Lucas 8:13 - Biblia Dc en Mixe de Quetzaltepec

¹³ Ja tëëmt mëti'ipë ojts kyä'äyën tsaajotm, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Dios ja y'aaw y'ayuk ets jotkujk myëpëjkojtë. Ko ënät wi'ix tkujatëtë tääts t'ëxmatstë. Yë'ë jëtu'un jajtp ijxtëm ja tsajpmokyonën mëti'ipë ka'ap tyiktsk kyëkëtyën.

Biblia Mixe de Quetzaltepec

¹³ Ja tëëmt mëti'ipë ojts kyä'äyën tsaajotm, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Tios ja y'aaw y'ayuk ets jotkujk myëpëjkojtë. Ko ënät wi'ix tkujatëtë tääts t'ëxmatstë. Yë'ë jëtu'un jajtp ijxtëm ja tsajpmokyonën mëti'ipë ka'ap tyiktsk kyëkëtyën.

Lucas 8:13 Iomraidhean Croise

Job 19:28

koos të nmëtoy ko miits m'ëna'antë: ¿Wi'ix tsoky, wi'ix mëpaat nyëë pyoky n'ixta'ayëmë? Yë y'ëxëëkjot y'ëxëëk winma'any jap yajpaaty ma jyot mwinma'anyën.

Proverbios 12:12

Mëët ko yë ëxëëkja'aytyëjk tëkatsy winë tsojkën'atë, ëxëëk tmëjatë; e ko wa'ats ja'aytyëjk tii tsojkën'atë, kopkpëky ko tpaata'antë.

Proverbios 12:3

Yë ëxëëkajtën ka'ap jeky tyaj'ity; yë wa'ats ja'aytyëjk ta'tspëky yajpaatë.

Isaías 58:2

Xëmës xyjyajanty ixta'atës, ets janty jotkujk nyäyajnaxëtë ko t'ixy'atë ja nnë'ë ntu'ujës. Jëtu'un nyäyajnaxëtë tä tu'uk kajpnën mëti'ipë aak'oy winë tyuunpyën, ets ka'apë tkumëtoownaxyën yë n'ënä'ämënës ntëyajtënës; ja mëtëypyë ja ënä'ämën jä'äs xy'amëtoowtëp, ets janty'oy janty xoontä'äky nyäyajnaxëtë koos xymyëwinkontë,

Ezequiel 33:32

Yë'ëjëty jëtu'un mtijëtë ko mijts jëtu'un mëtyä'äky tä jeexyë xykyuuy'iyën yë nätsyok näjyawë, ko oy yë aaw yo'kn xymyëëtëty ets oy mkoy. Je'eyë ko nëkoopë je'eyë tmëtoow'itë ets ka'ap tkuuytyuntë.

Oseas 6:4

Jëtu'un yë Wintsën y'ënä'äny: ¿Wi'ix mtunëty mijts Efraín? ¿Wi'ix ntunëty mijts Judá? Yë mtsojkën mja'awën jëtu'unës mpëjktä'äky tä yë nëëma'a jopyëp yaj'ixyën, tä maanik kyuxëënyën, tä yë poj tyëkooytyä'äyën.

Marcos 6:20

Jä'ä ko nyija'ap ja Herodes ko mëtëy ja Juan kyäjpxy ets wa'ats ja y'aaw jyot, paaty ojts tkuwa'any. Oy ja y'aaw y'ayuk ojts tmëtoowë ets jotkujk nyäjyawëty ko ja Juan myëtyä'äky.

Lucas 8:12

Ja tsajpmokpajk mëti'ipë ojts kyä'äyën tu'ujotm, jëtu'un yë'ë ijxtëm ja ja'ayëty mëti'ipë ja Dios ja y'aaw y'ayuk jyamëtoow'ijtëpën; ënät ja mëjku'u pyëjkxëtë ja Dios ja y'aaw y'ayuk ets ka'ap tmëpëktëty, jëtu'un ka'ap nyitso'oktëty.

Lucas 8:14

Ja tëëmt mëti'ipë ojts kyä'äyën äpny akujky, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Dios ja y'aaw y'ayuk ets tmëpëktë, je'eyëp ko yë'ëty, yë'ë myëjpëjktaktëp ja nyaax kyamëty yaa naaxwiiny ets ja myeenyëty, xiktëp xoontëp; jëtu'unts yë'ë nyaxtë ijxtëm ja tsajpmokyonën mëti'ipë tëtspën ets ka'ap tyëëm'aty.

Juan 15:2

Ko tu'uk ja tsatym xe'enty ka'ap tyëëmyäky, tääts tkatspuxy; e ko tyëëmyäky ni'ikyë twinpëky twintuny ets nëpuxy nëpooty mëti'ipë atsijpën tääts yajxon tyëëm'atëty.

Juan 15:6

Pën ka'ap y'ity tu'ukyë mëët ëjts, jëtu'un tpaaty ijxtëm ja tsatym xe'enty ëpëky y'ityën mëti'ipë yajpëjkmujkpën ets yajnino'oky.

Juan 5:35

Jëtu'un ja Juan ijty ijxtëm tu'uk ja jëën tyoyën ets kyutë'kxy, ets miitsëty ojts wäänë ja kyutë'kxn xytyukxontë.

1 Corintios 13:2

Oyës ja Dios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

1 Corintios 15:2

Näy yë'ë miits ya'atë aaw ayuk myajnitso'okëtëp pën ëmuumtu'ukjot xymyëpëktë mëti'ipë të ntuk'ëwaanëtën; pën ka'ap, natëkë miits të mëpëktë.

Gálatas 3:1

Miits, Galacia ja'ayëty kutsuujëty. ¿Pën të mpatoy të mpanaxëtë? Tëëts yajxon ntuk'ijxpëktë miits mwintuuyëty ijxtëm ja Jesukristë ojts kyëruutspetyën.

Gálatas 3:4

¿Oywyi'ix miits xyajtëkoya'antë mëti'ipë të xykyu'ëyowëtënë? ¿Tii ko nëkoo të xykyu'ëyowëtë?, pën ka'ap xyajtsowpaata'antë.

Efesios 3:17

wä'än ja Kristë t'ity ma miitsëtyën ko të xymyëpëktë, ets ja tsojkën ja'awën yajpaatëty xëmë ma miitsëtyën.

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

Colosenses 2:7

Ijxtëm tu'uk ja kepy tyikts në'p yajpaatyën, jëtu'un miits mëk yajpaatë tu'ukyë mëët ja Jesukristë. Jëtu'un ijxtëm myajtukni''ijxëtën ets xëmë ja Dios xykyukajpxëtëty.

1 Tesalonicenses 3:5

Paaty, koos ënety ëjts ka'ap n'ëkmëmëta'akanë, ënätës nkejxy mëti'ipë myajtëwëtëpën wi'ix ja mëpëjkën xymyëët'attëty, jä'ä ko tsë'këpës ënety ko ntij yë mëjku'u tëë myajtuuntëkoyëtë ets ja ntuunkëtyës ka'ap tsyoowpaatëty.

Hebreos 10:39

Ka'apës njëtu'un'atë ijxtëm y'ëtë'ëtstën mëti'ipë tu'utëkajtstëpën ets tyu'utëkoytyë, yë'ëjës nmëjwa'kpäjtëp mëti'ipë mëpëjktëpën ets ja nitsokën tpaatë.

Santiago 2:26

Jëtu'un ijxtëm ja jot nini'kxën y'ooky ko ja ja'awën tyukpëtsëmy, näjyëtu'un jyäty ja mëpëjkën pën ka'ap tii oy yajtuny.

2 Pedro 2:20

Mëti'ipë të tnijawëtën ja Wintsën Jesukristë Yajnitsokpë ets të tsyo'oktë ma ja ëxëëkpën, pën jam jatëkok nyäyajka'ajëtë pokyjotm, wäänë o'ktëy nëjkx jyatë këtiinëm ijxtëm ënety të y'itën.

2 Pedro 2:22

Yë'ë jëtu'un nyiwä'kpy ja tëyajtën ko y'ënä'äny: Ja uk nyiwinpijtyp jatëkok ja y'iitsy ets tjë'kxmuky. Jëtu'un ja wiinkpë y'ënä'äny: Ja ëtsëm ko tsyiiwta'ay, tääts jatëkok kyuyätsë mo'ontsjoty.

1 Juan 2:19

Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.

Judas 1:12

Je'eyë yajtsëtyuntë ko jam kyäytyë y'uuktë ma miits mxëëwtuntën, ko jam y'ätstë xyoonta'aktë ets ka'ap ninu'un wyinkutsë'ëkëtë. Jëtu'un y'ëtë'ëtstë ijxtëm jënaakën ja kupixyny këwent'ajtpë kë'ëm je'eyë nyäkyëwent'atyë. Jëtu'un yë'ëjëty ijxtëm yootsën ka'apë nyëëmëëtëtyën mëti'ipë pojjëtijtpën. Ijxtëm yë kepyën ka'apë tyëëmpetyën ma jyapaatyën, nikë oy ko tyimyajwijxë'ëkëty tyiktspaat ets tyimtë'ëtsëty.