Rut 2:12 - Biblia Dc en Mixe de Quetzaltepec

¹² Dios yë'ë nëjkx jëna'a mëjuyë. Ets Wintsën mëti'ipë y'ëwtajtëpën yë Israel ja'ayëty ma të xy'ixta'ayën yë näypyutëkë, yë'ë mkumayanëp mëjwiin këjää mëët ja m'oyjot m'oywyinma'any mëti'ipë të xyajnikëxë'ëkyën.

Biblia Mixe de Quetzaltepec

¹² Tios yë'ë nëjkx jëna'a mëjuyë. Ets Wintsën mëti'ipë y'ëwtajtëpën yë Israel ja'ayëty ma të xy'ixta'ayën yë näypyutëkë, yë'ë mkumayanëp mëjwiin këjää mëët ja m'oyjot m'oywyinma'any mëti'ipë të xyajnikëxë'ëkyën.

Rut 2:12 Iomraidhean Croise

Salmos 17:8

Këwent'ajtkës ijxtëm yë mwiin xykyëwent'atyën; ets tuknikëëykyës yë mkäkn

Salmos 19:11

Ya'atë mëtuunpë oy ko jëtu'unpë aaw ayuk yajtukmëtoy, ets oy nyäjyawëty ko tpatuny.

Salmos 36:7

Oytyukxootaknë yë mtsojkën mja'awën, Wintsën. Yë naaxwiinyëtë ja'ay jëtu'un jam myintë ma mijtsën tä këtsey u'unkën ma tyaak kyäknpa'tkën.

Salmos 57:1

Dios, mëti'ipës nTios'ajtypyën, mëët'at pa'ëyo'owën najts'ëyo'owën mëët ëjts, jam ma mijtsën jamës n'ixta'ay yë kuwa'anën. Jamës nnäyutsa'anyë ma mijts mkëwent'atyën koonëm ja ëyo'on jotmay nyaxëty.

Salmos 58:11

Ënet ja käjpxy y'ëna'ana'any: Nik oy'ajtp ko oy winë ntu'unmëty. Jä'ä ko tää tu'uk yë Dios mëti'ipë winë nyipaye'epyën.

Salmos 61:4

Tsëënëjaanpës ma mtsajptëjkën xëmëkyëjxm, ets mijts xy'ijx'it xykyëwent'atëpës.

Salmos 63:7

jä'ä ko mijts xypyutëjkëpës. Jotkujkës nnäjyawëty mkäknpa'tkë'p.

Salmos 91:4

yë'ë mnikë'ëjan mnixajanëp mëët yë kyäkn, ets ko jam myajpaatëty ma yë'ëjën, akujk jotkujk m'ita'any. Yë tyiyajtën ets wya'atsajtën yë'ë m'axajtukanëp tä tu'uk yë pujxn y'akëëytyukyën.

Proverbios 11:18

Yë ëxëëk ja'ay ko nyätyijyë yajmëjuy, je'eyë yajtukwin'ëëny yë myëju'uny; yë ja'ay mëti'ipë winë oy tyuunpyën, kä'pxy t'ëxajë myëju'uny.

Proverbios 23:18

jëtu'un oy tsuj ja mjot mwinma'any wyimpëtsëm jyëjpëtsëmëty, ets xypyaatëty mëti'ipë m'a'ijxy mjëjp'ijxypyën.

Jeremias 31:16

E ja Wintsën jëtu'un y'ënë'ëmxëty: Raquel, këtii nëkoo mjë'ëy myä'äxy; këtii nëkoo mwiinnëë xytyemy xyjye'etsy, mijts tëë m'ëyo'onpaaty, mpatäämpy jatëkok ja jotkujk'ajtën: yë m'u'unk m'ëna'k tsoonantëp jam ma ja mëtsip ja nyaax kyajpnën. Ëjts Wintsën, ëjts ënaanp.

Mateo 23:37

Jerusalenkëtë kajpn, Jerusalenkëtë kajpn, mëkës njajawë ko të xyaj'ooktë ja käjpxynyajxpëtëjk ets të xykyuka'atstë mëti'ipë ja Dios të tjakexyën ets jeexyë ja y'aaw y'ayuk mtukmëmëtya'akëtë. Kanaak okës miits të njawoowmuka'antë ijxtëm ja këtseytyaak ja y'u'unk tyajmukyën ets tmu'uxy, e miitsëty ka'ap jëtu'un të xykyupëktë.

Mateo 5:12

Xi'iktë xontë ets jotkujk yajpaatë, jä'ä ko mëj ja Dios mkumaya'anëtë; jä'ä ko näjyëtu'un ojts t'ixjëtit tpajëtitë ja Dios kyäjpxynyajxpëtëjk mëti'ipë tëëyëp juuky'ajtëpën ma ënety miitsëty ka'ap mjuuky'atënëm.

Mateo 6:1

Ko yë mmëku'uk xypyutëkëty ijxtëm pyaat'atyën, ka'ap nikëxë'ëky tii xytyuntëty ets ja'ay t'ixtëty. Ko nikëxë'ëky tii xytyuntëty, ka'ap ja mTeetyëty tsajpjotmëpë mmo'ojëtëty ja kuma'ayën.

Lucas 6:35

Mtsoktëp miits ja mmëtsip, tuntë ja oypyë, tuntë ja mëyajtën; tuk'ënu'kxtë winë mëku'uk ets këtii xyjyëjp'ixtëty ets jatëkok mooywyimpitëtëty. Jëtu'un miits mëj nëjkx myajkumaytyë ets nëjkx m'u'unk'atëtë ja Dios tsajpjotmëpë, jä'ä ko yë'ë oy Tyios'aty ma ja ja'ayëtyën mëti'ipë ka'ap tii tkukajpxën ets ëxëëkpë jyä'äy'ätyën.

Colosenses 2:18

Ka'ap mëpaat mtuk'ëxmatsëtë Kristë mëti'ipë nätyijëtëp yujy tëtä'äky ets mëti'ipë wyintsë'këtëp ja tsajpjotmëtë kukäjpxy; jä'ä ko yë'ëjëty yë'ë kyajpxtëp mëti'ipë ka'ap nijëna'a t'ixtën, yi'iyë nätyukmëjpëjktakëtëp ja wyinma'anyëty.

2 Timoteo 1:18

Dios pa'ëyowëtëp ko myinëty ja Jesús. Mijts wa'ats xynyijawë wi'ix ojts xypyutëjkëmën jam Éfeso.

2 Timoteo 4:8

Ets tyam, ja oyajtënës xy'owëxijtp mëti'ipës xypyatpën, mëti'ipë ja Wintsën, mëtëypyë pyaye'eyën xymyo'ojaanpës jä'ä xëëw. Ets ka'ap y'ëjtsëty je'eyë nätyu'uk, näjyëtu'un yajmo'oja'antë ni'ëmukë mëti'ipë tsyojktëpën ets myinëty mëët ja mëj'ajt oyajtën.

Hebreos 11:26

Paaty tyimwinmaay nikë oy ko ja Yajnitsokpë tku'ëyowëty ets këtii ko tukjotkujk'atëty ja mëj'ajtën jaanty'ajtën mëti'ipë japën Egiptë, jä'ä ko ja wyinma'any ojts tpëjktä'äky ma ja kuma'ayënën mëti'ipë ja Dios yakäämpyën.

Hebreos 11:6

Ka'ap tjëkyepy oy nmëtu'unmëty yë Dios pën ka'ap ja mëpëjkën yajmëëtëty. Ko nmëwinkona'anmëty ja Dios, kopkpëky ko nmëpëjkmëty ko Dios jyääty ets ko tkumay mëti'ipë ixtaayëpën.

Hebreos 6:10

Jä'ä ko yë Dios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Dios ja nyaax kyajpn ijxtëm tyampaat xytyuun'ëtë'ëtstën.

Rut 1:16

E ja Rut tyaa y'ëtsooy: Këtiijës xy'atsip'aty ets mijts n'ëxmatsëty. Ëjts tëëjës ntuknipëjktaakë ko mijts npanëjkxa'any; ma mnëjkxyën jamës nnëjkxa'any; ma mjuuky'ätyën jamës njuuky'ata'any. Yë mkajpn yë'ëjës nkajpn'atäämpy ets mTios yë'ëjës nTios'atäämpy.

Rut 2:11

Tä ja Booz y'ëtsooy: Ëjts wa'atsës nijawë wi'ix janty'oy xymyëët'aty yë mtaak mxäkxy ets wi'ix mëk xywinkutsë'ëkën oy tëë ja mniye'etyëjk y'o'knë. Näy tëëjës nijawë ko mijts tëë yë mnaax nkajpn xy'ëxmatsy ets mteety mtaak tääts yaa të miny ma ëëtsëtyën oyës nwiinkja'ay'atë.

Rut 2:13

Ënet ja Rut y'ëtsooy: Mijts janty'oy mja'ay'äty mëët ëjts, yë m'aaw m'ayuk janty jotkujkës xyajnäjyawëty. Mëët ja aaw ayuk oypyë të xymyëkäjpxyës, oyës nkajëtu'unëty tä nitu'ukën yë mtuunpë.

Rut 4:15

Yë'ë nëjkx myajjotkujktä'äkyë ets mwinwitsëtëty ko ënety mëj ja'ayënë mëët jä'äkyëjxm ko yë'ë t'u'unk'aty yë mxäkxy Noemi, mëti'ipë mëk mtsojkëpën mja'awëyëpën, mëti'ipë jëtu'un mëët'ajtypyën tä jeexyë niwëxtujk yë u'unk maay xymyëëtëtyën.

1 Samuel 24:19

Tëë yajnijawë ko yë ja'ay yë myëtsip tpaaty ka'ap oy mëk tyajwinpity. Paaty yam n'ënëëmë ets Wintsën yë'ë mkuju'uyxyëtëty mëti'ipë tyam të xytyunyën mëët ëjts.

1 Samuel 24:20

Tyamës yajxon nijawë ko mijts jëtu'un nëjkx jëna'a myajkutujkpë'aty ets Israel yë nyaax kyajpn nëjkxëp jëna'a yeeky pyety.