San Lucas 6:21 - Mushuq Testamento

²¹ Kusa shumaqmi kankillapa qamkuna kanan mallaqnaqkunaqa. Chaqa maydiyaqami untana mikunkillapa. Kusa shumaqmi kankillapa, kanan waqaqkunaqa. Chaqa maydiyaqami aligriyar asikunkillapana.

San Lucas 6:21 Iomraidhean Croise

San Mateo 5:4

Kusa shumaqmi kanqa, waqaqkunaqa. Chaqa Dyusmi kunsulanqa llakishanmantaqa.

San Mateo 5:6

Kusa shumaqmi kanqa, imuraspis Dyus munashanlata mallaqnaq, yakunaq yupay chiqap allinlata ruranaqkunaqa. Chaqa Dyusmi yanapanqa rurananpaq yarpuyashanllapataqa.

San Lucas 1:53

Chay mana imayjun kaqkunatami, tukuy imakunata quran. Nataq chay kusala imayjunkunata-shuypaqa, shinalata kaĉharan.

San Lucas 6:20

Chaymantami Jesusqa yaĉhakuqninkunata chapar kaynu niran: “Kusa shumaqmi kankillapa qamkuna mana imayjun kaqkunaqa. Chaqa qamkunapaqnami Dyuspa mantakuyninqa.

San Lucas 6:22

Kusa shumaqmi kankillapa Dyusmanta Shamuq Runarayku mana allinpaq riqsishutinllapa, ĉhiqnishutinllapa, mana munar mana pullakushutinllapa, musyashutinllapa imaqa.

San Lucas 6:25

Akaw qamkuna kanan kusa unta mikuqkuna. Chaqa maydiyaqami mallaqnankillapa. Akaw qamkuna kanan kusata asikuqkuna. Chaqa maydiyaqami kusalata llakir waqankillapana.

San Juan 11:35

Jesusqa waqaran.

San Juan 4:10

Jesusqa niran: —Qamqa manami yaĉhayankichu imanumi Tayta Dyus yanapakun chaynulla mayqanmi yakuta mañashuyan nirmapis. Chaqa allita yaĉhar yakuta mañamatkimaqa tukuy tyimpu nasimuq yakutana upyachishuyman nir.

San Juan 6:35

Jesusqa niran: —Nuqami, kawsachikuq tantitaqa kani. Chaymi mayqanpis nuqapi kriyir nuqalapina kunfyakaqqa, manana mallaqnanqa chaynulla yakunanqalamapischu.

1 Corintios 4:11

Kanankamanmi nuqakunaqa mallaqpaq, yakupaq, chaynulla mudanayllapa mana katin ima kusalata qischakanillapa. Runakunamapismi qischamanllapa, chaynulla manami nuqakunallapaq wasiyjun imachu kanillapa.

2 Corintios 11:27

Kusatami trabajasha kani. Chaynulla riqchaq imakunata pasasha kani mana yaĉhaypaqkunata. Kusa achka kutimi mana punushachu kani, mana mikushachu kani, chaynulla yakunarmapis alliplata qischakasha kani. Mana raĉhpay katinmapis, qasaykunapi kusalata qischakasha kani.

2 Corintios 12:10

Tukuy kaykunaraykumi aligriyani, Jesucristuta sirbishayrayku qischakashaykunapaq, mana kwintachakaypaqla kashayrayku, imakunata ministishayrayku, ĉhiqnimashanllaparayku, llakishayrayku ima. Tukuy kaykunatami pasaray, Jesucristurayku. Chaqa mana kwintachakaypaqla karmapis, ashwan yaĉhanimi Tayta Dyus masta yanapaman nir.

2 Corintios 6:10

Llakisha yupay kanillapa, piru aligrilami kanillapa. Pubri yupay kanillapa, piru ukkunatami Dyuspaqqa imayjun kaqpaq yupayna tikranillapa. Chaynumi pubri yupay kanillapa, piru Dyuspaqqa kusa imayjun kanillapa. Imanu katinpismi, Tayta Dyus munashanlata ruranillapa.

Santiago 1:12

Kusa shumaq runami kanqa, riqchaq imakunapi rikarir shachinakuqqa. Chaymi wanutinmapis, Dyusqa kurunata qurna tukuy tyimpupaq kawsachinqa. Chaqa payta tukuy munaqkunataqami chayllata arnisha.

Apocalipsis 21:3

Chaymanta chay mantakuna samanamanta uk kusala jwirti rimayta uyaparay. Chaymi chay rimayqa kaynu niyaran: “Dyusqami kananqa runakunawan pullana kawsayan. Chaymi paykunawan katin, runakunaqa Dyuspana kanqallapa. Chaynulla Dyusqami pay paylla pullanllapa kar Dyusninna kanqa.

Apocalipsis 7:16

Chaymi paykunaqa manana qischakanqallapanachu mallaqpaq, yakupaqmapis. Chaynulla manami rupaylamapis ĉhasyanqallapanachu. Kalurmapismi manana qillakachinqanachu.