San Juan 19:19 - Mushuq Testamento

¹⁹ Kruspi klabatinllapanaqa Pilatuqa kaĉhakuran, uk litriru kaynu niqta ĉhurananllapapaq: “nazaretmanta jesús, israel runakunapa mantaqnin” nir.

San Juan 19:19 Iomraidhean Croise

San Mateo 2:23

Chaymi chayman rir ĉharqa, riran taq Nazaret pwiblumanna. Tukuy kayqami pasaran Dyuspa unay rimaqninkuna kaynu nishan kumplikananpaq. Chaqa Jesuspaqmi nisha kayaq: “Payqami nazareno shutinqa” nir.

San Mateo 27:37

Nataq umanpa ananpiqami, uk litriruta ĉhuraranllapa imaraykushi wanuchishallapa nir. Chaqa kaynumi niyaq: “kay jesusmi israel runakunapa mantaqnin” nir.

San Marcos 15:26

Uk litrirutapismi ĉhuraranllapa imaraykushi wanuchishallapa nir. Chaqa kaynumi niyaq: “kaymi israel runakunapa mantaqnin” nir.

San Lucas 18:37

Chaymi willaranllapa Nazaretmanta Jesús chayta pasayan nir.

San Lucas 23:38

Chaynulla, Jesuspa umanpa ananpiqami uk litriruta ĉhuraranllapa [griego rimaypi, latinpi, hebreo rimaypi ima] Chaqa kaynu niyaq: “kaymi israel runakunapa mantaqnin” nir.

San Juan 1:49

Natanaelqa niran: —Yaĉhachikuq Taytituy, ¡chiqaptami Dyuspa Wamran kanki! ¡Qammi Israel pwiblupa gubyirnun kanki! nir.

San Juan 18:33

Chaymantami Pilatuqa qashan mantakunan wasinman yaykur, Jesustaqa qayar kaynu nir tapuran: —¿Qamchu Israel runakunapa mantaqnin kanki? nir.

San Juan 19:12

Chaynu Jesús nitinmi, Pilatuqa chay kutilla kaĉhayta yarpuran imanullapis. Piru chay Israelmanta karguyjunkunaqa kusata lanyaranllapa, kaynu nir: —¡Chay runata kaĉharqa, Romapa punta mantaqnin Cesarpaqa mana amigunchu kanki! ¡Mayqanpis mantakuq paylla tikrakarqa, mantakuq Cesarpaqa kuntran! nir.

San Juan 19:14

Chaypimi uk diyalana Pascua fyistapaq faltayatin, alas dusi yupayna karan. Chaymi Pilatuqa niran: —¡Kaypimi mantakuqnikillapaqa! nir.

San Juan 19:21

Chaymi Israelmanta kurakunapa mantaqninkunaqa niranllapa Pilatutaqa. —Ama iskribiychu ‘Israel runakunapa mantaqnin’ niqtaqa. Ashwan iskribiy kaynuta: ‘Israel runakunapa mantaqnin tukuq’ niqta.

San Juan 19:3

Chaymantami kushipananllaparayku tukuynin qimikar kaynu niranllapa: —¡Biba Israel pwiblupa gubyirnun! nir. Chaynu nir imaqami, qaqllitanpi maqaqllapa.

Hechos 26:9

“Paykuna yupay nuqapis unayqa Nazaretmanta Jesuspa shutinta ĉhiqnir, kusa saqra ukmanta rurayta yarpuq kani.

Hechos 3:6

Ashwanmi, Pedruqa niran: —Manami qillayniyjun, uruyjunpischu kani. Piru kaytami qushuyta puytini, Nazaretmanta Jesucristupa shutinpi nishuni: Sharir puriy nir.