San Juan 5:16 - Mushuq Testamento

¹⁶ Chaynu nitin yaĉharmi chay Israelmanta karguyjunkunaqa, samana diyapi chaykunata rurarqa mana allintachu tukuyan nir, Jesusta aypananllapapaqna ikinpi puriranllapa.

San Juan 5:16 Iomraidhean Croise

San Mateo 12:13

Chaynu nirnaqami, chay wiqru makiyjun runataqa Jesusqa niran: —Chutarachiy makikita nir. Chaynu nitin, chutarachitinqa makinqa uklaw makin yupay kusa allilanna kidaran.

San Marcos 3:6

Piru chaynu ruratinmapis, chay fariseo runakunaqa waqtaman lluqshimurqa, Herodespa wakinninkunawan parlaranllapa Jesustaqa wanuchinanllapapaq.

San Lucas 6:11

Piru chay runakunaqami ashwan kusalata piñakur ninakuranllapa: “¿Imatataq Jesustaqa rurashunllapa?” nir.

San Juan 1:19

Israel pwiblupa mantakuqninkunami, Jerusalenmanta kurakunata chaynulla Levipa ayllumanta runakunata ima, kaĉharanllapa rir Juanta tapunanllapapaq mayqanshi payqa nir.

San Juan 10:39

Chaynu Jesús nitinmi, qashan paykunaqa aypanaranllapa. Piru Jesusqami alsakar riran.

San Juan 15:20

Chaymi uk kuti nishushayllapata yarpuyllapa. Chaqa kaynumi nishurayllapa: Uk sirbikuqqami mana maschu patrunninmantaqa nir. Chaymi imanutaq nuqapa ikiypi puriranllapa mana allinta ruramananllapapaq, chaynullami qamkunatapis rurashunqallapa. Chaqa nuqa rimashaykunata kasuyarllapaqa, qamkuna nishaykillapatapis kasunmanllapa.

San Juan 5:10

Israelmanta karguyjunkunaqa, chay alliyasha runataqa kaynu niranllapa: —Kananqami samana diya. Mantakushanllapanu, manami allinchu paraykita apanaykipaqqa.

San Juan 5:13

Chaynu nitinllapaqa, chay runaqa mana yaĉharanchu, mayqanmi allichasha nirmapis. Chaqa Jesusqami, kusala achka runakunapa rurinta rishana karan.

San Juan 5:15

Piru chay runaqami rir willaran Israelmanta karguyjunkunataqa, “Jesusmi kasha chay allichamaqqa” nir.

San Juan 5:17

Chaymi Jesusqa, paykunataqa niran: —Taytaymi chay diyakunapimapis yanapakun. Chaymi nuqapis chayllata rurani.

San Juan 5:18

Chaynu nitinmi, ashwan llallin tukur Jesustaqa wanuchinayaranllapa Israelmanta karguyjunkunaqa. Chaqa Jesusqa paykunapaqqa samana diyata mana rispitaq yupayshi tukuyaran. Chaynulla Dyus yupayshi tukuyaran, “Dyusqa nuqapa Taytay” nirqa.

San Juan 7:21

Jesusqa niran: —Tukuyla qamkunaqami chay samana diyapi uk milagruta rurashaylapaq kusalata yarpupakur dispantakankillapa.

San Juan 7:25

Jerusalén pwiblupi taqkunamanta wakinmi kaynu nir tapukayaqllapa: “¿Manachu kayta maskayanllapa wanuchinanllapapaq?