Apocalipsis 3:18 - Quechua South Bolivia: Dios Parlapawanchej

¹⁸ Sumajta yuyaychayqui: Diospi jap'icunayquipaj nokamanta mañacuway. Paypi jap'icuyka sumaj puru korijinamin. Chaywan cierto khapaj canqui. Diospa ñaupakenpi ama k'alalla p'enkay riqhurinayquipaj chekan ruwaywan p'achallicuy. Diospa niskanta reparanayquipajpis nokamanta mañacuway. Ajinapi manaña ciegochu canqui.

Qheshwa Biblia DC

¹⁸ Qanta umachayki noqamanta rantikunaykita ninapi ch'uwachasqa qorita, qhapaj kanaykipaj; rantikunaykitataj yuraj p'achata p'achallikunaykipaj, ama q'ala kasqaykej p'enqaynin rikukunampaj rantikunaykitataj; ñawisniykipaj ñawi jampinata, rikunaykipaj.

DIOSPA QHELQACHISQAN DEUTEROCANONICAL

¹⁸ Chayrayku noqamanta ninapi sumaj ch'uwachasqa qorita rantikunaykita yuyaychayki, cheqapuni qhapaj kanaykipaj. Chantá yuyaychayki p'achallikunaykipaj yuraj p'achata rantikunaykita, ama q'alalla kasqaykirayku p'enqakunaykipaj. Yuyaychallaykitaj rantikunaykita ñawiykipaj jampita, sut'ita rikuyta atinaykipaj.

DIOSPA QHELQACHISQ

¹⁸ Chayrayku noqamanta ninapi sumaj ch'uwachasqa qorita rantikunaykita yuyaychayki, cheqapuni qhapaj kanaykipaj. Chantá yuyaychayki p'achallikunaykipaj yuraj p'achata rantikunaykita, ama q'alalla kasqaykirayku p'enqakunaykipaj. Yuyaychallaykitaj rantikunaykita ñawiykipaj jampita, sut'ita rikuyta atinaykipaj.

Apocalipsis 3:18 Iomraidhean Croise

San Mateo 13:44

‘Dios runasta camachishajtin uj chajrapi khapaj capuy p'ampaskaman rijch'acun. Chayta taricoj runaka pacaycun. Cusiywan rispataj tucuy capuyninta vendemun chay jallp'atataj ranticapun.

San Mateo 25:9

Yuyayniyoj sipascunataj cuticherkancu: “Mana. Kosuyquichejman chayka, kancunapajpis nokaycupajpis pisinman. Astawanpis riychej vendejcunajman rantinayquichejpaj”, nispa.

San Lucas 12:21

Ajinamin cashan pay quiquinpaj khapaj capuyta tantaj runawanka. Chay runaka Diospa khawayninpi mana imayoj, —nerka Jesús.

2 Corintios 5:3

Ajinaka mosoj cuerpowan p'achalliskas caspaka mana k'alallachu casajcu.

2 Corintios 8:9

Chaytataj niyquichej Señorninchej Jesucristoj c'acha yanapayninta rejsiskayquichejraycu. Payka janaj pachapi khapaj cashaspapis kancunapaj wajcha runaman tucorka. Wajchayacorka chay wajcha cayninnejta kancuna c'acha yanapayninwan khapajyachiskas canayquichejpaj.

1 Timoteo 6:18

Camachillaytaj c'acha imastapuni ruwanancuta. Ajinapi khapaj cankancu c'acha ruwanaspi. Mana mich'acuywan wajcha runasman llaquiynincupi kospa cuscachacuncu.

Santiago 2:5

Uyariwaychej, munaska hermanosníy: ¿Manachu Dios ajllarka cay pachapi pisi capuyniyoj runasta sonkoncupi khapaj canancupaj paypi jap'icuspa? ¿Manachu paycunata ajllarka causanancupaj pay camachin, chaypi? Chay causayta sumajta nerka konanta tucuy payta munacojcunaman.

1 Pedro 1:7

Yachanquichejjina imaynatachus koritaka ninapi unuyachincu puru cananpaj, ajinallatataj Diospis phutiyniyquichejwan kancunapi ruwan. Chaytari payka ruwan paypi sumajta jap'icuskayquichej yachacunanpaj. Koreka puru caspapis tucucuyniyojmin. Diospi jap'icuyniyquichejrí mana tucucuyniyoj. Chaywanpis korimanta niskaka aswan sumajmin. Ajinapi Jesucristo cutimojtin sichus Diospi jap'icuspapuni causashanquichej chayka, Dios jatunchasonkachej. Munacuywantaj sumajpaj khawasonkachej.

Apocalipsis 16:15

¡Uyariychej! Mana yuyashajtiyqui chayamusaj. Nokawan ujchaskallapuni causacuy ama p'enkay juchapi jap'iska canayquipaj. Ajinallatapuni causacojka may cusiska canka.

Apocalipsis 19:8

Llimphu lliphipej imperialjina fino linota p'achallicunanpaj koska carka, —nispa. Chay p'achaka Diospa runasninpa chekan causaynincumin.

Apocalipsis 2:9

Yachani kanmanta llaquiyniyquitapis pisichicuyniyquitapis. Astawanpis wiñay capuyniyoj canqui. Yachanitaj waquin israelcunaj sajrata parlaskancuta. Paycunaka, “Israelcuna caycu”, nicuncu. Manataj cheka israelcunachu cancu. Manachayrí supay Satanaspa tantacuna-wasinmanta cancu.

Apocalipsis 3:17

Kanka nishanqui: “Khapaj cani. [Diospa Espiritunwanpis] khapajyachiska cani. Chayraycu mosoj causaypi ni imapi pisichicunichu”, nispa. Manataj reparacunquichu mosoj causaypi wajcha, qhuyay, mana imayoj, ciego, Diospa ñaupakenpi k'alalla caskayquita.

Apocalipsis 4:4

Chay jatun tiyanari iscay chunca tawayoj tiyanaswan muyuriska carka. Chay tiyanaspitaj iscay chunca tawayoj curajcuna tiyaskas carkancu. Yuraj p'achawan p'achalliskas, atipaskancumanta umancupitaj kori pilluwan churaskas carkancu.

Apocalipsis 7:13

Chay curajcunamanta ujnin caj tapuwarka: —Cay yuraj khoysu p'achawan p'achalliskas ¿picunataj cancu? ¿Maymantataj jamuncu?