Rut 4:4 - Biblia Dc en Mixe de Quetzaltepec

⁴ E paaty yam ntuk'ëwaanë ets xynyijawëty, pën mjuyäämpy nikajpx ma ya'atë mëjja'aytyëjkëtyën mëti'ipë y'ixtëp nyijawëtëp ma ya'atë naax kajpnën. E komë mijts mëët winkon yë Elimélec mnämyëku'uk'atyë, mpatëp ets mijts xykyujuyëty yë nyaax kyam. E pën kajts xyjyuyä'äny, xytyuk'ëwaanëpës. Jä'ä ko mijts xykyajuyëty ëjts xypyatp njuyëtyës, jä'ä koos nän nmëku'ukës yë Elimélec, je'eyëp ko najëkäm. Ënet y'ëtsooy ja tu'uk: Tyamës ëjts nkujuyëty.

Biblia Mixe de Quetzaltepec

⁴ E paaty yam ntuk'ëwaanë ets xynyijawëty, pën mjuyäämpy nikajpx ma ya'atë mëjja'aytyëjkëtyën mëti'ipë y'ixtëp nyijawëtëp ma ya'atë naax kajpnën. E komë mijts mëët winkon yë Elimélec mnämyëku'uk'atyë, mpatëp ets mijts xykyujuyëty yë nyaax kyam. E pën kajts xyjyuyä'äny, xytyuk'ëwaanëpës. Jä'ä ko mijts xykyajuyëty ëjts xypyatp njuyëtyës, jä'ä koos nän nmëku'ukës yë Elimélec, je'eyëp ko najëkäm. Ënät y'ëtsooy ja tu'uk: Tyamës ëjts nkujuyëty.

Rut 4:4 Iomraidhean Croise

Génesis 23:11

Ka'ap mëku'uk, tun yë mëyajtën. Tyam mijts namo'ojëty yë it naaxwiinyëtë ets ja nyi'aank mëti'ipë jam naaxjotmën. Yë nmëkunaax nmëkukajpnës yë'ë yam myëtoowtëp, ko mijts yam namo'oy ja nnaaxës nkamës ets jam ja mto'oxytyëjk xyajnaaxtëkëty.

Génesis 23:18

Yë'ë ojts ja Abraham tjä'äniwanë. Nimay ja Hit ja'ayëty t'ijxtë tmëtoowtë ets tu'kë'ëyë jënu'un ënety jam nyaxtën ma ja kajpn yajnitëkën, jä'ä ojts wyë'ëmtë ijxpë mëtoowpë.

Jeremias 32:25

E mijts Wintsën, ni'ikyës të xytyuk'ëne'emy etsës njuyëty tääpë naax ma ja'ay t'ixtëtyën ets nijawëtëtyën, wa'ats xynyijawë ko yë Caldeo ja'ayëty yë'ë ëëts xymyëmëta'akantëp.

Romanos 12:17

Pën të mmëtëkoyëtë, ka'ap näjyëtu'un xytyuunwinpitëty. Xëmë tuntë ja oypyë ma ja naax kajpnën.

2 Corintios 8:21

Paatyës oy winë ntuntë, ka'ap jyämyëty Wintsën wyintum, näjyëtu'un ma ja ja'ayëtyën.

Deuteronomio 25:8

Ënet nëjkx ja kutuunktëjkëty ets ja mëjja'aytyëjkëty tmëjwowtë ja ye'etyëjk ets tmëmëtya'aktëty. Pën janty ënaanpën ko ka'ap tpëka'any ja to'oxytyëjk, mëti'ipë ja y'äjty të tku'ookyën.

Filipenses 4:8

Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.

Rut 2:20

Ets ja Noemi y'ëtsoowë: Wintsën Dios kënu'kxëtëp mëjwiin këjää. Mëët ko xy'oyjya'aw xytsyuja'awëmë, yë'ë jëtu'unyëm yë y'oyjyä'äyëty, jëtu'un ijty jyä'äy'äty mëët ja mëti'ipë të y'o'knëtën. Tääpë ja'ay nmëku'uk ëëts yë'ëjëty, paaty patëp ets xypyutëjkëmëty.

Rut 3:12

E oy jyëtu'unëty koos winkon mijts xymyëku'uk'aty, mijts tam wiinkpë mmëku'uk jaakwinkonpë këtiinëm ëjts.

Rut 3:9

Tääts tyajtëëy: ¿Mpën mijts? Ets ja Rut y'ëtsooy: Rutës ëjts. Ëjts ni'ija'apës ko mijts nmëku'uk'aty ets mpatëp etsës xykyuwa'anëty. Ntsojkpyës ets ëtsajtëm mpëjkmëty.