Lucas 5:19 - Biblia Dc en Mixe de Quetzaltepec

¹⁹ Nimaa kya'ëwa'atsëty ma tyajtëkëtëty, jä'ä ko janty may ja ja'ay ënätyëty. Tääts tëjkëjxy pyäjtë ets tkukëëytyutë ja tëjk, japts tkutëëynyajxtë ja pa'amja'ay mayjyä'äy akujk Jesús wyintuuy.

Biblia Mixe de Quetzaltepec

¹⁹ Nimaa kya'ëwa'atsëty ma tyajtëkëtëty, jä'ä ko janty may ja ja'ay ënätyëty. Tääts tëjkëjxy pyäjtë ets tkukëëytyutë ja tëjk, japts tkutëëynyajxtë ja pa'amja'ay mayjyä'äy akujk Jesús wyintuuy.

Lucas 5:19 Iomraidhean Croise

2 Samuel 11:2

Jä'ä xëëw, jënäkyxyëëw ënety ko ja David myä'äypyëti'ky ets jam pyejty këmoon tëjkëjxm, jamts nyäxy tyëkë ko t'ijxpaty jap ëpa'tkë'p tu'uk yë to'oxytyëjk tsyi'iy, janty tsujpë. Ya'atë to'oxytyëjk tëë ënety je'eyë tyukjënajkta'ayë ja myëjaaw.

Jeremias 19:13

Yë jëën tëjk mëti'ipë yajpatëpën jam Jerusalén, ja këmoontëjk ma ja Judá yajkutujkpëtëjk y'ënä'ämtën ets ja tëjk kopk ma ja mëtsa'a twintsë'ëkëtën mëët ja poom, mëët ja uuky, aak ëxëëk nëjkx nyajxta'ay, jëtu'un tä jam jyäjtyën Tofet kajpnjotm.

Mateo 10:27

Mëti'ipë akootstuuy ntukmëmëtyaktëpën, nikajpx nimëtya'aktë xëëny ma jyäjy tyi'kxyën; mëti'ipë ame'tsyë ntukmëmëtyaktëpën, tukyaax tukjokëtë jam tëjkëjxm.

Mateo 24:17

ets pën ënety të pyetyën tyëjkëjxm jä'ä xëëw, ka'ap y'ëkjënajknëty ets tii tyajpëtsëma'anëty jap tyëkoty;

Marcos 2:4

E komë nëkooyë ënety ja ja'ay nyimay'ajnë, ka'ap tjëkyepy wi'ix ja Jesús tmëwinkontëty. Ënet ojts tyaj'ëwa'atstë jap tëjkkëjxy. Japts ja pa'amja'ay tkutëëynyajxtë mëët ja myaapäjn.

Deuteronomio 22:8

Ko pën tu'uk yë tyëjk tkojëty, jam tëjknëkëjxm nëjkxëp yë pya'a tnapojts'ëwtijtë, këtiipë jam pën y'awa'knaxëty ets pën pyokytyëkëty ma ja ja'ayëtyën mëti'ipë ënety tääpë ja jëën tëjk tyuktsëna'ayëtëpën.

1 Samuel 9:25

E kom jam tsyo'onëtë ma ja tsajptëjkën ets nyëjkxnëtë ma ja kajpnën, jap ojts tyaj'oyëtë ja Saúl ja myaatakn tëjk'ëjxy.