay Corderoqa tukuy atiyniyoj, may jina qhapaj, tukuy yachayniyoj, chantá sinch'i kallpayoj kasqanta tukuy rimarichunku. Chayrayku maypaj qhawasqa, jatunchasqa, yupaychasqataj ima kachun, nispa.

DIOSPA QHELQACHISQ

¹² Tukuyninku jatunmanta parlaspa, nisharqanku: Pichus wañuchisqa karqa, chay Corderoqa tukuy atiyniyoj, may jina qhapaj, tukuy yachayniyoj, chantá sinch'i kallpayoj kasqanta tukuy rimarichunku. Chayrayku maypaj qhawasqa, jatunchasqa, yupaychasqataj ima kachun, nispa.

Apocalipsis 5:12 Iomraidhean Croise

San Mateo 28:18

Jesustaj paycunaman kayllaycuspa nerka: —Janaj pachapipis cay pachapipis camachinaypaj Dios Tatay tucuy atiyta kowan.

San Juan 1:29

Khepan p'unchaytaj payman jamushajta Jesusta ricuspa Juan nerka: —¡Caymin Diospa Corderonka! Dios payta jaywanka cay pacha runaspa juchancuta khechunanpaj.

San Juan 17:2

Imaraycuchus nokaman atiyta kowarkanqui tucuy runas atiyniypi canancupaj. Ajinapi tucuy nokapi jap'icojcunaman wiñay causayta kosaj.

2 Corintios 8:9

Chaytataj niyquichej Señorninchej Jesucristoj c'acha yanapayninta rejsiskayquichejraycu. Payka janaj pachapi khapaj cashaspapis kancunapaj wajcha runaman tucorka. Wajchayacorka chay wajcha cayninnejta kancuna c'acha yanapayninwan khapajyachiskas canayquichejpaj.

1 Timoteo 1:17

Chayraycu yupaychana Camachejninchejta, wiñaypaj camachin, ni jayc'aj wañoj, mana ricuy atina, yachayniyoj c'ata Dios. Jatunchana, atiyniyojpaj khawana wiñaypa wiñayninpaj. Ajina cachun.

Apocalipsis 1:6

Ajinapi Jesucristoka nokanchejta uj llajtata ruwawarkanchej Dios Tatanman kayllaycuchejcuna cananchejpaj. Payka jatunchaska cachun. Wiñaypa wiñayninpajtaj atiywan ruwachun. Ajina cachun.

Apocalipsis 13:8

Cay pachapi tiyacojcunamanta wiñay causay libropi mana apuntaska cajcuna, millay animalta yupaycharkancu. Cay pacha ruwacuskanmantapacha wañuchiska Corderoj libronpi apuntaska cajcunarí mana yupaycharkancuchu.

Apocalipsis 15:3

Diospa camachin Moisespa Corderojtapis taquiyninta Diosman taquerkancu: —¡Tucuy atiyniyoj Señor Dios, ancha jatuntaj t'ucunapajtaj ruwaskasniyqueka! ¡Tucuy llajtasta Camachej, yuyayniyqueka chekan mana pantayniyoj!

Apocalipsis 19:1

Chaymanta khepata ancha ashqhas taquejtajina janaj pachapi Diosta yupaychajta uyarerkani. Nerkancutaj: —¡Aleluya! ¡Diosninchejmin tucuyta atipajka, jatunchaska cajpis, tucuy atiyniyoj cajpis!

Apocalipsis 4:11

—Señorniycu, Diosniycu, kanllamin jatunchanapajjina, may sumaj khawanapajjina, tucuy atiyniyoj canqui. Imaraycuchus kanmin tucuy ima cajta ruwarkanqui. Munayniyquirayculla ruwaskas cancu, cashancupis, —nispa.

Apocalipsis 5:13

Tucuy causashajcuna, janaj pachapi caj, cay pachapi caj, cay pachaj uranpi caj, kochaspi caj, tucuy chaycunapi cajcunatapis yupaychajta uyarerkani: —Atiyninwan camachinanpaj tiyananpi tiyaska cajman, Corderomanpis yupaychana cachun. May sumajpaj may jatunpaj khawaska, atiyniyojpis cachun, wiñaypa wiñayninpaj, —nispa.

Apocalipsis 5:6

Ricorkanitaj uj Corderota jatun tiyana chaypi, chay tawa causajcuna chaupipi chay curajcuna chaupipiwan. Chay Corderoka sayasharka wañuchiskapis canmanjina. Atiyniyoj caskanraycu kanchis wajrasniyoj kanchis ñawisniyojtaj carka. Ñawiska c'acha yanapayninta junt'aj Diospa Espiritunmin, tucuy cay pachaman cachamuskamin.

Apocalipsis 5:8

Kelka c'uyuta jap'ejtincama chay tawa causajcuna, chay iscay chunca tawayoj curajcunawan ima, Corderoman pampacama c'umuycorkancu yupaychanancupaj. Chay curajcunataj sapa ujnincu arpasniyoj carkancu, incienso junt'a kori vasosniyoj ima. Inciensori runasninpa Diosmanta mañacuynincumin.

Apocalipsis 5:9

Uj mosoj taquiyta taquerkancu: —Kanlla chay kelka c'uyuta jap'inayquipajjinaka sellosnintapis quichanayquipajjinaka canqui. Kanka wañuchiska carkanqui. Ajinapi yawarniyquiwan runaspa juchasnincuta wiñaypaj llimphucharkanqui Diospata canancupaj. Tucuy ayllumanta, tucuy laya parlayniyojcunamanta, tucuy llajtasmanta, tucuy jallp'amanta Diospata canancupaj ruwarkanqui.

Apocalipsis 6:1

Ricorkanitaj Corderota ñaupaj caj sellota quicharejta. Uyarerkanitaj chay tawa causajcunamanta ujninta truenojina parlarejta: —Jamuy, —nispa.

Apocalipsis 7:12

nispa: —¡Ajina cachun! ¡Yupaychay, jatunpaj khawaska cay, yachay, agradececuy, may sumajpaj khawaska cay, tucuy atiy, callpapis Diosninchejman cachun wiñaypa wiñayninpaj! ¡Ajina cachun!