Rut 1:6 - Biblia Dc en Mixe de Quetzaltepec

⁶ Kom ok ja Noemi ojts nijawë jam Moab, ko ma ja kyajpnën tëë ënety ja yuu xëëw nyajxnë.

Biblia Mixe de Quetzaltepec

⁶ Kom ok ja Noemi ojts nijawë jam Moab, ko ma ja kyajpnën tëë ënäty ja yuu xëëw nyajxnë.

Rut 1:6 Iomraidhean Croise

Génesis 21:1

Jëtu'un ijxtëm ënety yë wyaantakën yë Wintsën, ojts tni''ijxkëtä'äky yë Sara ets ojts tkuuytyuny ijxtëm ënety të y'ënä'änyën.

Génesis 28:20

Jam yë Jacob ojts tu'uk yë waantakën tuny ets y'ënäny: Pën Dios yë'ëjës xyjyämyëët'ajtp ets pën xykyëwent'ajtpës maas nëëye'ey ntu'uye'eyën ets pën xymyoopyës yë nka'ayën n'ukën ets mëti'ipës nwit'at nxox'atëpën.

Génesis 48:15

Ënet ojts yë José yajkënu'kxy mëët ya'atë aaw ayuk: Yë Dios mëti'ipë ojts t'ëwtatën tmëmëtowtën yë Abraham ets Isaac, mëti'ipës nteetyajtën, Ja Dios mëti'ipës të xykyënu'kxyën xëmë, koos nmiiny naaxwiiny ets tyampaat.

Génesis 50:25

Ënet ojts tuknikäjpxy yë Israel yë y'u'unk y'ëna'k ets t'ënëmaay: Tëyajtën yë'ë ko Dios yë'ë mniminanëtëp. Ko jëtu'un nëjkx jyäty kyëpety myajtso'onta'atëp yaa yë nwaay npajkës.

Salmos 102:14

Yë mtuunpëtëjk janty'oy nyäyjyawëtë ko t'ixtë ja tsaapotsy, e tyam je'eyë tjaakpa'ëyowtë ko t'ijxnëtë kujy ka'atsy ja tsaanë.

Salmos 111:5

Myoopy yë kyä'äyën y'ukën mëti'ipë wintsë'këyëpën. Yë'ë, xëmë tja'amyetsy wi'ix yë käjpxytyu'unën të tunyën.

Salmos 132:15

Mëj këjääjës nkënu'kxa'any yë jyi'kxy pyiky, ets ku'uxyës nyaj'ita'any yë jyä'äyëty mëti'ipë ëyoow jotëkooytyëpën.

Salmos 145:15

Tëkokyë yë ja'ay aakmijts mtuk'ijxpäjtëp, yë'ë y'ëwxijtëp ets xyajkay xyaj'uukëty ko yuu pyaatëtëty.

Salmos 146:7

Yë'ë nyipaye'epy ja ja'ay mëti'ipë ëxëëk jajtp këpäjtpën, kyääkymyoopy jyi'kxymyoopy ja ja'ay mëti'ipë yuu'o'këpën. Yë Wintsën yaj'ëwaatsëpëtsëëmpy ja ja'ay mëti'ipë tsumy matsy ijtpën.

Salmos 147:14

Yë'ë mtukpat mtuk'ijxëp yë jotkujk'ajtën, ets myaj'ityë ku'uxyë jotkëtä'äky mëët yë jë'kxy pëky oyjyätyëtypë.

Éxodo 3:16

Nëjkx ets woowmuk yë mëjja'aytyëjk jampë yajpaatën ma Israel ja'ayëtyën ets xy'ënëëmëty: Yë Wintsën mëti'ipë yë m'ap m'ok Tyios'atëpën, yë Abraham, Isaac ets Jacob yë Tyiosëty, yë'ë ojts nyänyikëxë'ëkyë maas ëjtsën etsës ojts xy'ënëëmë, ko tëë t'ixy tnijawë wi'ix miitsëty mjatën mkëpätën yaa Egiptë.

Éxodo 4:31

Ja ja'ayëty ojts jëtu'un tmëpëktë ja käjpxy mëtyä'äky ets tnija'awëtyë ko ënety ja Dios myëmay myëtajëtë ets ko ënety tëë t'ixy tnijawë wi'ix y'ëyowtë jyotëkoytyën, tä tyaj'ijxëtë ja näywyinkutsë'kën ko nyaaxkoowtë jëtu'un tä jeexyë yë Dios t'ëwtatën.

Proverbios 30:8

Jëpëk jëtun ma ëjtsën tëkatsypë jot winma'any ets ja win'ë'ënën antakën, këtiis nëkooyë xyajkumeenytya'akëty, ets këtiis nëkooyë xyaj'ëyowëty. Jëtu'unës winë xymyo'ojëty tääjës naje'eyë ntukjuuky'atëtyën.

Isaías 55:10

Tä yë nëma'a ets tä yë tsajp o'pky nyaaxkëta'aktën ets naaxkëjxy wyë'ëmtë ka'ap y'ëkwinpijnëtë tsajpwinm ets tyajxooktë yë naaxwiinyëtë ets ënät jam pyëtsimy ja jë'kxy pëky, ka'ayën ukën mëti'ipë yajtukjuuky'ajtpën,

Jeremias 29:10

Jëtu'un yë Wintsën y'ënä'äny: Ko ënety yë Babilonyë kajpn t'apety yë jyëmëjt tëkë'px majk, tääts miitsëty nputëkëja'antë ets ntuna'anyës ja mëti'ipës të ntukwinwanëtën ko nyajwinpita'antë ma ja mnaax mkajpnëtyën.

Joel 2:19

jëtu'un y'ënäny: Tyam ntuknikäxtëty yë tsajpmok, yë tsatym nyëë ets on, mapaat mku'uxëtën; ka'apës nijëna'a n'ëkyajkutukanë ets naax kajpn mëti'ipës ka'ap xy'ixy'ätyën mtukxi'ikëtëty.

Sofonías 2:7

Yë Judá ja'ayëty mëti'ipë ënety të jyaak tso'oktën, yë'ë nëjkx tääpë naax kajpn tjä'ä'atë ko ënety ja Wintsën nyiminëtë ets pyutëkëja'anëtë ets jotkujk jyuuky'atëty. Jam nëjkx ja kyupixyny tkëwent'atë ets koots nëjkx pyo'kxtë pyëktë ma ja jyëën tyëjkëtyën jam Ascalón.

Mateo 6:11

Mooytyëkës tyam ja ka'ayën ukën mëti'ipës nyajmëyajtëpën.

Lucas 1:68

Kënu'kxy mëjjawë yë Wintsën nyäxy, mëti'ipë ja Israel ja'ay Tyios'ajtëpën, Jä'ä ko tëë tniminy ja nyaax kyajpn ets tyajnitso'oka'any.

Lucas 19:44

ets myajkutëkoyëtëty. Nëjkxëp tyaj'ooktë ja mja'ay, jyijta'ajantëp ja mpotsy, jä'ä ko ka'ap ojts xymyëjpëjkta'aktë ja Dios ko mjanimiinëtë.

1 Timoteo 6:8

pën nmëët'ajtëm ja ka'ayën ukën ets ja wit xox, jotkujk ëëts nnäyjya'awëmëty.

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

Rut 1:5

Kom majk jëmëjt ojts y'o'knë ja Mahlón ets ja Quelión näjyëtu'un. Ko jëtu'un jyäjty kyëpejty yë Noemi o'ktëy nyäjya'awëyë, tyam tëë ja nyiye'etyëjk y'ooky ets ja myaank nimäjtsk jyaak timy'ooky.

Rut 1:7

Paaty ojts jam Moab tsyo'onëtë ets nyëjkxnëtë jam Judá mëët nimäjtsk ja xyäkxy.

1 Samuel 2:21

Ja Wintsën kyënu'kx'ëtëtsyp ja Aná mëjwiin këjää mëët ja u'unk maay. Paatykyëjxm ojts ja y'u'unk myääy tyajmëxu'unk'aty nitëkëëk yë yä'äy'ëna'k ets nimäjtsk yë to'oxy'ëna'k, e ja Samuel ya'k päjt jä'ä jam ma ja Dios tmëtunyën.