Lucas 6:7 - Biblia Dc en Mixe de Quetzaltepec

⁷ ja tsajptëkotyëtë yaj'ijxpëjkpëtëjk ets ja fariseë ja'ayëty je'eyë tpa'ix tpawoontë ja Jesús, yë'ë y'ixantëp pën y'ëkyajktsokpy ja pa'amja'ay po'kxënxëëwjoty, jëtu'unts tni'ëënëja'antë.

Biblia Mixe de Quetzaltepec

⁷ ja tsajptëkotyëtë yaj'ijxpëjkpëtëjk ets ja fariseë ja'ayëty je'eyë tpa'ix tpawoontë ja Jesús, yë'ë y'ixantëp pën y'ëkyajktsokpy ja pa'amja'ay po'kxënxëëwjoty, jëtu'unts tni'ëënëja'antë.

Lucas 6:7 Iomraidhean Croise

Salmos 38:12

Mëti'ipës xyaj'ookantëpën, tëë n'o'ktaknës tpëjkta'aktë yu'utsypë; mëti'ipës xyaj'ëyo'onpaatantëpën, ëxëëkëm xynyikajpx xynyimëtya'aktës, jëtu'un ijxtëm mëpaat yë nwinma'anyës myä'ätyën; janaam jatsojk yi'iyë myääytyëp tyajtëp wi'ixës ëxëëk njatëty nkëpätëty.

Isaías 29:21

mëti'ipë wiink ja'ay tyuknipëjktëpën ko yajja'ay'ooktë, mëti'ipë myeenymyooytyëpën ja yajkutujkpë ets wa'ats ja'ay nyäyajnaxëtë ets yajtëytyuny ja mëti'ipë ka'ap tii poky tmëëtëtyën.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënet y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Mateo 5:39

Temë jëtu'un miits n'ënëëmëtë ko ka'ap xytyuunwinpitëty ko pën wi'ix mtunëtëty. Ko pën m'apojtsë'ëkëtëty ni'ikyë tuk'akë'ë wiinkpë m'apënuuky.

Marcos 3:2

Tap ja ja'ayëty mëti'ipë y'ijxtaaytyëpën ja winma'any pën tii y'ëktukni'ë'ënëtyëp ja Jesús, jä'ä nyijawëjantëp pën y'ëkyajktsokpy ja pa'amja'ay po'kxënxëëwjoty.

Lucas 13:14

E ja tsajptëjk wintsën ojts tukjoot'anpëky ja Jesús ko ja to'oxytyëjk ojts tyajtso'oky po'kxënxëëwjoty paaty ja ja'ay t'ënëmaay: Tëtujkxëëw nyikutukyëty ets ja'ay tyuntëty. Pën mtso'okantëp, mintë oyjyëna'ajëty ets ka'ap pyo'kxën xëëwjotyëty.

Lucas 20:20

Ënet ojts tkäxtë ja ja'ay mëti'ipë pya'ix pyawoontëp ja Jesús, tääpë ja'ayëty oyjyä'äy nyäpyëjkta'akëtë, yë'ë tsyojktëp ets ja Jesús muum kyajpxtëkoyëty ets jëtu'un tkë'ëyaktëty ma ja Roma yajkutujkpën.

Juan 9:16

Ënet jënaakën ja fariseë ja'ayëty y'ënantë: Ja ja'ay mëti'ipë ya'atë tyuunpyën ka'ap yë'ëjëty Dios yajtunyë, jä'ä ko ka'ap yë po'kxënxëëw t'ëmaay'äty. Ets ja wiinkpë y'ënantë: ¿Wi'ix jëtää mëj'ajtën tunëty pën pokyjyä'äy? Tääts ojts nyäpyëjkwa'kxëtë xim yam.