Lucas 9:16 - Biblia Dc en Mixe de Quetzaltepec

¹⁶ Ënet ja Jesús tkoonë'ky mëkoxk ja tsajpkääky ets ja ajkx mäjtsk, tääts pya'at'ijxy tsajpwinm ets ja Dios tkukajpxëy. Ënet ojts tujkwä'kxy ja tsajpkääky ets tmooy ja y'ijxpëjkpëtëjk ets ja mayjyä'äy tmo'otëty.

Biblia Mixe de Quetzaltepec

¹⁶ Ënät ja Jesús tkoonë'ky mëkoxk ja tsajpkääky ets ja ajkx mäjtsk, tääts pya'at'ijxy tsajpwinm ets ja Tios tkukajpxëy. Ënät ojts tujkwä'kxy ja tsajpkääky ets tmooy ja y'ijxpëjkpëtëjk ets ja mayjyä'äy tmo'otëty.

Lucas 9:16 Iomraidhean Croise

Mateo 14:19

Ënet ni'ënä'ämëy ets ja mayjyä'äy nyaaxwäätstëty ujtskëjxy. Tääts tkoonë'ky ja mëkoxkpë ja tsajpkääky ets mäjtsk ja ajkx. Ënet pya'at'ijxy tsajpkëjxm ets ojts tkënu'kxy. Tääts ojts tujkwä'kxy ja tsajpkääky ets tmooy ja y'ijxpëjkpëtëjk, e ja y'ijxpëjkpëtëjk ots tkumaaytya'atë ja mayjyä'äy.

Mateo 15:36

ets tkoonë'ky ja wëxtujkpë ja tsajpkääky ets ja ajkx. Ko ja Dios tkukajpxëy, tääts ojts tujkwä'kxy ets tmooy ja y'ijxpëjkpëtëjk. Ja y'ijxpëjkpëtëjk jä'ä kyumaaytyë ja mayjyä'äy.

Marcos 7:34

Ënet ojts pya'at'ixy tsajpwinm ets myëkxejy. Tääts y'ënäny: Efatá. Jä'ä nyiwijy: Ëwa'ats.

Lucas 22:19

Tääts ja tsajpkääky tkoonë'ky ets näjyëtu'un ja Dios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

Lucas 24:30

Ko ënety jam y'u'unyëtë ma ja kaaypyäjnën, tääts ja tsajpkääky ojts nixajë ets ja Dios tkukajpxëy ets ojts myo'ojëtë.

Lucas 9:15

Ets jëtu'un tuuntë ets ja ja'ay tyajnaaxwä'tstaaytyë.

Lucas 9:17

Ojts ja ja'ay ni'ëmukë kyäytyë ku'uxyë ets tpëjkmujktë majkmäjtsk katsy ja tsajpkääky natëkë ets ja ajkx natëkë.

Juan 6:11

Ets ja Jesús tkoonë'ky tu'uk ja tsajpkääky ets ja Dios tkukajpxëy. Tääts ojts tujkwä'kxy ets tmooy ja ja'ayëty mëti'ipë ënety jam u'unyääytyëpën. Näyjyëtu'un ojts tyajwä'kxy ja ajkx ets ojts yajmo'otë ja ja'ay jënu'un ënety tsoktën.

Juan 6:23

Ënet ojts wiinkpë kepy nëëwinye'eyë jya'të mëti'ipë tso'ontëpën Tiberias, ma ënety ja tsajpkääky të tkaytyën ko ja Wintsën jëyëjp tkukajpxëy ma Tiosën.

Hechos 27:35

Ko ja Pablo jëtu'un y'ënäny, tääts ja tsajpkääky tu'uk tkoonë'ky ets ja Dios tkukajpxëy ma ënety japëtyën ni'ëmukë ets ojts kyääytsyoony.

Romanos 14:6

Pën tu'uk ja xëëw y'ëmaay'äjtyp, Dios wyintsë'këp ko t'ëmaay'äty; pën tii jyi'kxyp, Dios wyintsë'këp ko tii tjë'kxy ets yë'ë kyukajpxëp; e pën ka'ap tii tjë'kxyën nän Dios wyintsë'këp ko ka'ap tii tjë'kxy, ets nän kyukajpxëp ma Tiosën.

1 Corintios 10:30

Pën nkukajpxëpës ja Dios koos nkay n'uuky, ka'ap tjëkyepy ets wiink yajnimëtya'akëty mëti'ipës ëjts ntukxoontäkpyën.

1 Corintios 11:24

Ets ojts ja Dios tkukajpxë, ënät ojts tujkwä'kxy ets y'ënäny: Ëjts ya'atë nxixy, mëti'ipë o'kpën ets miits xytyuk'oy'attëty. Mtuntëp ya'atë etsës xyjyä'ämyätstëty.

1 Samuel 9:13

Paaty ko jam mja'tëty, yë'ë tim ixtaaykyojtë ënätyë, naamka'anëm jam nyijkxynyëm tsajptëkotm ma ja ëkujkyxyëëw y'apaatëja'anyën. Yë ja'ayëty yë'ë jëyëjp y'ëwxitantëp koonëm jya'tëty täänëm kyäya'antë, jä'ä ko kopkpëky ko jëyëjp tkënu'kxëty ja wintsë'kën, täänëm kyäya'antë mëti'ipë të yajwowtën. Paaty jotëkoytyë, nëjkxtë jëtu'un timtyämyë tääts xypyaatëty.