Apocalipsis 20:12 - Quechua South Bolivia: Dios Parlapawanchej

¹² Ricorkanitaj tucuy wañuskacunata, jatunpaj khawaskacunatapis pisipaj khawaskacunatapis, tiyanaj ñaupakenpi sayashajta. Wiñay causayniyojcunaj sutisnincu kelkana libro quichariska carka. Waj librospis quichariskasllataj carkancu. Chay librospi runaspa ruwaskasnincu kelkaskas cancu. Ruwaskasnincu kelkaska caskanmanjina wañuskacunaka juzgaskas carkancu.

Qheshwa Biblia DC

¹² Rikullarqanitaj wañusqasta, jatuchejkunata, juch'uykunatapis Diospa ñaupaqempi sayashajta. Libros kicharikorqanku, chantá waj libropis kicharikullarqataj. Chayqa kausaypa libron. Wañusqastaj juchachasqas karqanku, imamantachus librospi escribisqa kasqanmanta, ruwasqankuman jina.

DIOSPA QHELQACHISQAN DEUTEROCANONICAL

¹² Chantá rikullarqanitaj Diospa ñawpaqenpi sayashajta wañusqakunata, pikunachus mana kasu ruwana, jinataj maypaj qhawasqa karqanku, chaykunata. Chantá angelkuna p'anqakunata kicharerqanku, chay p'anqakunamanta ujnintaj kawsay p'anqa karqa. Chay wañusqakunataj juzgasqa karqanku, kawsashaspa imatachus ruwasqankumanta, p'anqakunapi qhelqasqa kasqanman jina.

DIOSPA QHELQACHISQ

¹² Chantá rikullarqanitaj Diospa ñawpaqenpi sayashajta wañusqakunata, pikunachus mana kasu ruwana, jinataj maypaj qhawasqa karqanku, chaykunata. Chantá angelkuna p'anqakunata kicharerqanku, chay p'anqakunamanta ujnintaj kawsay p'anqa karqa. Chay wañusqakunataj juzgasqa karqanku, kawsashaspa imatachus ruwasqankumanta, p'anqakunapi qhelqasqa kasqanman jina.

Apocalipsis 20:12 Iomraidhean Croise

San Mateo 11:22

Chaywanpis niyquichej: Diospa c'ajaj phiñacuynin p'unchaypiri kancunata astawan ñac'arichisonkachej Tiropi Sidonpi tiyacojcunamanta niskaka.

San Mateo 16:27

Imaraycuchus noka, Diospa cachaska Runan, cutimusaj Dios Tataypa atiyninwan cachamuska angelesninwan cusca. Chaypachataj sapa ujman ruwaskanmanjina kopusaj.

San Lucas 10:20

Astawanpis ama cusicuychejchu supaycuna kancunata casususkayquichejmantaka. Astawanka cusicuychej sutisniyquichej janaj pachapi kelkaskasña caskanmanta, —nispa.

Hechos 24:15

Paycunaka nincu tucuy wañuskacuna causarimunancuta. Allinta ruwajcunapis mana allinta ruwajcunapis causarimonkancu. Ajinata chay kelkajcuna Diospi suyacuncu. Nokapis ajinallatataj Diospi jap'icuspa suyacuni.

Romanos 2:6

Sapa uj runaman ruwaskasninmanjina cutichenka.

1 Corintios 4:5

Chayraycu ama ni imatapis khawaraychejchu manaraj Señor jamushajtenka. Pay jamuspa lakhapi pacaska imasta c'anchayman orkhonka. Sapa uj runaj sonkonpi yuyaskantataj sut'inchanka. Chanta sapa uj runata ruwaskanmanjina Dios mentanka.

2 Corintios 5:10

Yachanchejjina tucuy nokanchej Cristoj ñaupakenman presentacunanchej tiyan. Chaypi sapa ujninchejman cay pachapi ruwaskanchejmanjina pay kowasun. Allin ruwaskanchejmanjina chayrí mana allin ruwaskanchejmanjinapis jap'isunchej.

Filipenses 4:3

Kantapis, cheka llanc'aj-masi, niricuyqui chay warmista yanaparinayquita. Paycuna nokawan cusca sumaj willanaspi llanc'arkancu. Clementewan cusca llanc'arkancu, tucuy llanc'aj-masisniywanpis. Paycunaj sutisnincoka Diospa libronpi kelkaskamin tucuy wiñay causayniyojcunawan.

Apocalipsis 11:18

Cay pacha llajtacuna kanpaj phiñacorkancu. Cunanrí kanpa phiñacunayqui tiempo chayamunña. Juiciopi wañuskacunata juzganayqui tiempopis chayamunña. Cunantaj ruwaskancumanjina cutichipunqui willajcunayquiman, kanman t'akaska runasniyquiman, kanta yupaychajcunamanpis, pisipaj khawaskacunamanpis, jatunpaj khawaskacunamanpis. Cunantajmin cay pachata tucuchejcunata tucuchinayquipaj tiempoka chayamunña, —nispa.

Apocalipsis 13:8

Cay pachapi tiyacojcunamanta wiñay causay libropi mana apuntaska cajcuna, millay animalta yupaycharkancu. Cay pacha ruwacuskanmantapacha wañuchiska Corderoj libronpi apuntaska cajcunarí mana yupaycharkancuchu.

Apocalipsis 17:8

Ricorkanqui, chay millay animalka causarka, chanta, wañuska carka. Nina kochamanta wicharimushanña, wiñay wañuyman rishaspa. Cay pachapi tiyacojcuna millay animalta ricuspa t'uconkancu. Chay t'ucojcunaka mana listaska cajcuna cancu, cay pacha kallaricuymantapacha, wiñay causay libropi. Paycuna riconkancu millay animalta, chay causaskanta, wañuskanta, ujtawantaj riqhurimuskanta. Chayraycu mayta t'uconkancu.

Apocalipsis 19:5

Chay jatun tiyanamanta nimorka: —Diosninchejta yupaychaychej, tucuy camachisnin cajcuna payta casojcuna, pisipaj khawaskacunapis jatunpaj khawaskacunapis, —nispa.

Apocalipsis 2:23

Chay warmej yachachiyninta casojcunata wañuywan tucuchisaj. Ajinapi tucuy ajllacuskasniyka yachankancu, runaj pacaska yuyayninta sonkontapis sut'ita noka khawaj caskayta. Yachankancutaj sapa ujniyquichejman ruwaskayquichejmanjina kosunayquichejta.

Apocalipsis 20:11

Ricorkanitaj uj jatun yuraj tiyanata chaypi tiyaska cajtawan. Paypa ñaupakenmantaka jallp'apis cielopis aykecorkancu chincaporkancutaj.

Apocalipsis 20:13

Wañuskaska tucuy ladosmanta llojsiramorkancu, kochasmanta, uqhu pachamantapis. Sapa ujnincu ruwaskasnincumanjina juzgaskas carkancu.

Apocalipsis 20:15

Chay juchachaskacuna tucuynincu nina kochaman wijch'uycuskas carkancu. Paycunaj sutisnincu mana kelkaskachu carkancu wiñay causayniyojcunawan. [Ajinapi Diosmanta wiñaypaj t'akaskas cancu.]

Apocalipsis 21:27

Chaymanka ni jayc'aj yayconkachu ni ch'ichichaska cajpis ni millay ruwajpis, nitaj llulla cajpis. Manachayrí wiñay causayta koj Corderoj libronpi kelkaska cajcunalla chayman yayconkancu.

Apocalipsis 22:12

Jesús nin: —¡Uskhayta cutimushani! Cutimuspataj ruwaskanmanjina sapa ujman jap'inan cajta kosaj.

Apocalipsis 3:5

Juchata atipajka llimphu causaywan p'achalliconka p'achawanjina. Wiñay causayniyojcunaj sutisnincu kelkana libromantapis paypa sutintaka ni jayc'aj pichasajchu. Astawanpis Tatay Diospa ñaupakenpi angelesninpa ñaupakencupipis cheka runaypaj paytaka rejsicusaj.