Lucas 7:16 - Biblia Dc en Mixe de Quetzaltepec

¹⁶ Ko jëtu'un t'ijxtë, tääts ni'ëmukë tsyë'këtyë ets ja Dios tmëjja'aw tjaantyjya'awëtyë ets y'ënantë: Tu'uk ja Dios kyäjpxynyajxpë të kyëxë'ëky ma ëëtsajtëmën. Näyjyëtu'un y'ënantë: Tëë ja Dios tniminy tnija'ty ja jyä'äy.

Biblia Mixe de Quetzaltepec

¹⁶ Ko jëtu'un t'ijxtë, tääts ni'ëmukë tsyë'këtyë ets ja Tios tmëjja'aw tjaantyjya'awëtyë ets y'ënantë: Tu'uk ja Tios kyäjpxynyajxpë të kyëxë'ëky ma ëëtsajtëmën. Näyjyëtu'un y'ënantë: Tëë ja Tios tniminy tnija'ty ja jyä'äy.

Lucas 7:16 Iomraidhean Croise

Salmos 65:9

Mijts yë naaxwiinyëtë mkëwent'ajtyp; mijts yë nëë tuu mkejxyp ma yë'ëjën ets winë myuxëty yonëty; mijts myajyoompy myajji'tsyp yë tsajpmok mëët yë mëk tuu mëknëëkom. Jëtu'un ja naax kam xytyukni'oytyunë yajxon.

Éxodo 4:31

Ja ja'ayëty ojts jëtu'un tmëpëktë ja käjpxy mëtyä'äky ets tnija'awëtyë ko ënety ja Dios myëmay myëtajëtë ets ko ënety tëë t'ixy tnijawë wi'ix y'ëyowtë jyotëkoytyën, tä tyaj'ijxëtë ja näywyinkutsë'kën ko nyaaxkoowtë jëtu'un tä jeexyë yë Dios t'ëwtatën.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënety tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Mateo 15:31

Mëj ixy ja ja'ay tja'awëtyë ko ja uum kyajpxë'ktë, ko ja kë'ëma'atpë y'o'oyëtë ja kyë'ë, ko ja tekymya'atpë ye'epyëjktë ets ko ja wiintspë y'ixë'ktë. Ënet ja Israel Dios tyajmëjnajxtë.

Mateo 21:11

Ets ja ja'ay y'ëtsoowtë: Käjpxynyajxpë Jesús yë'ë, jam Nazaret tsyoony, Galilea y'itjotm.

Mateo 28:8

Tääts ja to'oxytyëjkëty tsyo'ontë jotëkoy ma ja o'kpëjutën, tyam jyatsë'ëkëtë ets tyam jyaxoonta'aktë, pëyi'ikyë ojts nyëjkxtë ets tuk'ëwaanëja'antë ja Jesús ja y'ijxpëjkpëtëjk mëti'ipë ënety të nijawëtën.

Mateo 9:8

Mëj'ixy ja mayjyä'äy t'ijxtë ets ja Dios tmëjja'awëtyë ko jëtu'un ja ja'ay ja kuttujkën të yajmo'otë.

Lucas 1:65

Ni'ëmukë ja myëjëën myëtëjk ojts mëjmëtoy tmëtowtë ets ja ja'ay tnija'awëtyääytyë jam Judea y'itjotm, tunjotm kopkjotm, wi'ix ënety të tyuny të jyätyën.

Lucas 1:68

Kënu'kxy mëjjawë yë Wintsën nyäxy, mëti'ipë ja Israel ja'ay Tyios'ajtëpën, Jä'ä ko tëë tniminy ja nyaax kyajpn ets tyajnitso'oka'any.

Lucas 19:44

ets myajkutëkoyëtëty. Nëjkxëp tyaj'ooktë ja mja'ay, jyijta'ajantëp ja mpotsy, jä'ä ko ka'ap ojts xymyëjpëjkta'aktë ja Dios ko mjanimiinëtë.

Lucas 2:20

Tääts ja kupixyny këwent'ajtpë ojts wyimpijnëtë akujk jotkujk, tukxoonta'aktë ja Dios ko ënety të t'ixtë jëtu'un tä ja tsajpjotmëtë kukäjpxy ënety të y'ënë'ëmxëtën.

Lucas 24:19

Tääts ja Jesús tyajtëëy: ¿Tiixë të tyuny të jyätyë? Ets y'ëtsoowtë: Ja Jesús Nazaretëtë ja'ay, ja Dios ja kyäjpxynyajxpë mëti'ipë mëk'ajtën mëët winë tuunyën ma Tiosën ets ma ja ja'ayëtyën.

Lucas 5:26

Ets ja ja'ay mëj ixy t'ijxtë, ojts ja Dios näjyëtu'un tmëjjaw tjaantyjawëtë ets y'ënantë: Mëj winma'any ya'atë ja kënu'kxën tyam të n'ijxëmë.

Lucas 5:8

Ko ja Simón Pedro jëtu'un t'ijxy, ënät ojts nyäkyoxtënaaytyä'äkyë ma ja Jesús ets t'ënëmaay: Wintsën, winwa'ktutkës, ëjts pokyjyä'äyës.

Lucas 7:15

Tääts wyä'tskujkëy ja mexy mëti'ipë ënety të y'ookyën ets kyajpxpëjky. Ënet ja u'unktaak yajtukë'ëtëjkëy ja y'u'unk.

Lucas 7:39

Ko ja fariseë ojts jëtu'un t'ixy ja mëti'ipë ënety të wyoyën ja Jesús kääpyë, jëtu'un myäy tyäjy: Ko jeexyë ya'atë ja'ay Dios kyäjpxynyajxpë'atyë, tëë jeexyë tnijawë wi'ix ya'atë to'oxytyëjk jyä'äy'ätyën mëti'ipë toonëp majtsëpën, yë'ë pokyjyä'äy yë'ë.

Lucas 8:37

Jä'äkyëjxm ja Gerasa ja'ayëty ni'ëmukë tmëpëjktsoowtë ja Jesús ets jam tsyoonëty, tsë'këtëp ja ni'ik. Ënet ja Jesús kepy nëëwinye'epyëjoty tyëjkëy ets tsyo'ony.

Lucas 9:19

Tääts y'ëtsoowtë: Tam mëti'ipë ënantëpën ko mijts Juan Yajnëëpäjtpë; wiinkpë y'ëna'antë ko mijts m'Eliësëty, nän tam mëti'ipë ënantëpën ko mijts Dios kyäjpxynyajxpë të jyuukpyiky mëti'ipë tëëyëp juukyajtpën.

Juan 1:21

Tääts tjaakyajtëëwtë: ¿Mpënxën mijts? ¿Dios kyäjpxynyajxpë Elías? Ets ja Juan y'ënäny: Ka'ap y'ëjtsëty. Ets tjaaknëmaaytyë: ¿Yë'ë mijts ja Dios kyäjpxynyajxpë mëti'ipë minaanpën? Ets ja Juan y'ëtsooy: Ka'ap y'ëjtsëty.

Juan 1:25

Yë'ë ojts tyajtëwtë: Pën ka'ap mijts mKristëty ets ka'ap mijts mElíasëty ets ka'ap myijtsëty Dios kyäjpxynyajxpë, ¿tiixë ko myajnëëpety?

Juan 4:19

Ko ja to'oxytyëjk jëtu'un tmëtooy ets y'ënäny: Wintsën, jëtu'unës nja'akyukë ko mijts mkäjpxynyajxpë'ajtp yowë.

Juan 6:14

Ko ja ja'ay t'ijxtë ja mëj'ajtën mëti'ipë Jesús tyuunën ënät y'ënantë: Tëy jëtu'un ko yë'ë ya'atë Dios kyäjpxynyajxpë mëti'ipë yaa naaxwiiny ënety minaanpën.

Juan 9:17

Ënet ojts jatëkok tyajtëëwkojnëtëpë mëti'ipë ënety wiints të yajpaatyën: E mijts, ¿wi'ix m'ëna'any, pën yë'ë mëti'ipë të myaj'ijxë'ëkyën? Ets ja ye'etyëjk y'ënäny: Jëtu'unës n'ëna'any ko Dios yë kyäjpxynyajxpë.

Hechos 5:5

Je'eyë ja Ananías jëtu'un tmëtooy, ooky tyimnakëtäky. Ets mëti'ipë y'ijxtën nyija'awëtën, ni'ëmukë tsyë'këtyë.

Hechos 7:37

Ya'atë Moisés yë'ë näjyëtu'un y'ënëmaay ja Israel ja'ayëty: Dios tyuknipëjktaakëjäämpy ets jam ma miitsëtyën tu'uk pyëtsëmëty ja kukäjpxy ijxtëm ëjtsën.

Gálatas 1:24

Ets ja Dios ijty tukmëjjawëtë koos ja njuukyajtën të tyajtëkatsy.

Deuteronomio 18:15

Yë mWintsën Tiosëty yë'ë yaj'itäämpy ma miitsëtyën tu'uk yë käjpxynyajxpë tä ëjtsën ets yë'ë mmëmëtowtëp.