San Lucas 10:34 - Mushuq Testamento

³⁴ Chaymi, chay runaman qimikar, lisyakashankunata rimidyaran asaytiwan, ubapa yakun binuwan ima. Chaymanta raĉhpakunawan wataran. Chaynu rimidyarmi, burritunpa anan tachir samananllapa uk wasiman apar kuytaran.

San Lucas 10:34 Iomraidhean Croise

San Marcos 14:8

Kay warmisitaqami puytishanta rurasha nuqapa anayman mishki mutkiypaqla yakituta iĉharqa. Chaymi ashwan kamakachimashana, kusa shumaqta pampakanaypaq.

San Lucas 10:33

“Piru Israel runakunapaq uk mana kwintachaypaqla Samariamanta runami, chay nanllata pasayarqa chay runa qischakasha usuraqta rikarqa, chay pay-shuypaqa kusata llakiparan.

San Lucas 10:35

“Chayna allaqninqa, chay Samariamanta runaqa ishkay qillaysituta urqur chay wasipa amunta qur, kaynu niran: ‘Kay runitutami kuytapamay. Imanupi masta gastatkiqa tikrakamur pagrashayki’ nir”. Chaymanta Jesusqa niranpis:

San Lucas 2:7

Chayna, chaylapi punta wamranqa nasikuran. Nasikutinqami, mantillitakunawan liyar usurachiran, animalkuna mikunanpaq uk batyanula parita kaq chaylapi. Chaqa, manari paykunapaqqa samananllapapaq lugar karanchu, chay samananllapa wasipiqa.

Romanos 12:20

Chaynullami ninpis: “Chay mana allinta rurashunaqkuna mallaqnatinpis, qaray. Chaynulla yakunatinllapapis, upyachiyllapa. Chaynu chay mana allinkunata rurashuqkunawan ruratkillapaqami, paykunaqa pinqakutin qaqllanllapamapis kusa chupika intirupaq tikrakanqa” nir.

1 Tesalonicenses 5:15

Mayqan mana allinta rurashutinllapaqa, amami qamkunapis mana allintaqa rurankillapachu. Ashwanmi tukuy tyimpu llakipanakur ima allinkunalata rurar kawsayllapa qamkunalla kar, chaynulla mayqankunawan karmapis.