Lucas 8:22 - Biblia Dc en Mixe de Quetzaltepec

²² Tëkok ja Jesús ja y'ijxpëjkpëtëjk t'ënëmaay: Oy nja'amëty jamtsow mejypyë'am. Ënet tyëjkëtyë kepy nëëwinye'epyëjoty ets ojts nyëjkxtë.

Biblia Mixe de Quetzaltepec

²² Tëkok ja Jesús ja y'ijxpëjkpëtëjk t'ënëmaay: Oy nja'amëty jamtsow mejypyë'am. Ënät tyëjkëtyë kepy nëëwinye'epyëjoty ets ojts nyëjkxtë.

Lucas 8:22 Iomraidhean Croise

Mateo 14:22

Ok ma ya'atë jëtu'unpë tyuunën jyaajtën, ënät ja Jesús ja y'ijxpëjkpëtëjk tyajtëjkëy kepy nëëwinye'epyëjoty ets jëyëjp myejy nyaxtëty, jä'ä ko ja Jesús ëtyä'äkyë'äämpy ënety jam y'ëknäjyëkyäjpxyë ma mayjyä'äyën.

Mateo 8:18

Ko ja Jesús t'ijxy ko ja mayjyä'äy nyapikëty, tääts ja y'ijxpëjkpëtëjk ojts t'ënëëmë ets nyëjkxtëty jamtsow nëë'awinm meynyëë awinaxy.

Marcos 5:21

Ko ja Jesús wyimpijty kepy nëëwinye'epyëjoty ets jyä'äjty jatëkok jam nëë'akëyë pë'am, ënät ja ja'ay janty nimay myujktë.

Marcos 6:45

Ënätyë ja Jesús ja y'ijxpëjkpëtëjk tkukäjxëy kepy nëëwinye'epyëjoty ets nyëjkxtëty jam Betsaida ets ja Jesús ojts wäänë jyaak wë'ëmy ets nyäjyëkäjpxyë ma ja mayjyä'äyën.

Marcos 8:13

Tääts twinwa'ktuty ets ojts jatëkok tyëkë jap kepy nëëwinye'epyëjoty ets ojts nyijkx jam nëë'awinmtsow.

Lucas 5:1

Jam ënety ja Jesús tëkok yajpaaty ma tu'uk ja nëë'akëyë nëëpa'ajën Genesaret xyëëwajtyp. Jamts ja mayjyä'äy myiintë mëpaatëp ja Jesús t'atijmujknëtë ko tmëtoow'ita'antë ja Dios ja y'aaw y'ayuk.

Lucas 8:23

Jam ënety mejy itkujkm nyëjkxtë ko ja Jesús myaanajxy ets ja mëkpoj myiiny ets ja nëë jap kepy nëëwinye'epyëjoty kyujä'tsëy, mëpaatëp kyiinëtë.

Lucas 8:33

Tääts ja ku'oypyë pyëtsëëmtë ma ja ja'ayën ets tuktëjkëtyë ja ëtsëm. Ënet ja may ëtsëm kyupëyë'knajxtaaytyë ja'awjoty ets nëëjoty kyëtaktaaytyë. Japts jyi'kxtaaytyë.

Juan 6:1

Ko wäänë y'ijty, ënät ja Jesús ojts nyijkx jamtsow nëë'awinm Galilea mejypyë'am, mëti'ipë näjyëtu'un yajtijpën Tiberias.

Hechos 27:2

Täätsës ntuktëjkëtyë ja kepy nëëwinye'epyë jam Adramitio mëti'ipë ënety nëjkxaanpën Asia y'itjotm ma ja kajpn ja mejypyë'ampën. Tam ënety ja Aristarco mëët ëëtsëty yajpaaty, Tesalónica kyukajpnëty, Macedonia y'itjotm.