Apocalipsis 20:9 - Quechua South Bolivia: Dios Parlapawanchej

⁹ Tucuy jallp'a patata junt'amonkancu. Muyuyconkancutaj Diospa runasninpa cuartelnincuta, chay munaska llajtanta. Muyuycojcunata janaj pachamanta uraycamoj nina ruphaspa wañurachenka.

Qheshwa Biblia DC

⁹ Chaykunataj wicharimorqanku maychus jallp'aj jatun kayninman jina. Ajllasqaspa wasi toldosnintataj muyuykorqanku, chay munasqa llajtatawan. Janaj pachamantataj nina uraykamuspa q'olarqa.

DIOSPA QHELQACHISQAN DEUTEROCANONICAL

⁹ Paykuna tukuy pampata aywirispa jamorqanku, chantá Diospa ajllakusqankunaj jarankuta, jinataj munasqa llajtatawan ima muyuykorqanku. Jinallaman janaj pachamanta nina urayk'amuspa, paykunata q'olarparerqa.

DIOSPA QHELQACHISQ

⁹ Paykuna tukuy pampata aywirispa jamorqanku, chantá Diospa ajllakusqankunaj jarankuta, jinataj munasqa llajtatawan ima muyuykorqanku. Jinallaman janaj pachamanta nina urayk'amuspa, paykunata q'olarparerqa.

Apocalipsis 20:9 Iomraidhean Croise

San Lucas 17:29

Lot Sodoma llajtamanta llojsiporka. Chay p'unchaypitaj Dioska ninata azufretawan parachimorka janaj pachamanta. Tucuy chaypi cajcunata k'alata tucucherka.

San Lucas 19:43

Chayraycu mana allin p'unchaycuna kancunapaj canka. Enemigosniyquichej llajtayquichejpa jawanta jatun perkata ruwankancu contrayquichejpi makanancupaj. Tucuy muyuyniyquichejpi tiyaycuconkancu, tucuynejmanta wisk'asonkachej.

San Lucas 21:20

‘Soldados Jerusalenta muyuycamojta ricuspa yachanquichej cay llajtaka tucuchiskaña cananta.

San Lucas 9:54

Iscay yachacojcunataj, Juan Jacobopiwan, chayta ricuspa Jesusta nerkancu: —Señorníy ¿munawajchu janaj pachamanta ninata uraycuchimunanchejta cay runasta ruphaycuchinapaj? Elías ruwarka, chayjinata, —nispa.

2 Tesalonicenses 1:8

Señorninchej Jesuska juchasnincuraycu ñac'arichenka sumaj willanasninta mana casojcunata, Diosta mana rejsejcunatawan.

Hebreos 13:13

Chayraycu payman kayllaycunanchejpaj p'enkayninta muchunachej. Ñaupa causayninchejtataj sakenachej.

Apocalipsis 11:5

Sichus mayken paycunata ñac'arichiyta munanman chayka, nina simincumanta llojsimonka enemigosnincuta ruphaycunanpaj. Paycunata ñac'arichiyta munajka ajina wañuchiska canan tiyan.

Apocalipsis 13:13

Iscay caj millay animalka runaspa ñaupakencupi jatuchej ricuchinasta ruwarka. Ninatawanpis janaj pachamanta cay pachaman uraycuchimorka.