Apocalipsis 22:11 - Quechua South Bolivia: Dios Parlapawanchej

¹¹ Sajrapi causajka sajrallapipuni causachun; millay cajka millayllapuni cachun; chekan cajta ruwajka chekan cajllatapuni ruwachun; Diosman t'akaska cajpis payman t'akaskallapuni cachun, —nispa.

Qheshwa Biblia DC

¹¹ Ch'aukiyajqa ch'aukiyachunraj; ch'ichi kajqa ch'ichiraj kachun; cheqan kajqa cheqanraj kachun; llimphu kajpis, aswan llimphu kachun.

DIOSPA QHELQACHISQAN DEUTEROCANONICAL

¹¹ Chaykamarí millayta ruwajqa millay kajta ruwallachunrajpuni, ch'ichi puriyniyojtaj ch'ichichakuspallapuni purichun. Cheqan runarí cheqan kajta ruwallachunpuni, juchamanta t'aqasqataj astawan astawan llimphuchakun.

DIOSPA QHELQACHISQ

¹¹ Chaykamarí millayta ruwajqa millay kajta ruwallachunrajpuni, ch'ichi puriyniyojtaj ch'ichichakuspallapuni purichun. Cheqan runarí cheqan kajta ruwallachunpuni, juchamanta t'aqasqataj astawan astawan llimphuchakun.

Apocalipsis 22:11 Iomraidhean Croise

San Mateo 15:14

Sakeychej chaycunata munaynincumanjina ruwanancuta. Paycuna ciegosjina cancu Diospa yachachinasninmantaka. Chaywanpis waj ciegosta pusajcunajinataj cancu. Sichus uj ciego ciegollatataj pusanman chayka, iscaynincu cusca t'okoman urmayconkancu, —nispa.

San Mateo 21:19

Ñan kayllapi uj higo sach'ata ricuspataj chimpaycorka. Manataj tarerkachu higostaka, manachayrí laphisllata. Paytaj nerka: —Ni jayc'ajpis pokoyniyqui cachunchu. Chaymanta higo sach'aka ch'aquerpariporka.

San Mateo 25:10

Paycuna rantej rinancucamataj casaracojka runasninwan jamorka. Waquichiska cajcunataj casaracoj runawan runasninwan ima casamiento wasiman yaycorkancu. Chaymantataj puncu wisk'acaporka.

San Mateo 5:45

Chayjinata ruwanayquichej janaj pacha Dios Tatayquichejjina canayquichejpaj. Payka intita c'anchachimun c'acha runaspaj sajra runaspajpis. Parachimuntaj chekan ruwajpaj sajrata ruwajpajpis.

San Mateo 5:6

‘May cusiskas cancu Diospaj cheka causayta munajcunaka. Imaynatachus yarkhachicojcuna miqhunata munancu chayrí ch'aquichicojcuna yacuta munancu ajinata. Munaskancumanjina paycuna sajsaskas cancu.

San Juan 8:21

Ujtawan paycunaman nillarkataj: —Noka ripusaj. Chaymantataj kancunaka masc'awanquichej. Juchayquichejpitaj wañunquichej. Noka ripushani, chaymantaj kancuna mana jamuyta atinquichejchu, —nispa.

Efesios 5:27

Chayta Cristo ruwarka iglesia runasninta uj cuerpollapi paypa ñaupakenman pusananpaj. Mana pantayniyojta, ni ch'ichiyojta, nitaj chayjina rijch'acuyniyojtapis munan. Manachayrí c'acha mana juchachana cananchejta munan. Ajinata runasninta ñaupakenman pusananpaj sonkopi c'achachan.

Colosenses 1:22

Cunanrí Cristoj runa cuerponpi wañuyninnejta allinyachiskas canquichej. Cristoka c'acha causayniyojta, mana juchayojta, nitaj juchachanata ruwasorkachej Diospa naupakenman pusasunayquichejpaj.

2 Timoteo 3:13

Astawanpis sajra runacunaka pantachejcunapis sajramanta astawan sajraman chayankancu, pantachispa pantachichicuspa.

Judas 1:24

Diosmin atiyniyojka juchamanta kancunata wakaychananpajka. May cusiywantaj paypa lliphipej ñaupakenman ni imamanta c'aminata pusasonkachej.

Apocalipsis 16:21

Runasmantaj janaj pachamanta quintalniyojjina granizamorka. Chay granizo ñac'ariyka ancha fiero caskanraycu runas Diospaj sajrata parlarkancu.

Apocalipsis 22:3

Manaña ni ima cankachu Dios phiñacunanpajjinaka. Chaypitaj Diospata Corderojtapis camachina tiyanan canka. Camachisnin payta yupaychankancu.