Rut 2:13 - Biblia Dc en Mixe de Quetzaltepec

¹³ Ënet ja Rut y'ëtsooy: Mijts janty'oy mja'ay'äty mëët ëjts, yë m'aaw m'ayuk janty jotkujkës xyajnäjyawëty. Mëët ja aaw ayuk oypyë të xymyëkäjpxyës, oyës nkajëtu'unëty tä nitu'ukën yë mtuunpë.

Biblia Mixe de Quetzaltepec

¹³ Ënät ja Rut y'ëtsooy: Mijts janty'oy mja'ay'äty mëët ëjts, yë m'aaw m'ayuk janty jotkujkës xyajnäjyawëty. Mëët ja aaw ayuk oypyë të xymyëkäjpxyës, oyës nkajëtu'unëty tä nitu'ukën yë mtuunpë.

Rut 2:13 Iomraidhean Croise

Génesis 32:6

Ko ojts wyimpijnëtë mëti'ipë yaj'ëyukye'eytyëpën, ënät t'ënëmaaytyë ja Jacob: Tëës ojts n'ixtë ja m'ajty Esaú, jëtu'un të y'ëtsoy ko tää kë'ëm myina'any ets m'ixa'anyë mpaata'anyë mëët nimajktaxk mëko'px yë jyä'äy.

Génesis 33:10

E ja Jacob ni'ikyë y'ënaan'ëtë'ëtsy: Ka'ap, tun yë mëyajtën, pën jää'ajtp ja oyjyot oywyinma'any ma ëtsajtëmën, kupëk ya'atë näynyamo'ojë, ko mijts tyam nwinku'ixë, jëtu'unës näjyawëty Tiosës yowë ntimy'ijxyp kë'ëm. Ëjts nja'awëkyëtäkpyës koos mijts tyam oy xy'ëxaj xykyupëky.

Génesis 33:15

Ënet yë Esaú y'ëtsooy oy'atëp: E min n'ëkyajwë'ëmyës mäjtsk tëkëëk yë nja'ayës mëti'ipë mëët minëtyën. Tä ojts yë Jacob y'ëtsoy: Tun yë mëyajtën. ¿Këtii nëkoo mnäjyotmaytyunyë?

Génesis 33:8

Ënet ajotkumonë yë Esaú tyajtëëy yë y'uty Jacob: Tiitën mniwinma'ayëp ko kanaakpëky yë mjëyujk të xy'ëkäjxnë. Xii yaajës muum njanty wyinnajxnë. Ënet ja Jacob y'ëtsooy: Patyës të nkexy ets mijts xytsyok xy'oyjyawëtyës.

Génesis 34:3

E ja Siquem yajxon ojts ja Dina tjanty tsyojkën'aty ets ja jyot wyinma'any t'ëwa'anëy ets jeexyë ja Dina tsyojkën'atyë.

Génesis 43:14

Dios mpa'ëyowëtëp tääts tnajtsmatsëty ja tu'ukpë ja mëku'ukëty ets Benjamín, e pën ëjts jëtu'unës ënät u'unktuk nwë'ëmëty, minës jëtu'un n'ëkwë'ëmy.

2 Samuel 16:4

Oy jëtu'un, jëtu'un y'ëtsooy ja yajkutujkpë, tyam n'ënëëmë ko mijts tyam mjä'ä'ajnëp mëti'ipë ijty yë Mefi-bóset jyä'ä'ajtypyën. Jëtu'unpëk jeexyë xëmë mijts xy'oyjyawës mijts Wintsën, jëtu'un y'ëtsooy ja Sibá ets nyaax'ijxy nyaaxkooy, tyajnikëxë'ëky ja näwyinkutsë'ëkë ma ja yajkutujkpën.

Proverbios 15:33

Ko yë Dios yajmëjpëjktä'äky yë'ë tukpatp wijyajtën; ko ja'ay mëj'äämpy nyaxa'anëty jëyëjp mëpaat yu'unk naxym nyäxy.

Oseas 2:16

Ënätës xymyëkäjxa'any: Nye'etyëjkës, ets ka'ap nëjkx y'ëk'ënanë, Nwintsënës. Ëjts Wintsën, ëjts ënaanp.

Filipenses 2:3

Këtii tii xytyuntëty atsip a'äkë ëkë tsipkyëjxm; yë'ë oy ko yujy tëtä'äky mja'ay'atëty ets ko mmëku'uk xymyëj'ixtëty ets xywinkutsë'ëkëtëty.

Jueces 19:3

ko ja Leví ja'ay nyimiinë ets wyowa'anyë jatëkok, ja to'oxytyëjk ojts oy t'ëxajë ja nyiye'etyëjk. Ja Leví ja'ay ojts twoy tu'uk yë tyuunpë ets jyämyëët'ajtë.

Rut 2:12

Dios yë'ë nëjkx jëna'a mëjuyë. Ets Wintsën mëti'ipë y'ëwtajtëpën yë Israel ja'ayëty ma të xy'ixta'ayën yë näypyutëkë, yë'ë mkumayanëp mëjwiin këjää mëët ja m'oyjot m'oywyinma'any mëti'ipë të xyajnikëxë'ëkyën.

Rut 2:14

Ko ja akujkxyëëw tpaty, tä ja Booz ojts tmëkäjpxy ja Rut ets t'ënëmaay: Min mkay, tyaa mtsajpkääky, kay uuk, xii tukpatijkoj yë tojkx. Tä ja Rut nyaaxwe'tsy ma ja tuunpëtëjk jamëtyën ets ja Booz tmooy ëpëky ja tsajpmoktë'ëts. Ku'uxyë ja Rut kyääy ets ëpëky ojts jyaak natëkë ja kyääytyuk ets tpëjkë'ky.

1 Samuel 1:18

Tioskujuuyëp, jëtu'un y'ëtsooy yë Aná. Ënet ja Aná ojts wyimpijnë matsow ënety të myinyën, jotkujk nyäja'awëyënë ets kyääynyë y'uknë, ka'ap nitii t'ëkmaay t'ëktajnë.

1 Samuel 25:41

Tä ja Abigail nyaaxkooy ets tyajnikëxë'ky jëtu'un ja näywyinkutsë'kën ets y'ëtsooy: Ëjts je'eyës jëtu'unës nyajpaaty tä tu'uk yë tuunpën ma Davidjën, jëjp'ixyës ntimy'ity oy jëna'a yë tyuunpëtëjk yë kyë'ë tyeky npuja'anëtyës, pën yë'ëjës xytyuk'ënä'ämp.