Lucas 4:41 - Biblia Dc en Mixe de Quetzaltepec

⁴¹ May ja ku'oypyë pyëtsëëmtë ma ja pa'amja'ayëtyën ets mëk jyänty ëna'antë: Dios mijts m'u'unk'ajtëp. E ja Jesús ojts twinku'ojë ja ku'oypyë ets ka'ap tkupëjky ets kyajpxtëty, jä'ä ko nyija'awëtëp ënety ko ja Jesús jyä'äjëty ja Kristë.

Biblia Mixe de Quetzaltepec

⁴¹ May ja ku'oypyë pyëtsëëmtë ma ja pa'amja'ayëtyën ets mëk jyänty ëna'antë: Tios mijts m'u'unk'ajtëp. E ja Jesús ojts twinku'ojë ja ku'oypyë ets ka'ap tkupëjky ets kyajpxtëty, jä'ä ko nyija'awëtëp ënäty ko ja Jesús jyä'äjëty ja Kristë.

Lucas 4:41 Iomraidhean Croise

Mateo 26:63

E ja Jesús amonyë y'ijty. Tääts ja teety wintsën y'ënëmaayë: Ja juuky Dios yam ntukajpxpejtypyës ets tëy tëtä'äky xynyikajpxëty. Tuk'ëwa'anëtyëk ëëts pën mijtsëtën mKristë, ja Dios ja y'U'unk.

Mateo 4:3

Ënet ja mëjku'u nyimiinë ets wyinma'any ixa'anyë, ets y'ënëmaayë: Pën Dios mijts mU'unk'ajtëp, t'ënëëmë ya'atë tsaa ets y'awinpitëty tsajpkääky.

Mateo 8:16

Ko tsyu'ujënë, tääts ja Jesús ojts tukninëjkxtë may ja ja'ay mëti'ipë ku'oypyë myëët'ajtëpën. Tu'k'aawkäjpxyëty ojts t'ixkexy ja ku'oypyë ets näjyëtu'un tyajtsoky ni'ëmukë ja pa'amja'ay.

Mateo 8:29

Ets tyëjkëtyë yaxpë jojkpë: Këtii nëkoo yaa miny ma ëëtsëtyën etsës xymyëmayëtëty, Dios mijts m'u'unk'ajtëp. ¿Ëkë yë'ë mnimiimpy ets xyaj'ëyowa'antësë? Tyam ka'ap ja xëëw po'o tpaatynyëm.

Mateo 8:4

Tääts ja Jesús jyaak'ënany: Ix, ka'ap pën xytyuk'ëwaanëty. Nëjkx ma teety wyintsënën ets xytyuk'ixëty ko tëë mtso'oky ets mënëjkxëp ja mwintsë'kën mëti'ipë ja Moisés nyi'ënä'ämëyën, jëtu'un ja ja'ay nijawëtëty ko tëë mtso'oky ets të mwa'atsy.

Marcos 1:25

Tääts ja Jesús mëj'äämpy twinkukajpxëy ja ku'oypyë: Amonyë, ëxmats ya'atë ja'ay.

Marcos 1:32

Wäänë y'ijty ko ja xëëw kyëtäky, koots, ënät ja Jesús yajtuknimiiny ni'ëmukë ja pa'amja'ay ets mëti'ipë ënety ja ku'oypyë myëët'ajtëpën.

Marcos 1:34

May tyajtsoky ja pa'amja'ay wi'ixëty ja pa'am ets may ja ku'oypyë t'ixkejxy. Ka'ap tkupëjky ets ja ku'oypyë kyajpxëty, jä'ä ko ixy'ajtëp ja ku'oypyë.

Marcos 3:11

Ko ja ëxëëk poj t'ijxtë ja Jesús, ënät twinkuxtënaaytyë ets mëk ya'axtë jyoktë: Dios U'unk Mijts.

Lucas 4:39

Ënet ja Jesús nimëjwä'ky ja to'oxytyëjk ets ojts t'ojy ja jëënpa'am, tääts ja jëënpa'am nyiwatsë ja to'oxytyëjk. Ënätyë pyëti'ky ets yajkaay yaj'ukëtë.

Juan 20:31

Paaty ya'atë të yajkëjxja'ay ets miits xymyëpëktëty ko ja Jesús yë'ë Kristë, Dios U'unk ets yë'ë xymyëpëktëty, ets jëtu'un xypaatëty ja juukyajtën xëmëkyëjxmëpë.

Santiago 2:19

Mijts mmëpëjkpy ko ja Dios tu'ukyë yë'ë, oy ko xymyëpëky; je'eyëp ko yë ku'oypyë myëpëjktëp näjyëtu'un ets tsëtyuuytyëp ko tsë'ëkëtë ja Dios.