Apocalipsis 14:6 - Quechua South Bolivia: Dios Parlapawanchej

⁶ Ricorkanitaj uj angelta patapi phawashajta. Wiñay wiñaypaj sumaj willanasta willamoj phawasharka cay pachapi tiyacojcunaman, tucuy jallp'asman, tucuy ayllusman, tucuy laya parlayniyojcunaman, tucuy llajtasmanpis.

Qheshwa Biblia DC

⁶ Waj angeltataj janaj pachaj chaupinta phawajta rikorqani, wiñay evangelio jap'ishajta; kay pachapi tiyakojkunaman, tukuy llajtasman, ayllusman, waj parlayniyojkunaman, tukuy runasman ima willanampaj.

DIOSPA QHELQACHISQAN DEUTEROCANONICAL

⁶ Chaymanta waj angeltañataj chawpi janajpi phawashajta rikorqani. Chay angelqa wiñaypaj valorniyoj sumaj willayta apasharqa, kay pachapi tukuy runaman, tukuy suyupi, tukuy imaymana rijch'aj runaman, aylluman, chantá tukuy imaymana parlayta parlajkunaman ima willananpaj.

DIOSPA QHELQACHISQ

⁶ Chaymanta waj angeltañataj chawpi janajpi phawashajta rikorqani. Chay angelqa wiñaypaj valorniyoj sumaj willayta apasharqa, kay pachapi tukuy runaman, tukuy suyupi, tukuy imaymana rijch'aj runaman, aylluman, chantá tukuy imaymana parlayta parlajkunaman ima willananpaj.

Apocalipsis 14:6 Iomraidhean Croise

San Mateo 10:27

Lakhapi parlasuskayquichejtaka sut'ita tucuypa ñaupakenpi willaychej. Ningrillayquichejpi willasuskayquichejtapis ashqha runasman khaparispa willaraychej.

Marcos 16:15

Jesuska paycunaman nerka: —Tucuy cay pachantinman riychej. Sumaj willanasta tucuy runasman willaramuychej.

Romanos 16:25

Dioska atiyniyojmin callpachasunayquichejpaj sumaj willanasniymanjina Jesucristoj willaraskanmanjinapis. Chay sumaj willanaspi unay unaymantapacha Diospa pacaska yuyaynin sut'inchacun.

Colosenses 1:23

Astawanrí Diospi jap'icuspa mana cuyoj sinch'ita sayacunayquichej tiyan. Sumaj willanaspi confiacuspapunitaj mana cuyucunayquichejchu tiyan. Chay uyariskayquichej sumaj willanasmin tucuy cay pachantinpi willaraska cashan. Chayta willaranaypajtaj Dioska noka Pablota camachinpaj churawarka.

2 Tesalonicenses 2:16

Quiquin Señorninchej Jesucristo Dios Tatanchejwan mayta munacuwarkanchej. C'achas caskanraycu callpachaska sonkowan causachiwarkanchej nokanchejta cusichicuspa. Astawanpis mayta suyachiwarkanchej khepa p'unchaycunapi wiñaypaj paywan causacunanchejpaj. Ajinamanta yanapasonkachej kancunata allin cajtapuni ruwanayquichejpaj c'achata parlanayquichejpajpis.

Hebreos 13:20

Allinyachej Dioska Señorninchej Jesucristota wañuymanta causarichimorka. Yawarninnejtataj mosoj tratonmanjina jatun Michejta churarka. Chayraycu Jesuska ovejasninta khawanawanchejpaj jatun Michejninchejmin.

1 Pedro 1:25

Señor Diospa niskanrí wiñaypaj callankapuni, nispa. Chay niskanka sumaj willanasmin. Kancunamantaj willaraska carka.

Apocalipsis 10:11

Chanta niwaska carka: —Ujtawan sut'inchanayqui tiyan ashqha llajtasmanta, ashqha nacionesmanta, tucuy laya parlayniyojcunamanta, ashqha camachejcunamantapis, —nispa.

Apocalipsis 10:7

Astawanpis kanchis angel cornetanta tocajtinmin chay p'unchay Diospa pacaska yuyaynin junt'aconka. Chay sumaj yuyayninta sut'inchaj camachisninman willarka, —nispa.

Apocalipsis 13:7

Diosman t'akaska runaswan makanacunanpaj paycunata atipananpajpis millay animalman atiy koska carka. Tucuy ayllusta, llajtasta, tucuy laya parlajcunata, nacioncunatapis camachinanpaj atiy koska carka.

Apocalipsis 3:10

Niskaymanjina Diospi jap'icuspa muchorkanqui. Chayraycu nokapis manchay ñac'ariy p'unchaycunamanta jarc'askayqui. Chay ñac'ariy p'unchaycunaka tucuy cay pachapi canka. Chaywantaj tucuy cay pachapi caj runaspa sonkoncuta yachasaj.

Apocalipsis 5:9

Uj mosoj taquiyta taquerkancu: —Kanlla chay kelka c'uyuta jap'inayquipajjinaka sellosnintapis quichanayquipajjinaka canqui. Kanka wañuchiska carkanqui. Ajinapi yawarniyquiwan runaspa juchasnincuta wiñaypaj llimphucharkanqui Diospata canancupaj. Tucuy ayllumanta, tucuy laya parlayniyojcunamanta, tucuy llajtasmanta, tucuy jallp'amanta Diospata canancupaj ruwarkanqui.

Apocalipsis 8:13

Chanta ricorkani uyarerkanitaj chaupi cielopi uj phawashaj ancata. Sinch'itataj khaparerka: —¡Phutiy ari, cay pachapi tiyacojcunapajka! Quinsa angeles manaraj tocashancurajchu. Paycuna tocajtincu jatun phutiy canka. Ñapis tocanayashancuña, —nispa.