1 Juan 5:10 - Quechua South Bolivia: Dios Parlapawanchej

¹⁰ Jesucristopi jap'icojka yachan sonkonpi pay Diospa Wawan caskanta. Imaraycuchus jap'icojpa sonkonpi Dios chayta reparachin. Diospi mana jap'icojrí payta llullatajina khawan Wawan Jesucristomanta Diospa willaskanta mana jap'icuskanraycu.

Qheshwa Biblia DC

¹⁰ Pichus Diospa Churimpi creejqa, Diospa willasqanta sonqompi jap'in. Diospi mana creejrí, Diosta llullata jina rikhurichin, Churinmanta Diospa willasqanta mana creesqanrayku.

DIOSPA QHELQACHISQAN DEUTEROCANONICAL

¹⁰ Tukuy pichus Diospa Churinpi atinikojqa tukuy sonqo yachan, Tata Diospa Churinmanta sut'inchasqanqa cheqapuni kasqanta. Pichus Tata Diospa sut'inchasqanta mana tukuy sonqo jap'ikojrí Diosta llullata jina rikhurichin, Churinmanta Tata Diospa sut'inchasqanta mana jap'ikusqanrayku.

DIOSPA QHELQACHISQ

¹⁰ Tukuy pichus Diospa Churinpi atinikojqa tukuy sonqo yachan, Tata Diospa Churinmanta sut'inchasqanqa cheqapuni kasqanta. Pichus Tata Diospa sut'inchasqanta mana tukuy sonqo jap'ikojrí Diosta llullata jina rikhurichin, Churinmanta Tata Diospa sut'inchasqanta mana jap'ikusqanrayku.

1 Juan 5:10 Iomraidhean Croise

San Juan 3:16

Dioska tucuy runasta maytapuni munacorka. Chayraycumin c'ata Wawanta korka. Cay pachaman payta cachamorka paypi tucuy jap'icojka ama wiñaypaj wañupunanpaj astawanrí wiñay causayniyoj cananpaj.

San Juan 3:18

Paypi jap'icojka mana juchachaskachu. Paypi mana jap'icojrí juchachaskañamin, Diospa c'ata Wawanpi mana jap'icuskanraycu.

San Juan 3:33

Willaskanta jap'icoj runarí ricuchin Dios wiñaypaj cheka caskanta.

San Juan 5:38

Mana Tataypa niskanka sonkoyquichejpi canchu paypa cachamuskan caskayta mana creeskayquichejraycu.

Hechos 8:37

Felipetaj cuticherka: —Kan tucuy sonkoyquiwan Jesuspi jap'icunqui chayka, aticun, —nispa. Chay curaj runa nillarkataj: —Noka sumajta jap'icuni Jesucristo Diospa c'ata Wawan caskanta, —nispa.

Romanos 8:16

Quiquin Espíritu sonkonchejpi willawanchej Diospa wawasnin caskanchejta.

Gálatas 4:1

Astawan sut'inchariyta munani. Chayake jap'ej wawaka manaraj runayashaspaka uj camachijinallarajmin cashan. Tucuy chayake paypata cashajtinpis suyanan tiyan jap'inanpaj.

Gálatas 4:6

Wawasnin caskayquichejta ricuchinanpaj, Dios sonkoyquichejman Santo Espirituta cachamorka tiyacunanpaj. Wawan Jesús mañacuskanmanjina chay Espíritoj atiyninwan cusiskas Diosta khaparinchej: “¡Munaska Tatáy!” nispa.

Colosenses 3:3

Yuyaricuychej Cristowan wañuskayquichejtaña. Causayniyquichejka Cristowan pacaskamin Diospi.

Hebreos 3:12

Hermanosníy, khawacuychej pajtataj maykenpis kancunamanta sajra sonkoyoj canman. Ajinamanta, wiñay causaj Diospi mana jap'icuskanraycu paymanta carunchacushanman.

2 Pedro 1:19

Chay ricuskaycuwanka astawan sinch'ita jap'icuycu Diospa unay willajcunanpa willaskancuta. Kancunapis allinta ruwanquichej chay sut'inchaskasnincuta sumajta jap'icuspaka, lakhayaypi c'anchayjina caskanraycu. Imaynachus pisimanta pisimanta sut'iyamun, ajinata kancunapis astawan astawan sut'ita sonkoyquichejpi Cristomanta reparanquichej.

1 Juan 1:10

Mana juchallicuskanchejta nisunman chayka, uj llullatajina Diosta khawanchej. Ajinata nispaka paypa niskanta mana chekamantachu sonkonchejpi jap'inchej.

1 Juan 5:1

Dios ajllarka Jesusta camachinanpaj. Chayta tucuy jap'icojcunaka Diospa cheka wawasninmin. Dios Tatata tucuy munacojcunaka Diospa wawasnintapis munacun.

Apocalipsis 12:17

Chayraycu dragonka warmipaj mayta phiñacorka. Chanta warmej waj wawasninwan makanacoj rerka. Diospa camachiskasninta casojcunawan, Jesuspi jap'icojcunawan makanacoj rerka. Paycunaka warmej waquin wawasnin cancu.

Apocalipsis 2:17

Diospa ajllacuskasninman Santo Espíritu nishaskanta ningriyoj cajka sumajta uyarichun. Causayninpi juchata atipajmanka pacaska janaj pacha t'antata kosaj. Payman kollasajtaj uj yuraj rumicituta. Chay rumicitupitaj mosoj suti kelkaska canka. Chay sutitaka ni pi yachanchu, manachayrí chay jap'ejlla yachan.

Apocalipsis 2:28

Nokamanpis Tatay atiyta kowarka ajinata camachinaypaj. Atipajmantaj c'acha c'anchayniyta kosaj sut'iyay ch'ascatajina.