Apocalipsis 11:17 - Quechua South Bolivia: Dios Parlapawanchej

¹⁷ —Tucuy atiyniyoj Señor Diosniycu, kan canquipuni carkanquipunitaj. Jatun atiyniyquiwanña cunan camachishaskayquiraycu kanta agradececuycu.

Qheshwa Biblia DC

¹⁷ Nerqankutaj: Qanman graciasta qoyku, Señor Dios Tukuy Atiyniyoj. Qan kanki, karqankitaj. Atiyniykita jap'erqanki, kamachishankiñataj.

DIOSPA QHELQACHISQAN DEUTEROCANONICAL

¹⁷ Nerqankutaj: Tukuyta Kamachej, Tukuy Atiyniyoj Dios, pachis pachis niyku. Qanmin kawsanki, wiñay wiñaymantapachataj kawsallarqankipuni. Kunantaj jatun atiyniykiwan kay pachapi kamachiyta qallarishanki.

DIOSPA QHELQACHISQ

¹⁷ Nerqankutaj: Tukuyta Kamachej, Tukuy Atiyniyoj Dios, pachis pachis niyku. Qanmin kawsanki, wiñay wiñaymantapachataj kawsallarqankipuni. Kunantaj jatun atiyniykiwan kay pachapi kamachiyta qallarishanki.

Apocalipsis 11:17 Iomraidhean Croise

San Mateo 11:25

Chaypacha Jesuska Diosman nerka: —Yupaychayqui Tatáy, kanka janaj pachata cay pachata camachej canqui. Imaraycuchus cay imasta yachaysapasmanta yuyaysapasmanta pacaycorkanqui. Wawajina llamp'u sonkoyojcunamantaj cay imasta sut'incharkanqui.

San Lucas 10:21

Chay quiquinpacha Santo Espíritu Jesuspa sonkonman jatun cusiywan junt'acherka. Jesustaj nerka: —Tucuy cay pachata janaj pachatawan Camachej Tatáy, agradececuspa yupaychayqui. Imaraycuchus yuyaskayquita pacarkanqui ancha yachayniyoj runasmanta. Chaytarí wawajina llamp'u sonkoyojcunaman sut'incharkanqui. Arí, Tatáy, ajinata ruwaskayquipi cusicunqui, —nispa.

San Juan 11:41

Runastaj rumita okharerkancu. Jesusri patata khawarispa nerka: —Tatáy, graciasta koyqui kanman uyariwaskayquimanta.

2 Corintios 2:14

¡Astawanpis Diosman gracias! Atipaj Cristowan ujchaska cajtiycu, jarc'ajta atipajcunatapuni ruwawaycu. Paypa yachaynintataj sumaj k'apaytajina tucuynejpi nokaycunejta runasman reparachin.

2 Corintios 9:15

¡Diosman graciasta kona mana yuyay atina koskanmanta!

1 Timoteo 1:12

Graciasta koni Cristo Jesús Señorninchejman willaranaypaj callpachawaskanmanta. Cheka ruwajninpaj khawawaspa paypa yanapajnin canaypaj churawarka.

Apocalipsis 1:4

Juanka Asia jallp'api caj Diospa ajllacuskasnin kanchis iglesiasman kelkan. Dios Tatamanta, Santo Espiritumanta, Jesucristomanta c'acha yanapaynin kancunawan cachun allillanpi causacunayquichejpaj. Dios Tataka cashanpuni, carkapuni, wiñaypajpunitaj canka. Santo Espiritoka Diospa ñaupakenmanta tucuy niskasninta junt'anpunimin.

Apocalipsis 1:8

Tucuy atiyniyoj Señor Dioska nin: “Noka cani kallarejka, nokataj tucuchaj cani,” nispa. Payka cashanpuni, carkapuni, wiñaypajpunitaj canka.

Apocalipsis 11:15

Kanchis caj angel tocarka. Janaj pachapitaj sinch'ita khaparerkancu: —Señorninchejpatawan Cristonpatawanña tucuy cay pachata camachiyka. Wiñaypa wiñayninpajtaj camachenka, —nispa.

Apocalipsis 15:3

Diospa camachin Moisespa Corderojtapis taquiyninta Diosman taquerkancu: —¡Tucuy atiyniyoj Señor Dios, ancha jatuntaj t'ucunapajtaj ruwaskasniyqueka! ¡Tucuy llajtasta Camachej, yuyayniyqueka chekan mana pantayniyoj!

Apocalipsis 16:14

Chay millay espiritustaj ricuchinasta ruwaj supaycuna carkancu. Paycunaka tucuy cay pacha camachejcunaman rerkancu. Tucuy atiyniyoj Diospa jatun guerra p'unchayninpaj chay camachejcunata tantamorkancu.

Apocalipsis 16:5

Yacusmanta atiyniyoj angelta uyarerkani nejta: —Kanlla chekanka canqui, canquipuni, carkanquipunitaj. C'ata santo caj Dios, kanlla chekanka canqui, canquipuni, carkanquipunitaj. Ajinata juchachaskayquiwan chekan ricuchicunqui.

Apocalipsis 16:7

Uyarerkanitaj altarmanta nimojta: —Arí, tucuy atiyniyoj Señor Dios, juiciopi juchachaskayqueka chekanpunimin, —nispa.

Apocalipsis 18:8

Chayraycu uj p'unchayllapi manchay llaquiycuna payman jamonka, onkoy, phutiy, yarkhaypis. Ushphayanancama ninawan ruphaycuskataj canka. Payta juchachaj Señor Dioska callpayojmin, —nispa.

Apocalipsis 19:11

Ricorkanitaj janaj pachata quichaskata. Uj yuraj caballotaj riqhurimorka. Chay caballopi llok'aska cajka niskanta junt'aj caj, cheka cajtaj. Payka chekanta juzgan, sajra cajpa contranpitaj makanacun.

Apocalipsis 19:6

Uyarerkanitaj ancha ashqha taquejtajina phajchaj sonaynintajina sinch'i truenocunatajinapis. Nerkancutaj: —¡Aleluya! Tucuy atiyniyoj Señor Diosninchej camachinña.