Rut 4:13 - Biblia Dc en Mixe de Quetzaltepec

¹³ Jëtu'un ja Booz mëët pyijky ja Rut. Ko mëët tsyënaayi'ky yë Wintsën ojts tyajkutuky ets Rut u'unk mëët wyë'ëmëty.

Biblia Mixe de Quetzaltepec

¹³ Jëtu'un ja Booz mëët pyijky ja Rut. Ko mëët tsyënaayi'ky yë Wintsën ojts tyajkutuky ets Rut u'unk mëët wyë'ëmëty.

Rut 4:13 Iomraidhean Croise

Génesis 20:17

Ënet yë Abraham ojts yë Dios tmënu'kxtä'äky, tä ja Dios jatëkok tyajjëwä'ky ja yuu pa'am ma ja Abimélec ja jyot nyini'kxën ets ma ja tyo'oxytyëjkën. Ojts näjyëtu'un tsyo'oktë y'akëta'aktë ja tyuunpë ets mëpaat y'u'unk'ixtë.

Génesis 25:21

Yë Rebeca ka'ap ënety tjëkyepy yë u'unk tmëët'atëty, paaty ojts yë Isaac yë Dios mëktä'äky tmëkäjpxy mëëtkyëjxm yë Rebeca. Yë Wintsën ojts yë Isaac yë kyapxtakën tmëtoowë. Jä'ä ko Dios myëët'ajtyp yë mëk'ajtën, ënät ojts yë Rebeca jyänty wyi'imy u'unk mëët.

Génesis 29:31

Ko yë Dios t'ijxy, ko yë Jacob ka'ap ënety nëkooyë tsyoky yë Lea. Ënet ojts tyajkutuky ets ja Lea ni'ik ja u'unk maay tmëët'atëty, këtiinëm jyëtu'unëty ja Raquel. Ja Raquel nitu'uk ënety ja u'unk maay tkamëëtëty.

Génesis 30:2

Ënet yë Jacob ojts tukjoot'anpëky yë tyo'oxytyëjk ets t'ënëmaay: ¿Tii ëjts Tios'ajtpë? Yë Dios yë'ë tyajkutuky ets u'unk maay xymyëët'atëty.

Génesis 33:5

Ko t'ijxy ja Esaú ja to'oxytyëjkëty ets ja y'u'unk y'ëna'këty, ënät tyajtëëy: E ya'atë to'oxytyëjkëty mëët yë y'u'unk y'ëna'këty. ¿Pën yë'ëjëty? Tä Jacob y'ëtsooy: Ëjts yë n'u'unk n'ëna'k mëti'ipës yë Dios të xymyo'oy të xykyexyën.

Salmos 113:9

Ja to'oxytyëjk mëti'ipë ka'ap ja y'u'unkën, myoopy ja jotkujk'ajtën ets y'itëty taak tsi'tsk ma ja y'u'unk y'ëna'kën, ets jotkujk tyaj'ity ma ja jyëën tyëjkën. Tukxoontä'äky mëjjawë Dios yë xyëëw nyaxëty.

Salmos 127:3

Yë n'u'unkëtyës mëti'ipë miintëpën naaxwiiny naaxkëjxy, yë'ë tu'uk mëj näkyënu'kxë mëti'ipë Wintsën yäjkpyën.

Rut 3:11

Këtii mtimtyë'ëkëty u'unk maay, ma ya'atë naax kajpnën nyija'awëtyëp yë ja'ay ko mijts oyjyot oywyinma'any xymyëëtëty ets oy winë xytyuny. Paatyës tyamës nkupëky ets mpëjkmëty ijxtëm të xy'amëtoyën.

Rut 4:12

Dios yë'ë yajkutukëp ets may yë u'unk maay xypyaatëty. Ets myäyëty yë m'u'unk m'ëna'këty, jëtu'un tä yë Fares, yë Judá ets Tamar y'u'unk y'ëna'k nyimayajtën.

1 Samuel 1:27

Etsës yë Wintsën n'amëtooy etsës xykyë'ëmo'ojëty tu'uk yë u'unk maay, e yë'ë tëëjës xyäntymyo'oy.

1 Samuel 2:5

mëti'ipë ënety ka'ap tii y'ëmaaytyakxëtyën, tyam yajtsiptäkpy ja yiinpë wäänpë; e ja mëti'ipë ënety yuu'o'këtëpën, tyam ka'ap ja tii t'ëkyaj'ëmaaytyaknë. Ja to'oxytyëjk mëti'ipë ënety ka'ap tjëkyepyën y'u'unkpaatëty, tyam ni'ik wëxtujk'ok ja y'u'unk të tnayajmëxu'unk'ajnë; e ja mëti'ipë ënety janty may ja y'u'unk y'ëna'kën, tyam jëtu'un ja jyaak yajpaaty tä yë aay ujts të xyjyotkëtaknën.