San Juan 5:10 - Mushuq Testamento

¹⁰ Israelmanta karguyjunkunaqa, chay alliyasha runataqa kaynu niranllapa: —Kananqami samana diya. Mantakushanllapanu, manami allinchu paraykita apanaykipaqqa.

San Juan 5:10 Iomraidhean Croise

San Mateo 12:10

Chaypimi uk runa wiqru makiyjun karan. Chaymi chay fariseo runakunaqa imanullapis uchachayta yarpur kaynu nir Jesustaqa tapuranllapa: —¿Allinchu kanqa uk qishaqta samana diyapi allichanapaqqa? nir.

San Marcos 2:24

Chayta rikarmi fariseukunaqa Jesusta kaynu niran: —¡Ay! ¿Imapaqtaq yaĉhakuqnikikunaqa kanan samana diyapi mana ruraypaq kaqtaqa rurayan? nir.

San Marcos 3:4

Chaymantami chay runakunataqa kaynu nir tapuran: —Samana diyapiqa, ¿allin kaqtachu ruranchik manaqachu mana allin kaqta? Chaynulla ¿allinchu kanqa allichar washakunapaq manaqachu dijasha wanunanpaq? Chaynu nir tapukutinmi, chay runakunaqa mana imatapis rimarchu uyaralla kidaranllapa.

San Lucas 13:14

Piru chay tantakananllapa wasipi kuytakuqkunapa mantaqninqa kusata piñakuran. Chaqa Jesusqa samana diyapi allicharan. Chaymi runakunataqa niran: —Saysi diyami kan trabajanapaq. Chaymi chay diyakunapi shamuyllapa alliyanaykillapapaqqa. Ama samana diyapiqa shamuyllapachu.

San Lucas 23:56

Chaymanta wasinllapaman tikrakamurllapanaqa, kusala mishki mutkiypaq rimidyitukunata kamakachiranllapa, chaykunawan Jesustaqa salar kamakachinanllapapaq. Piru chay samana diyapi-shuypaqa imanutaq kananllapapaq karan, chaynullata kumpliranllapa.

San Lucas 6:2

Chaymi chaymantaqa, wakin fariseo runakunaqa kaynu nir tapuranllapa: —¿Imapaqtaq chay samana diyapi mana ruraypaqkunataqa, rurankillapa? nir.

San Juan 1:19

Israel pwiblupa mantakuqninkunami, Jerusalenmanta kurakunata chaynulla Levipa ayllumanta runakunata ima, kaĉharanllapa rir Juanta tapunanllapapaq mayqanshi payqa nir.

San Juan 5:11

Chaynu nitinllapaqa, chay alliyasha runaqa niran: —Chay allichamasha runami nimaran: ‘Sharir, paraykita apar riyna’ nir.

San Juan 5:15

Piru chay runaqami rir willaran Israelmanta karguyjunkunataqa, “Jesusmi kasha chay allichamaqqa” nir.

San Juan 5:16

Chaynu nitin yaĉharmi chay Israelmanta karguyjunkunaqa, samana diyapi chaykunata rurarqa mana allintachu tukuyan nir, Jesusta aypananllapapaqna ikinpi puriranllapa.

San Juan 7:23

Chaynu qamkuna Moisés mantakushannulla kumplinaykillapapaq nir samana diyapimapis uk ullqu wamrituwan chay siñal kustumrita rurarqa, ¿imapaqtaq nuqa uk runapa tukuy kwirpunta samana diyapi allichashaypaq piñakunkillapa?

San Juan 9:16

Wakin fariseo runakunaqami niranllapa: —Chayta rurashaqami mana Dyusmanta Shamuq Runachu kanqa. Chaqa manari samana diyamatapis kwintachayanchu nir. Piru ukkunaqami niyaqllapa: —¿Uk runa uchayjunqami chay mana ruraypaq milagrukunataqa mana rurayta puytinmanchu? Chaynu ukmanta ukmanta rimarmi, mana chayllatanachu yarpuyaqllapa.