Lucas 9:11 - Biblia Dc en Mixe de Quetzaltepec

¹¹ Ko ja mayjyä'äy tnija'awëtyë, tääts ojts tpanëjkxtë. Jesús kyupëjk ja mayjyä'äy ets tukmëmëtyäky ja Dios ja kyutujkën ets ja pa'amja'ay nimay tyajtsoky.

Biblia Mixe de Quetzaltepec

¹¹ Ko ja mayjyä'äy tnija'awëtyë, tääts ojts tpanëjkxtë. Jesús kyupëjk ja mayjyä'äy ets tukmëmëtyäky ja Tios ja kyutujkën ets ja pa'amja'ay nimay tyajtsoky.

Lucas 9:11 Iomraidhean Croise

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Mateo 12:15

Ko ja Jesús tnija'awëy, tääts jam tsyo'ony. Nimay ja ja'ay pyatso'onë. Jesús yajtsoktaay ja pa'amja'ay,

Mateo 14:14

Ko ja Jesús pyëtsiimy kepy nëëwinye'epyëjoty ets t'ixy ja mayjyä'äy, ënät tpa'ëyooy ets tyajtsoky ja pa'amja'ay mëti'ipë ënety të tmëmintën.

Mateo 21:31

¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kuttujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.

Mateo 21:43

Paaty miits n'ënëëmëtë: Myajpëjkëjantëp ja tsajpjotmëtë kuttujkën ets yë'ë yajmo'oja'antë ja kajpn mëti'ipë ja pëjktä'äky oy yajpëtë'ëkëpën.

Lucas 1:53

Tëë ja ayuupë axëëwpë tmo'oy ja nyaax kyam, ets awa'ats kë'ëwa'ats të tpëjktä'äky ja kumeenyjyä'äytyëjk.

Lucas 5:31

Ënet ja Jesús y'ëtsooy: Pën ka'ap tiipa'am tmëët'atën ka'ap yë tsooy tyaj'ëmaaytya'aktë, yë'ë yaj'ëmaaytyaktëp yë tsooy mëti'ipë pëjkëtëpën.

Lucas 8:1

Ko jëtu'un y'ëkjajty y'ëkkëpejty, ënät ja Jesús jyëtijty kajpn kajpn mëët ja y'ijxpëjkpëtëjk nimajkmäjtskpë ets ojts tkajpxwä'kxy ja oy aaw oy ayuk mëti'ipë nyikäjpxypën ja Dios ja kyutujkën.

Lucas 8:10

Tääts ja Jesús y'ëtsoowëtë: Miits ja Dios të mtuknijawëtë mëti'ipë yu'utsy'ijtpën ma ja kyutujktaknën. E ja wiinkëtypë ja ja'ay, ijxpäjtën mëët yajtukmëmëtya'aktë këtiipë tja'akyukëtëty oy tja'ixtëty, ets ka'ap tmëtoowkukëtëty oy tjamëtowtëty.

Lucas 9:10

Tääts ja Jesús ja y'ijxpëjkpëtëjk jatëkok jyajtë ets tukmëmëtyaktë ja Jesús, wi'ixëty ënety të tuntën winë. Ënet ojts wyoowtsoonëtë ets ëpëky yajnëjkxëtë jam Betsaida kyajpnjotm.

Lucas 9:12

Tsu'ujënëp ënätynyë, tääts nyimiinëtë ja nimajkmäjtskpë y'ijxpëjkpëtëjk ets y'ënëmaayëtë: Wimpakäjxnë yë mayjyä'äy wä'än nëjkxtë jam kajpnjotm ets jya'ajta'aktëty, wä'än nëjkx t'ixta'atë kyääkyëty jyi'kxëty ets mya'atëty pyo'kxtëty, jä'ä ko ka'ap yaa tii.

Lucas 9:2

Ojts tkexy ets tkajpxwa'kxtëty ja Dios kyutujkën ets tyajtso'oktëty mëti'ipë pëjkëtëpën.

Juan 4:34

Tääts ja Jesús y'ënëmaayëtë: Ëjts yë'ëjës jëtu'un nja'ap tä kääky tä uukyën koos ntuny ja ënä'ämën mëti'ipë tsyojkpyën ja mëti'ipës të xykexyën ets nyajwintu'upëkëtyës.

Juan 6:37

Tu'kë'ëyë mëti'ipës ja nteety të xymye'eyën, ëjts xynyimiinp; ets pën xynyimiinpës, nijëna'ajës nka'ixkäxëty.

Hechos 28:31

Ja Pablo ëwaatsëtum jam yajpaty ets ja Dios ja kyutujkën tkajpxwa'kxë; nimëtyä'äky wi'ix ja Wintsën Jesukristë ja y'ijxpëjkën y'ixëtyën ets ni pën ijty kyayajjotkëxyë.

Romanos 10:14

¿E wi'ix t'amëtowtëty pën ka'ap tmëpëktë? ¿Ets wi'ix tmëpëktëty pën ka'ap tmëtowtë ko jyääjëty? ¿Ets wi'ix tmëtowtëty pën ka'ap pën tyuk'ëwa'anxëtë?

Romanos 10:17

Jëtu'unkyëjxm, ja mëpëjkën ënät yajmëët'aty ko yajmëtoow'ity, ets ja aaw ayuk jam ja tsyoony ma ja Kristë të tnimëtyä'äkyën.

Romanos 15:3

Ka'ap ojts kë'ëm ja Kristë nyätyukjotkëtä'äkyë, jëtu'un ijxtëm ja Dios ja y'aaw y'ayuk kyëxja'ayëtyën: Ko ja ja'ay mwinkajpxpätëtëty, aak'ëjts xytyukkëtakp.

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Hebreos 4:16

Tsojk nmëwinko'onëm ja Dios ja kyutujktakn akujk jotkujk, ets xypya'ëye'emyëty mëët ja y'oywyinma'any ets xypyutëjkëmëty ma ënety tii nyajmëyajtëmën.