Rut 4:10 - Biblia Dc en Mixe de Quetzaltepec

¹⁰ Tyam näjyëtu'un xy'ixtë ko yam mpëkyës yë Rut, yë Moab ja'ay mëti'ipë të kyu'ookyën, mëti'ipë ijty yë Mahlón tyo'oxytyëjk'ajtypyën. Jëtu'un yë Mahlón ka'ap yë xyëëw y'atëkoyëty ma nyaax kyajpnën. Miits yam m'ijxtëp mnija'awëtyëp.

Biblia Mixe de Quetzaltepec

¹⁰ Tyam näjyëtu'un xy'ixtë ko yam mpëkyës yë Rut, yë Moab ja'ay mëti'ipë të kyu'ookyën, mëti'ipë ijty yë Mahlón tyo'oxytyëjk'ajtypyën. Jëtu'un yë Mahlón ka'ap yë xyëëw y'atëkoyëty ma nyaax kyajpnën. Miits yam m'ijxtëp mnija'awëtyëp.

Rut 4:10 Iomraidhean Croise

Génesis 29:27

Paaty tim oy'atëp ko xy'ëkyajka'pxëty yë mxëëw mëët yë Lea, täänëm yë Raquel myajmo'ojëty. Ënet jëtu'un pën mjaaknäy'a'ijxëyëp mtunëty ma ëjtsën nän ja wëxtujk jëmëjt.

Génesis 38:9

E yë Onán tyaa ojts jyotwinmay, ko ja u'unk ëna'k mëti'ipë mëxu'unk'atëpën, ka'ap nëjkx yë'ë tjä'ä'aty. Paaty ko ënety tmëëtko'knë ja ku'ooktyo'oxy mëti'ipë ja y'äjty të tni'o'ktu'utyën, ka'ap tsoky ets wyë'ëmëty u'unk mëët paaty ijty tnaki'tu'uty ënätyë këtiipë ja y'äjty ja y'u'unk y'ok tmëët'atëty mëët yë'ëkyëjxm.

Salmos 109:15

Yë Wintsën yë'ë xëmë jyot'atëp ets yaa naaxwiiny naaxkëjxy ja'atyëkoy y'itëty tëkokyë mëti'ipë jeexyë yajtukja'amyäjtspën.

Salmos 34:16

Yë Wintsën mëtsip nyäyajnaxyë ma ja'ayën mëti'ipë ëxëëk ëtëtstëp ënantëpën, ets jëtu'un tpo'otan tjo'otsanë yë xyëëw yaa naaxwiiny.

Proverbios 18:22

Ko ja'ay tpaaty yë tyo'oxytyëjk, mëj këjää jëtu'un winë të tpaaty. Yë'ë jëtu'un y'ëxajëp tu'uk mëj nämyëyatë mëti'ipë Dios yäjkpyën.

Proverbios 19:14

Yë taak teety yë'ë yajktëp ja jëën tëjk ets wit meeny, e Dios yë'ë yäjkpy kutëjk wijypyë.

Isaías 48:19

nimay jeexyë ja m'u'unk m'oknë, tä nëë ajinën, ka'apë tjëkyepyën nmëtyo'owmëty, ka'ap jeexyë të nyajkutëkoytyë, ni'ikyë jeexyë të ni''ijxkëta'aktë.

Oseas 12:12

Ojts yë Jacob jam nyaskääkë Aram ets jam tnituuny yë tyo'oxytyëjk, kupixyny këwent'ajtk jam tyuunk'ajt.

Oseas 3:2

Ënet ojts tu'uk yë to'oxytyëjk njuyës, majkmokx yë poop pujxn meeny nmooyës ets tëkëëk mëko'px tsim yë cebadë.

Zacarías 13:2

Nyajkutëkoyäämpyës tëkokyë yë awinax mëti'ipë yajpatëpën ma naax kajpnën, këtiipë pën t'ëwtatëty. Njëpëkäämpyës näjyëtu'un yë käjpxynyajxpëtëjk ets ëxëëk poj. Ëjts Wintsën, ëjts ënaanp,

Malaquías 2:14

Ets ënät miitsëty ni'ikyë xyajtëwtë, ¿tii ko jëtu'un jyäty kyëpety? Ka'ap yowë xynyijawëtë ko paaty jyëtu'unëty jä'ä ko ka'ap ja m'aaw m'ayuk xy'ëkpatuunëtë ko xy'ënëmaaytyë ja to'oxytyëjk mëti'ipë mëët mpëjky m'ukyën ko mpi'k ëna'k'ajty ko xëmë xywyinkutsë'ëkëja'any. Yë'ë ënety mjämyëët'ajtëp ets yë'ë ojts xytyukwinwanë ko xëmë mëët m'ita'any.

Efesios 5:25

Ye'etyëjkëty pëkpyë, tsoktë ja mto'oxytyëjkëty ijxtëm ja Kristë ojts tsokyën ja mëpëjkpëtëjk ets tku'o'këy.

Deuteronomio 25:6

Ko ja to'oxytyëjk mëtu'uk ëka'any ja y'u'unk tyajmëxu'unk'atëty, jëtu'un nëjkx tukxëëwatë tä ja mëjëyëjpë ja nyiye'etyëjk txëëwatyën, këtiipë ja xyëëw yaja'atyëkoyëty ma ja Israel ja nyaax kyajpnën.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Dios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

Josue 7:9

Ja Canaán ja'ayëty mëti'ipë winkon tsënaaytyëpën ko ënät nijawëtëty koos ka'ap ja nmëtsip të xyajmëta'aktë, yë'ë nämyukëtëp ënätëty ets xyajkutëkoya'antëtyës. E ko ënety ëëts të n'o'kta'atë, ¿pën ja mxëëw nyaja'amyätsëp?

Rut 4:9

Tä ja Booz t'ënëmaay ja mëjja'aytyëjk ets ja ja'ayëty jampë ënety yajpaatën: Tëkokyë miitsëty mëjja'aytyëjkëty ets miitsëty a'ijx amëtoowpëty, tyam xy'ixtë koos yam njuy yë nyaax kyam yë Noemi mëti'ipë yë nyiye'etyëjk Elimélec ijty jyä'ä'ajtypyën ets myaank Quelión ets Mahlón.