Rut 4:11 - Biblia Dc en Mixe de Quetzaltepec

¹¹ Tä y'ëtsoowtë ja mëjja'aytyëjk ets ja mëti'ipë ënety jam yajpatëpën: Jëtu'un, tyam ëëts njanty'ixtë. Dios yë'ë yajkutukëp ets to'oxytyëjk mëti'ipë tyam tëkëjaanpën ma mjëën mtëjkën jëtu'un yajpaatëty tä yë Raquelën ets Lea mëti'ipë ntaak'ajt ntsi'tsk'ajtëmën. E mijts nän mëj'äämpy mnaxëty ma Efrata ets Belén nyaaxwiinyëtën.

Biblia Mixe de Quetzaltepec

¹¹ Tä y'ëtsoowtë ja mëjja'aytyëjk ets ja mëti'ipë ënäty jam yajpatëpën: Jëtu'un, tyam ëëts njanty'ixtë. Tios yë'ë yajkutukëp ets to'oxytyëjk mëti'ipë tyam tëkëjaanpën ma mjëën mtëjkën jëtu'un yajpaatëty tä yë Raquelën ets Lea mëti'ipë ntaak'ajt ntsi'tsk'ajtëmën. E mijts nän mëj'äämpy mnaxëty ma Efrata ets Belén nyaaxwiinyëtën.

Rut 4:11 Iomraidhean Croise

Génesis 23:10

E yë Efrón, ja Hit ja'ay tam ënety näjyëtu'un yajpaaty ma ja myëku'ukëtyën. Ënet t'ëtsooy ja Abraham ets ja myëku'uktëjk tukmëtowa'any ets tu'kë'ëyë jënu'un nyaxtën jam ma yajnitëkën ja kajpn.

Génesis 24:60

Tä ojts tkënu'kxtë ja Rebeca mëët ya'atë aaw ayuk: Jëëky mëku'uk ets mëkä'äx, Taak tsi'tsk m'itëty ma nimayjyä'äyën. Ets ja m'u'unk m'ok myëmëta'akëp ja naax kajpn ma ja myëtsip tsyëënëtën jyuuky'atën.

Génesis 29:16

Yë Labán mäjtsk ënety yë nyëëx tmëëtëty: yë mëjpë Lea xyëëwajtyp e yë mutskpë Raquel xyëëwajtyp.

Génesis 29:25

Komjëpom myä'äypyëti'ky yë Jacob, ënät t'ijxy kootëm ënety mëët të myä'äy yë Lea. Tä ojts t'ojy ja Labán ets t'ënëmaay ko wi'ix ko ënety jëtu'un të y'ëti'itsy, jëtu'un t'ënëmaay: ¿Tiitën mijts të xytyuny? ¿Tii këtii xyjyä'ämetsyë koos yë'ë Raquel të nitunyë? ¿Wi'ixës ko xywyin'ëëny?

Génesis 29:32

Ënet ja Lea ojts wyi'imy u'unk mëët ets ojts tyajmëxu'unk'aty tu'uk yë y'u'unk mëti'ipë xyëëwmooyën Rubén, tä y'ënäny: Tiosës të xy'ixy koos nmony ntuky, paatyës tyam yë Jacob ni'ikës xytsyoka'any.

Génesis 35:23

Mëti'ipë y'u'unk'ajtën mëët yë Lea, jä'ä xyëëwajtë Rubén, ja kä'äxkopk, ok myëxu'unk'ajtë Simeón, Leví, Judá, Isacar ets Zabulón.

Génesis 35:24

Mëti'ipë y'u'unk'ajtën mëët ja tyo'oxytyëjk Raquel, jä'ä xyëëwajtë José ets Benjamín.

1 Reyes 21:8

Tä ojts tja'ay may ja noky mëti'ipë kyäjxwa'kxën, yajxon tsaaytyääy mëët ja yajkutujkpë Ahab ja kyë'ëkaa, yajtuknikäjxtë ja mëjja'aytyëjkëty ets ja kopktëjkëty jampë yajpaatën ma Nabot kajpnën.

1 Crónicas 2:51

Salma xyëëwajt yë Belén tyeety; ets Haref xyëëwajtyp ja Bet-gader tyeety.

Salmos 132:6

Jam Efrata ojts yajnikäjpxy y'ity ja kaaxë mëti'ipë ja käjpxytyu'unën myë'ijtypyën, ets tyam jam yajpaaty winwa'atstum ma ja Jaar y'itjotmën.

Proverbios 14:1

Yë to'oxytyëjk wijypyë kyojpy yë tyëjk; yë to'oxytyëjk tsuupë kë'ëm tyajma'aty yë jyëën tyëjk.

Proverbios 31:23

Yë nyiye'etyëjk aak ixy'ajtëp yë ja'ay jam kajpnjotm, ets näjyëtu'un yë ja'ay mëj'äämpy jyëkyepyë tä mëj'äämpy yajjëkyäptën yë wintsëntëjkëty.

Jeremias 32:10

Jëtu'unënës ojts nkäjpxy'atë ets tu'uk yë noky nyajpëtë'ëktëtyës yajxon oytyuny, tsa'ay pëky ets mëët ja ijxpë nija'apë.

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Mateo 2:6

Mijts Belénkëtë kajpn, Judea y'itjotmëtë, ka'ap mijts mnanëkookajpnëty ma tääpë naaxën, jä'ä ko jam tu'uk ja yajkutujkpë pyëtsëma'any mëti'ipë tyu'u wyinye'eyäämpyën yë n'Israel kajpnës.

Deuteronomio 25:7

E pën ja ye'etyëjk kajts tpëka'any ja kyäpy, ja to'oxytyëjk jam nëjkx tnikäjpxy ma ja kutuunktëjkëtyën ets ma ja mëjja'aytyëjkëty jam yajpaatën ets y'ëna'anëty: Yë nkäpyës ka'ap tsoky ets y'äjty yë xyëëw ja'amyetsy y'itëty ma Israel kajpnën. Ka'apës xypyëka'any, e ëjts nija'apës ko yë'ë patëp jä'ä ko yë'ëjës nkäpy'äjtyp.

Deuteronomio 25:9

Ënet ja to'oxytyëjk twinmëtsujëty ja kyäpy ets tpëjkëty ja kyë'ëk tu'kpa'a ets t'ënëëmëty: Jëtu'un yë ye'etyëjk yajtuny mëti'ipë ka'ap tsokyën ets myëkä'äx yë xyëëw ja'amyetsy y'itëty mëti'ipë të y'ookyën.