Lucas 7:25 - Biblia Dc en Mixe de Quetzaltepec

²⁵ E pën ka'ap, ¿tii ojts xynyinëjkxtë ets xy'ijxtë? ¿Tu'uk ja ja'ay janty oypyë xyoxyëtyënë? Mnija'awëtëp miits mëti'ipë ja ja'ay oy ja wyit nätyukxojxëtëp ets janty'oy nyäyaj'itëtë, jam yajpaatë ma yajkutujkpë tyëjkën.

Biblia Mixe de Quetzaltepec

²⁵ E pën ka'ap, ¿tii ojts xynyinëjkxtë ets xy'ijxtë? ¿Tu'uk ja ja'ay janty oypyë xyoxyëtyënë? Mnija'awëtëp miits mëti'ipë ja ja'ay oy ja wyit nätyukxojxëtëp ets janty'oy nyäyaj'itëtë, jam yajpaatë ma yajkutujkpë tyëjkën.

Lucas 7:25 Iomraidhean Croise

2 Samuel 19:35

majkta'pxës yë njëmëjtnë; ka'apës nitii n'ëkxu'kxja'awënë mëti'ipës njajë'kxypyën ets mëti'ipës nja'ukpyën; nän ka'apës n'ëkmëtoownë pën wi'ix ja ëëpë jya'ëwtë. ¿Ëjts tiijës yë Wintsën n'ëktukmëtunëp?

1 Reyes 10:5

Ets t'ijxtaay ja kyä'äyën y'ukën, ja jyëën tyëjk maajaty ja tyuunpëtëjk y'ityën, ja wyit tyujkxy, ja tyuunpëtëjk, wä'än yë'ëjëty mëti'ipë tojkx apëjkëtyëpën uuky apëjkëtyëpën ets wi'ix ja wintsë'kën tyäkyën mëjwiin këjää ma Wintsënën mëj'äämpy ojts t'ixy.

2 Reyes 1:8

Yë'ë wyit'ajtyp u'kxywyit ets jëtu'unyë nitëy'äty, tam pyo'owëën, jëtu'un y'ëtsoowtë. Elías yë'ë, mëti'ipë jam kukajpn'ajtpën Tisbé. Jëtu'un y'ënäny ja yajkutujkpë.

Ester 1:11

ets nëjkx twowtë ja yajkutujkpë to'oxytyëjk Vasti ets tmëminëty ja kujän mëti'ipë ja yajkutujkpë to'oxytyëjk yajtuuntëpën, jëtu'un ja naax kajpn t'ixëty wi'ix ja yajkutujkpë to'oxytyëjk y'oy tsyujëtyën, jä'ä ko ja yajkutujkpë Vasti janty'oy ënety kyëxë'ëky.

Ester 1:3

Kom tëkëëk jëmëjt ma ënety yajkutukyën, jää tnipëjktakëy tu'uk ka'ayën ukën. Wa'ats twoowmujktaay ja wintsëntëjk, ja mëti'ipë kutuunk'ajtëpën ets ja tsiptuunpë wintsënëty, maajaty kajpn kajpn yajpaatën, mëti'ipë ënety të tniwa'aktën ko ja tsip y'ijty,

Ester 4:2

Jëtu'un jam tyimja'ajty ma ja kutujkëntëjkën, je'eyëp ko jämyë nyaaxwä'ky tëjk'ëkë'ëm, jä'ä ko ka'ap ënety t'ëwa'atstë ja'ay jap tyëkëty këmoontëkoty pën yë'ë wit myëët'ajtyp mëti'ipë kuumpën u'kxpën.

Ester 5:1

Kom tëkëëk xëëw ojts ja Ester nyäxyoxyë mëët ja wit tujkxy mëti'ipë to'oxytyëjktëjk wyit'ajtëpën mëti'ipë nyiye'etyëjk'ajtëpën ja yajkutujkpë ets ojts tninëjkxy ja yajkutujkpë jam ma yajkutukyën. Jap nyäjxy tëjkwiiny, jap wya'ak'a'awëy wintuuytsyow ma ja yajkutujktaknën.

Ester 8:15

Jä'ä xëëw ja Mardoqueo jap pyëtsiimy ma ja kyutujktaknën, jä'ä wyit tyuktëjkëy mëti'ipë ja yajkutujkpëtëjk wyit'ajtëpën; jä'ä wyooxyëty poop ets yëktsuxk, ojts ja pu'ts pujxn kujän tpëjktä'äky ma kyëpajkën ets nyätyukniyä'pë tu'uk ja mëjwit, tsapts wyooxyëty, oywyit. Tä ja mayjyä'äy tyëjkëtyë yaxpë jojkpë mëët ja mëj xoontakën;

Isaías 59:17

Ko myëtäky, jëtu'un nyäjxy tä jeexyë të yajtuknijenyën pujxn nijän; ko tyajnaaxkëtäky ja nitsokën jëtu'un nyäjxy tä jeexyë pyujxnkujup të yajpëjktä'äkyën, ko tyaj'o'ktaay ja myëtsip jëtu'un nyäjxy tä jeexyë ja jyemwyit të yajtukxoxyën mëti'ipë yajkutujkpëtëjk pyëjktaktëpën ets ko jyoot'anpëjky jëtu'un nyäjxy tä jeexyë yë wit të nyätyukwinpityën.

Mateo 11:8

Ets pën ka'ap, ¿tii ojts xynyinëjkxtë ets tii ojts xy'ixtë? ¿Tu'uk ja ja'ay janty tsujpë xyoxyëtyënë? Mnija'awëtëp miits mëti'ipë janty tsuj näxyojxëtëpën, jam ja y'itë ma ja yajkutujkpë tsyëënëtën.

Mateo 3:4

Jëyujk jëku'ux ak ijty yë Juan nyixox'ajtyp, po'o wyëën'ajtyp, mu'u tsyu'tsyp ets uuxpa'ak y'ukpy.

Mateo 6:29

Jëtu'un miits n'ënëëmëtë ko oy ja yajkutujkpë Salomón ni'ik ja mëj'ajtën jaanty'ajtën tjamëët'ajty, ka'ap nyäxyojxë tsuj ijxtëm yë pëjy kyëxë'ëkyën.

Lucas 16:19

Jam ijty tu'uk ja kumeenyjyä'äy, xoxy pëky, oytyuny, aak winjemy nyäxyoxyë ets xëmë ka'ayën ukën mëj nipëjktaakë.

Lucas 7:24

Ko tsyo'ontë ja Juan Yajnëëpäjtpë ja kyukäjpxy ma ja Jesús ënätyën, ënät ja Jesús nimëtyaktso'ony ja Juan, tukmëmëtyä'äky ja ja'ayëty: ¿Tii miits ojts xynyinëjkxtë ets xy'ixtë jam të'ëts'itjotm? ¿Ja tsajpkäpyny mëti'ipë pojmiinp pojxëjpënë?

Lucas 7:26

Pën ka'ap yë'ëkyëjxmëty ojts xynyinëjkxtë, ¿tii ojts xynyinëjkxtë ets xy'ijxtë? ¿Tu'uk ja Dios ja kyäjpxynyajxpë? Tëy miits n'ënëëmëtë ko wäänë mëj ja Juan këtiinëm ja Dios ja kyäjpxynyajxpë mëti'ipëty të nyaxtën.