San Lucas 22:31 - Mushuq Testamento

³¹ Chaynullami niranpis Amitunchik Jesusqa: —Simón, Simón, imanutaq wayramaqa triguta ĉhaspir qutun, chay yupaymi Satanás, nuqamanta chiqanchashunayanllapa.

San Lucas 22:31 Iomraidhean Croise

San Mateo 26:30

Chaymantami salmukunata takir Dyusta alabarnaqa, riranllapana Olivos sirkaman.

San Mateo 4:10

Jesusqa niran: —¡Ashuy, dyablu! Chaqa Dyus nitin iskribikashakunapimi ninpis: ‘Adurar sirbiy Amituyki Dyuslata’ nir.

San Lucas 10:41

Piru Jesusqa, niran: —Marta, Marta, kusatami yarpunki, chaynulla llakinki tukuy imaykikunalapaq.

1 Corintios 5:5

Chaynu allita parlarllapa, chay runataqa qamkunamanta itakur, Satanaspa makinpina dijankillapa. Chaynuqami, kusata qischakar imaqa, kwintata qukanqa. Chaymi imapaqraq chaynu uchakuray nir, chay uchakushanta dijatinqami, maydiya Amitunchik Jesucristo shamutinqa, chay runaqa washakashana kanqa.

2 Corintios 2:11

Chaynuqami, Satanasqa mana nuqanchikkunawanqa imatapis rurayta puytinqanachu. Chaqa pay imanu rurachikun nirpismi yaĉhanchikllapana.

1 Pedro 5:8

Piru allita tantyakar, rikĉhakushala yupay kar kuytakankillapa. Chaqa chay ĉhiqnimaqninchik dyabluqami, imanutaq liyunmaqa mallaqnarqa qayĉhakur purin imatapis mikunar, chaynumi nuqanchikkunatapis Tayta Dyusmanta chiqanchamanayanchikllapa.

Apocalipsis 12:10

Chaymantami unaq syilumanta kusala jwirti rimay kaynu niqta uyaparay: “Ĉhamushanami washakanallapapaq uraqa. Chaymi Dyusninchikna tukuy pudirninwan mantakunqa, Akrashan kusala puytiq Cristunwan pullana. Chaqa chay ukninchikkunata uchachar puriq chaytaqami itakamushana Dyusninchikqa. Chaqa chayqami, unaqpis tutapis Dyusninchikpa naypanpiqa kriyiqkunata uchachaq.