Lucas 7:42 - Biblia Dc en Mixe de Quetzaltepec

⁴² e kä'äp ojts t'ëkëpäjnëtë ja nu'kxy, paaty ja yajmeenynyu'kxpë ojts tnime'kxy ja mëti'ipë mënu'kxy'ajtëpën nimäjtskëty. Nikajpx ënät tyam, ¿pën jëtää ni'ik tsojkëp?

Biblia Mixe de Quetzaltepec

⁴² e kä'äp ojts t'ëkëpäjnëtë ja nu'kxy, paaty ja yajmeenynyu'kxpë ojts tnime'kxy ja mëti'ipë mënu'kxy'ajtëpën nimäjtskëty. Nikajpx ënät tyam, ¿pën jëtää ni'ik tsojkëp?

Lucas 7:42 Iomraidhean Croise

2 Samuel 14:13

Ënet ja to'oxytyëjk yajtëëwë: ¿E wi'ix ko yë yajkutujkpë jëtu'un ja Dios ja nyaax kyajpn tuunpë? Jëtu'un ijxtëm të m'ëtsoyën, mijts mpokykya'ap ko ka'ap xyajwinpity ja maank mëti'ipë ke'ekyjyëtijtpën.

Salmos 103:3

Yë'ëjës xypyokywyinmä'kxp maas winë oy nkatunyën ets yë'ëjës xyajtsokp koos jëna'ajëty npëkyë n'ixyë.

Isaías 43:25

E ëjts, mëët koos xyTyios'aty, tyamës npo'ta'aja'any mpoky ma të myajja'ay'ookyën, ets ka'apës nja'amyätsa'any ja mpoky.

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Mateo 18:27

Ja yajkutujkpë pya'ëyoow ets nyimä'kx ja myënu'kxy, jëtu'un ëwaatsëtum ojts wyi'imy ja ja'ay.

Mateo 18:34

Mëk ja yajkutujkpë jyoot'anpëjky ets ojts tni'ënä'ämë ets pujxn tëkoty yajpëjkta'akëty ja ja'ay koonëm tkëpäjta'ajëty mëti'ipë nyu'kxy'äjtypyën.

Mateo 6:12

Pokynyimä'kxtëkës maas ëxëëk tii ntuntën nkajpxtën, jëtu'un tääjës të mpokymyä'kxtën ja mëti'ipës ëxëëk të xytyuntën.

Lucas 7:43

Ënet ja Simón y'ëtsooy: Ëjts ënaanp ko yë'ë tsojkëp ni'ik mëti'ipë këjää mënu'kxy'ajtëpën. Tääts ja Jesús y'ënäny: Jëtu'un, tëy m'ëna'any.

Romanos 3:24

E ja Dios, mëët ko tmëët'aty ja tsojkën ja'awën ets ka'ap të yajkujuy nitu'kjënu'un, wa'ats të tyajnajxta'ay ja ja'ay, mëët ko ja Jesukristë të tuny ja yaj'ëwaatsëpëtsë'ëmën.

Romanos 5:6

Ko ënety ëëts'ajtëmë ka'ap tjëkyepy ëwaatsëtuuy nyajpatmëty, ënät ja Kristë myiiny ets ja pokyjyä'äy tni'o'ktuty.

Gálatas 3:10

Mëti'ipë yi'iyë tyuk'ijxpäjtëpën ja Moisés ja y'ënä'ämën, kajpxpoky ja yajpaatë, jä'ä ko jëtu'un ja Dios ja y'aaw y'ayuk y'ënä'äny mëti'ipë këxja'ay miinpën: Kajpxpoky ja ja'ay y'ity mëti'ipë ka'ap kä'pxy tpatunyën ja ënä'ämën mëti'ipë këxja'ay miinpën.

Efesios 1:7

Mëët yë'ë ko xytsyojkëmë tëë ja Dios xyaj'ëwaatsëpëtsë'emëmë ko ja y'u'unk ja nye'pyny të tsyuny të xye'kxy ets ja npoky'ajtëm të xynyimä'kxëmë.

Efesios 4:32

Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Dios të mnimä'kxëtën, ko ja Kristë të xymyëpëktë.

Colosenses 3:13

Nämyëmä'kxtukëtë nixim niyam ets nänyimä'kxëtë näjyëtu'un. Jëtu'un ijxtëm ja Kristë të mnimä'kxëtën, näjyëtu'un miits yë mmëku'uk xynyimä'kxtëty.