Lucas 8:21 - Biblia Dc en Mixe de Quetzaltepec

²¹ Ets ja Jesús y'ëtsooy: Yë'ëjës ntaak'ajtyp ets nmëkä'äx'ajtyp mëti'ipë y'amëtoow'ijtëpën ja Dios ja y'aaw y'ayuk ets tpatuntë.

Biblia Mixe de Quetzaltepec

²¹ Ets ja Jesús y'ëtsooy: Yë'ëjës ntaak'ajtyp ets nmëkä'äx'ajtyp mëti'ipë y'amëtoow'ijtëpën ja Tios ja y'aaw y'ayuk ets tpatuntë.

Lucas 8:21 Iomraidhean Croise

Mateo 17:5

Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 25:40

Ënet ja yajkutujkpë y'ëtsowa'any: Tëy miits n'ënëëmëtë, ko të xytyuntë tu'kë'ëyë ja oypyë ja tu'unën kajpxën ma ja'ayëtyën mëti'ipë ënety yajpatëpën ëmaay amutsk, ëjts jëtu'un të xymyëtuntë.

Mateo 25:45

Ets ja yajkutujkpë y'ëtsowa'anëtë: Tëy miits n'ënëëmëtë, ko tu'kë'ëyë mëti'ipë miits ka'ap të xytyuntë oy ma tyaapë ja'ayëtyën ëmaay amutskpë, ëjtsën jëtu'un miits të xytyuntë.

Mateo 28:10

ets y'ënëmaayëtë: Këtii mtsë'ëkëtë. Nëjkxtë ets xytyuk'ëwaanëtëty ja nmëku'uktëjkës wä'än tnëjkxta'atë jam Galilea etsës jam xy'ixtëty.

Lucas 8:15

Ja tëëmt mëti'ipë ojts kyä'äyën jë'kxynyaaxjoty, jëtu'un yë'ë ijxtëm ja ja'ayën mëti'ipë ja Dios ja y'aaw y'ayuk y'amëtoow'ijtëpën ëmuumtu'ukjot ets tpatuntë, jëtu'unts ja jyuukyajtën tyajtu'uye'eytyë ijxtëm ja Dios tyukmëtsokëtën.

Lucas 8:20

Tääts ja Jesús yajtuk'ëwa'anëy: Tap tëjk ëkë'p ja mtaak ets ja mmëkä'äxtëjk tyänëtë, mijtsëk m'ixanëtëp.

Juan 13:17

Pën mja'akyujkëtëp ets mpatuuntëp, akujk jotkujk nëjkx mjuuky'atë.

Juan 20:17

Tä ja Jesús y'ënëmaayë: Këtiis xymyätsy, jä'ä ko ka'anëmës nnëjkxy ma ja Dios Teetyën. Nëjkx ets xytyuk'ëwaanëty ja nmëku'uktëjkës: Ko jamës nnëjkxy maas yë nTeetyën ets ma miits yë mTeetyëtyën; maajës yë nTiosën ets ma miits yë mTiosëtyën.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

2 Corintios 6:18

Ëjts miits xytyeety'atëp, etsës miits n'u'unk'atëty. Jëtu'un ja Wintsën Mëti'ipë maaytyääyëpën winë y'ënä'äny.

Santiago 1:22

E ka'ap tyim yi'iyëty ko yaj'amëtoow'ity ja Dios ja y'aaw y'ayuk, yajtunaanp jëtu'un. Jä'ä ko pën ka'ap tii oy yajtuny nëkoopë je'eyë näwyin'ë'ënëmëty.

1 Juan 2:29

Mnija'awëtëp ko ja Jesukristë mëtëy winë tuny, ets mnijawëtëp näjyëtu'un ko pën tyuunpyën ja oypyë, yë'ë ënety ja Dios u'unk'ajtëp.

3 Juan 1:11

Mëku'uk, këtii yë'ë xypyatunëty ja ëxëëk ijxpëjkën, patun mijts ja oypyë. Pën ja oypyë tyuunpy, yë'ë Dios jä'ä'ajtëp; pën ja ëxëëkpë tyuunpy, ka'ap ja Dios nyijawëty.