Rut 2:4 - Biblia Dc en Mixe de Quetzaltepec

⁴ Tam ënety tyuntë ja ja'ayëty ko ja Booz jyä'äjty ets tkajpxpo'kxtaay ja tyuunpëtëjk. Wi'ix jyäty kyëpety mëku'uktëjkëty, Dios mkënu'kxëtëp. Näyjyëtu'un mijts, Dios mkënu'kxëtëp. Jëtu'un y'ëtsoowtë ja tuunpëtëjkëty.

Biblia Mixe de Quetzaltepec

⁴ Tam ënäty tyuntë ja ja'ayëty ko ja Booz jyä'äjty ets tkajpxpo'kxtaay ja tyuunpëtëjk. Wi'ix jyäty kyëpety mëku'uktëjkëty, Tios mkënu'kxëtëp. Näyjyëtu'un mijts, Tios mkënu'kxëtëp. Jëtu'un y'ëtsoowtë ja tuunpëtëjkëty.

Rut 2:4 Iomraidhean Croise

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Génesis 28:3

Yë Dios mëti'ipë myëët'ajtypyën yë mëj'ajtën ets kuttujkën yë'ë mkënu'kxëtëp ets mo'ojëtëty ja m'u'unk m'ok nimay ets jëtu'un kanaak ja naax kajpn kyojëty ma ja m'u'unk m'ëna'kën.

1 Crónicas 2:51

Salma xyëëwajt yë Belén tyeety; ets Haref xyëëwajtyp ja Bet-gader tyeety.

Salmos 118:26

Kënu'kxy mëjjawë yë ja'ay y'ity mëti'ipë miinpën mëët ja Wintsën ja xyëëw. Tyam miitsëty nkunu'kxta'aktë maas yam nyajpaatën ma Wintsën tsyajptëjkën.

Salmos 134:3

Wä'än yë Wintsën mkënu'kxëtë jam ma Sión kopkën mëti'ipë yajkojën yë tsajp ets naaxwiinyëtë.

Jeremias 31:23

Yë Wintsën mëti'ipë maaytyääyëpën winë, yë Israel ja'ay yë Tyiosëty, yë'ë ënaanp: Ko ënety nyajtëkajtsës yë Judá ja'ay yë jyuuky'ajtënëty ets ko ënety jam jatëkok yajpaatë ma nyaax kyajpnëtyën, jëtu'un nëjkx y'ëna'antë: Yë Wintsën kyënu'kxëp ya'atë tun kopk wa'atspë ma jyää'atyën mëtëypyë nipaye'eyën.

Lucas 1:28

Tääts ja tsajpjotmëtë kukäjpxy tyëjkëy ma ja Maria ënety jap y'u'unyën ets t'ënëmaay: Dios mkënu'kxëtëp Maria, ni'ik mijts ja Wintsën mtsokyë, Dios mijts mëët myajpaaty.

2 Tesalonicenses 3:16

Ja Wintsën, mëti'ipë jotkujk'ajtën yäjkpyën, yë'ë tu'kë'ëyë mmo'ojëtëp ja jotkujk'ajtën oy tii tyunëtëty jyatëtëty. Wä'än ja Wintsën tyajpaaty ma miitsëtyën ni'ëmukë.

1 Timoteo 6:2

Pën jää pën twintsën'aty ja mëpëjkpë, ni'ikyë mëpaat twintsë'ëkëtë ko myëpëky. Ni'ikyë mëpaat oy tmëtuntë, jä'ä ko ja mëti'ipë myëtuuntëpën mëpëjkpë jä'ä ets jëëky mëku'uk ja nyäxy. Tuk'ijxpëk ets kajpxwa'kx ya'atë.

2 Timoteo 4:22

Wä'än ja Wintsën Jesukristë tyajpaaty mëët mijts, Dios mkënu'kxëtëp ni'ëmukë.

Josue 24:15

E pën kajtsën xymyëtuna'antë yë Wintsën, tyam xytyimnikajpxtëty pën mpanëjkxantëp: nikajpxtë pën yë'ë mpanëjkxantëp ja wiink tios mëti'ipë ja m'aptëjkëty y'ëwtajtën jam Éufrates mëjnëë''ëkë'ëm, ëkë tiosëty mëti'ipë yë Amor ja'ayëty y'ëwtajtëpën yaapë tsyënaaytyën. E ëjts mëëtës yë n'u'unk n'ëna'k etsës yë nkujëën nkutëjk yë'ëjës yë Wintsën nmëtunantëp.

Jueces 6:12

Ënet ja Wintsën ja kyukäjpxy nyipëtsëëmë jam ets y'ënëmaayë: Yë Wintsën yë'ë tyam yajpatp ma mijtsën, jotmëkja'ay.

Jueces 6:16

Ënet yë Wintsën y'ënëmaayë: Mijts mjëkyäpëp xytyunëty jä'ä ko ëjts yajpaataanp ma mijtsën. Mijts ka'ap nëjkx xyajmëtä'äky yë Madián ja'ayëty jä'ä ko jëtu'un yë'ëjëty tä jeexyë tu'ukyë ja'ay je'eyë mëët mtsiptunyën.

Rut 2:3

Tä ja Rut ojts nyijkxy kamjotm ma ja ja'ay jam tyajmuktën ja tsajpmok; tam ënety ja tuunpëtëjk tyuntë, jä'ä pyaye'eyë'k, ix'am ye'ey ets tpëjkmuky ja tsajpmok mëti'ipë ja tuunpëtëjk kë'ëka'atutëpën. Ojts tuk'oyë, jä'ä ko ya'atë kam Booz ja jyä'ä, mëti'ipë Elimélec myëku'uk'ajtypyën.

Rut 2:5

Tä ja Booz tyajtëëy ja tuunpëwintsën: ¿E ximpë to'oxytyëjk tyunyën, pën yë myëku'uk?

Rut 4:11

Tä y'ëtsoowtë ja mëjja'aytyëjk ets ja mëti'ipë ënety jam yajpatëpën: Jëtu'un, tyam ëëts njanty'ixtë. Dios yë'ë yajkutukëp ets to'oxytyëjk mëti'ipë tyam tëkëjaanpën ma mjëën mtëjkën jëtu'un yajpaatëty tä yë Raquelën ets Lea mëti'ipë ntaak'ajt ntsi'tsk'ajtëmën. E mijts nän mëj'äämpy mnaxëty ma Efrata ets Belén nyaaxwiinyëtën.

1 Samuel 17:37

Yë Wintsën mëti'ipës xëmë xyajtsokpën ma kaajën ets ma jëyujkën ëwa'anëtypë, nän yë'ëjës xyajtso'okaanp ma tääpë yë filistejë ja'ayën. Ënet ja Saúl y'ënëmaayë: Nëjkxts ets yë'ë Wintsën mputëkëtëp.