Apocalipsis 14:10 - Quechua South Bolivia: Dios Parlapawanchej

¹⁰ Paytaka Dios c'ajaj phiñacuyninwan sinch'ita ñac'arichenka. Santo angelesninpa ñaupakencupi Corderoj ñaupakenpiwan azufrewan laurashaj ninapi ñac'arichenka.

DIOSPA QHELQACHISQAN DEUTEROCANONICAL

¹⁰ Diospa phiñakuyninpa vinonmanta ujyanan kanqa. Chay vinoqa mana imawan chajrusqa, Diospa phiñakuyninwan junt'asqa vasonpi kashan. Paykuna Diospaj t'aqasqa angelkunaj ñawpaqenpi, jinataj Corderoj ñawpaqenpi ninawan, chantá ninayarishaj azufrewan ima ñak'arichisqa kanqanku.

DIOSPA QHELQACHISQ

¹⁰ Diospa phiñakuyninpa vinonmanta ujyanan kanqa. Chay vinoqa mana imawan chajrusqa, Diospa phiñakuyninwan junt'asqa vasonpi kashan. Paykuna Diospaj t'aqasqa angelkunaj ñawpaqenpi, jinataj Corderoj ñawpaqenpi ninawan, chantá ninayarishaj azufrewan ima ñak'arichisqa kanqanku.

Apocalipsis 14:10 Iomraidhean Croise

San Mateo 20:22

Jesusrí cuticherka: —Kancunaka mana yachanquichejchu imatachus mañaskayquichejta. Manchayta ñac'anay tiyan. Chayka uj jayawan junt'aska copajina. ¿Ñac'ariy wañunaycama nokajina muchuyta atiwajchejchu? Paycunataj nerkancu: —Arí, atiycu.

San Mateo 25:41

‘Noka, Camachejnincoka, chanta nillasajtaj llok'eypi cajcunata: “Kancuna juchachaska cajcuna riychej caymanta. Supay Satanaspaj cachasninpajwan uqhu pachapi wiñaypaj lauraj nina waquichiska cashan. Chayman kancunaka riychej.

San Mateo 26:39

Uj tumpatawan ñaupaspa uyan pampacama c'umuycorka. Diosmanta mañacuspataj nerka: —Munaska Tatáy, cay ñac'ariypi wañunayka sichus aticun chayka, ama cachunchu. Astawanpis cayka mana nokaj munayniychu cachun. Manachayrí kanpa munayniyqui ruwaska cachun, —nispa.

Marcos 8:38

Cay p'unchaycunapi caj khenchachacoj juchallicoj runacunaj ñaupakencupi ama nokamanta niskasniymantapis p'enkacuychejchu. Nokapis cutimuspa kancunamantaka mana p'enkacuskayquichejchu. Noka, Diospa cachaska Runan, Tataypa atiyninpi santo angelesninwantaj cutimusaj, —nerka Jesús.

Marcos 9:44

Chaypitaj wiñay wañuypi ñac'arenkancu.

Hechos 10:22

Paycunataj cuticherkancu: —Soldadosta camachej Cornelio cachamuwaycu. Payka chekan runamin Diostapis casunpuni. Tucuy Israel llajta-masisniyqui payta c'acha runapaj khawancu. Diosmanta cachamuska uj angel payman sut'inchaspa nerka wasinman wajyasunanta. Pay tucuy ninayquita uyarisuyta munan, —nispa.

2 Tesalonicenses 1:7

Kancuna llaquichiskacunatataj nokaycuwan cusca Señorninchej Jesucristo samarichiwasun, atiyniyoj angelesninwan janaj pachamanta uraycamojtin. Laurashaj ninawantaj riqhurimonka.

Judas 1:7

Chaywanpis yuyarichiyquichej Sodomamanta, Gomorramanta, muyuyninpi llajtasmanta ima. Chay llajtaspi tiyacojcunaka khenchachacuspa millayta causaspapis tiyacorkancu. Paycunari ni jayc'aj wañoj ninapi ñac'arishancu. Chayka ricuchiwanchej mana casojcunata Dios juchachananta.

Apocalipsis 15:7

Chay tawa causajcunamanta ujnin chay kanchis angelesman sapa ujman kori vasota korka. Chay kanchis vasoska wiñaypa wiñayninpaj causaj Diospa c'ajaj phiñacuyninwan junt'a carkancu.

Apocalipsis 16:19

Chaywan jatun llajta Babiloniaka quinsaman partiska carka. Nacioncunaj llajtasnincupis urmararkancu. Ajinapi Dioska jatun llajta Babiloniaj juchasninmanta yuyaricuspa manchay c'ajaj phiñacuyninwan juchacharka.

Apocalipsis 18:3

Chay llajtaj millay sajra causayninwan tucuy llajtas machaycuspa juchallicorkancu. Cay pacha camachejcunaka llajtaj millay causayninwan juchallicorkancu. Cay pacha comerciantespis cay llajtaj millay cusiyninwan khapajyarkancu, —nispa.

Apocalipsis 18:6

Chayraycu juchallicuskanmanjina cutichiska cachun. Sajra ruwaskanmanjina iscay cuti cutichiska cachun. Millaycunata waquichispa ujyachiskanmanjina iscay cuti cutichiska cachun.

Apocalipsis 19:15

Diospa Niskan sutiyojpa siminmanta filo t'ujsina espada llojsimushan, chaywan llajtasta wajtananpaj. Tucuy llajtasta sinch'i atiywan camachenka. Tucuy atiyniyoj Diospa c'ajaj phiñacuyninwan sajra runasta paylla juchachanka.

Apocalipsis 19:20

Millay animalka llulla willajninwan presochaskas carkancu. Willajnenka paypa ñaupakenpi chay marcachicojcunata pantachinanpaj ricuchinasta ruwaj carka. Pantachiska runastaj millay animalpa sutinwan marcachicorkancu paypa rijch'acuynintapis yupaycharkancu. Chay millay animalka willajninwan iscaynincu causashaj wijch'uycuskas carkancu azufrewan laurashaj, chay nina kochaman.

Apocalipsis 20:10

Paycunata pantachej diablotaj azufrewan laurashaj nina kochaman wijch'uycuska canka. Chay nina kochallamantaj millay animalka llulla willajninwan wijch'uycuskasña carkancu. Chaypi paycuna tuta p'unchay wiñaypa wiñayninpaj ñac'arichiskas cankancu.

Apocalipsis 20:14

Wañuypis uqhu pachapis nina kochaman wijch'uycuskas carkancu. Chay nina kochaka iscay caj wañuyñamin.

Apocalipsis 21:8

Astawanrí manchachicojcunalla, nokapi jap'icuyta mana munajcuna, millay causajcuna, runata wañuchejcuna, khenchachacojcuna, laykacuna, ruwaska dioscunata yupaychajcuna, tucuy llullacojcunapis —tucuy paycunaka azufrewan laurashaj nina kochaman renkancu. Chayka iscay caj wañuyñamin, —nispa.