Rut 2:6 - Biblia Dc en Mixe de Quetzaltepec

⁶ Tä ja tuunpëwintsën y'ëtsooy: Moab ja'ay yë'ë, jä'ä ja to'oxytyëjk mëti'ipë mëët yë Noemi të jyä'tyën.

Biblia Mixe de Quetzaltepec

⁶ Tä ja tuunpëwintsën y'ëtsooy: Moab ja'ay yë'ë, jä'ä ja to'oxytyëjk mëti'ipë mëët yë Noemi të jyä'tyën.

Rut 2:6 Iomraidhean Croise

Génesis 15:2

Tääts yë Abram y'ëtsooy: Wintsën, ¿Tiijës nyajwa'anëty mëti'ipës xytyukkumayaanpën, mijts wa'ats xynyijawë ko ka'apës u'unk ëna'k nmëëtëty? Ka'apës yë u'unk maay nitu'uk të xytyukmëkënu'kxës, tu'kë'ëyë kuma'ayën mëti'ipës nmëët'ajtypyën yë'ë jyä'ä'atäampy yë Eliézer mëti'ipë jam Damaskë ijtpën, tu'uk yë ntuunpës.

Génesis 24:2

Paaty ojts tëkok t'ënëëmë ja tyuunpë mëti'ipë mëjja'aynyën mëti'ipë kyëwent'ajtypyën tu'kë'ëyë winë mëti'ipë ja Abraham myëët'ajtypyën. Tä t'ënëmaay: Pëjkta'ak yë mkë'ë ma npuuypya'tkënës.

Génesis 39:4

Ojts ja José tuk'oy'äty ets oy tsuj jyawëtëty ja wyintsën, tä ojts pyëjktä'äkyë ets tkëwent'atëty ja wyintsën. Yë'ë ojts yajtuknipëky tu'kë'ëyë winë mëti'ipë ja wyintsën myëët'ajtypyën ma jyëën tyëjkën ets kyuwits kyukëyëty.

Mateo 20:8

Ko tsyu'ujënë, tääts ja kukam t'ënëmaay ja tyuunpë wintsën: Mëkajpxmuk yë tuunpëtëjk ets xymyëjuyëty: yë'ë jëyëjp mëjuyëp mëti'ipë ok të tyëkëtën tuunpë ets ok xymyëjuytyëty mëti'ipë jëyëjp të tyëkëtën tuunpë.

Mateo 24:45

¿Pën jëtää ja tuunk oy y'ëkmëpëtsëmëp? ko ja Wintsën tyajwë'ëmëty tu'uk ja tyuunpë ma ja tyëjkën mëti'ipë yajja'akyäyëpën tiempëpaaty.

Rut 1:16

E ja Rut tyaa y'ëtsooy: Këtiijës xy'atsip'aty ets mijts n'ëxmatsëty. Ëjts tëëjës ntuknipëjktaakë ko mijts npanëjkxa'any; ma mnëjkxyën jamës nnëjkxa'any; ma mjuuky'ätyën jamës njuuky'ata'any. Yë mkajpn yë'ëjës nkajpn'atäämpy ets mTios yë'ëjës nTios'atäämpy.

Rut 1:19

Ënet ojts jatëkok tsyoontë nimäjtsk ets jyajtë jam Belén. Ko jam jyajtë Belén, janty mëj'ixy yë ja'ay tja'awëtyë ets ja to'oxytyëjkëty y'ënantë: ¿Ti këtiijën tyaapë jyä'äjëty ja Noemijë?

Rut 1:22

Jëtu'un'äämpy yë Noemi mëët yë Rut ojts jam tsyo'onëtë ma Moab y'itjotmën ets nyëjkxnëtë Belén, ko jam jyajtë yë'ë ënety yë tsajpmok ja'ay kamwinm yajpëtë'ëkantëp.

Rut 2:5

Tä ja Booz tyajtëëy ja tuunpëwintsën: ¿E ximpë to'oxytyëjk tyunyën, pën yë myëku'uk?

Rut 2:7

Tëës jëyëjp xyajtëy pën mëpaat tpaye'ey yë tuunpëtëjk, jä'ä ko yë'ëjëk pyëjkmukäämpy yë tsajpmok mëti'ipë naskin naska'ajëpën, jopyëp të tyëkë tuunpë; tyam, tam wäänë wyimpo'kxnaxy.