Lucas 4:34 - Biblia Dc en Mixe de Quetzaltepec

³⁴ ¿Tiijës xytyuktëytyuunp, mijts Jesús Nazaretëtë ja'ay? ¿Yë'ë të xynyiminy etsës xyajkutëkoyä'änyë? Wa'ats mijts n'ixy'äty, Dios Kënu'kxypyë mijts.

Biblia Mixe de Quetzaltepec

³⁴ ¿Tiijës xytyuktëytyuunp, mijts Jesús Nazaretëtë ja'ay? ¿Yë'ë të xynyiminy etsës xyajkutëkoyä'änyë? Wa'ats mijts n'ixy'äty, Tios Kënu'kxypyë mijts.

Lucas 4:34 Iomraidhean Croise

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

1 Reyes 17:18

Ënet ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

Salmos 16:10

Jä'ä ko mijts ka'apës o'këntuuy xyajwë'ëma'any, ka'ap tjëkyepy jap jutjoty tu'uk yë wa'ats ja'ay xy'ëxmatsëty.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Mateo 8:29

Ets tyëjkëtyë yaxpë jojkpë: Këtii nëkoo yaa miny ma ëëtsëtyën etsës xymyëmayëtëty, Dios mijts m'u'unk'ajtëp. ¿Ëkë yë'ë mnimiimpy ets xyaj'ëyowa'antësë? Tyam ka'ap ja xëëw po'o tpaatynyëm.

Marcos 1:24

Jesús, Nazaretëtë ja'ay, ¿tii mtsojkpy mëët ëëtsëty? ¿Yë'ë mijts të xynyiminy etsës xyajkutëkoya'antë? Wa'ats mijts n'ixy'äty; mijts Wa'ats yë Dios myajnaxyë.

Marcos 1:34

May tyajtsoky ja pa'amja'ay wi'ixëty ja pa'am ets may ja ku'oypyë t'ixkejxy. Ka'ap tkupëjky ets ja ku'oypyë kyajpxëty, jä'ä ko ixy'ajtëp ja ku'oypyë.

Marcos 5:7

Tääts ayaxp ajojkp t'ënëmaay: ¿Tii mtsojkpy mëët ëjts? Dios ni'ik këjxmëpë y'u'unk. Nmënu'kxtäkpy mijts, tun ja mëyajtën Tioskëjxm, këtiis xyajjotkëxy.

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Dios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Dios U'unk yë'ë.

Lucas 4:33

Jap ënety tsajptëkoty tu'uk ja ye'etyëjk mëti'ipë ja ku'oypyë myëët'ajtypyën, ënät tyëjkëy yaxpë jojkpë:

Lucas 4:41

May ja ku'oypyë pyëtsëëmtë ma ja pa'amja'ayëtyën ets mëk jyänty ëna'antë: Dios mijts m'u'unk'ajtëp. E ja Jesús ojts twinku'ojë ja ku'oypyë ets ka'ap tkupëjky ets kyajpxtëty, jä'ä ko nyija'awëtëp ënety ko ja Jesús jyä'äjëty ja Kristë.

Lucas 8:28

Ko t'ijxpaty ja Jesús ets twinkoxtënaay, tääts y'ënäny ayaxp ajojkp: Jesús, Dios ni'ik këjxmëpë y'u'unk, ¿tii mtsojkpy mëët ëjts? Tun ja mëyajtën, këtiis xyajjotkëxy.

Lucas 8:37

Jä'äkyëjxm ja Gerasa ja'ayëty ni'ëmukë tmëpëjktsoowtë ja Jesús ets jam tsyoonëty, tsë'këtëp ja ni'ik. Ënet ja Jesús kepy nëëwinye'epyëjoty tyëjkëy ets tsyo'ony.

Hechos 16:39

Tä ja kutuunk ojts nyëjkxtë ma ja Pablo ets ja Silas jamëtyën ets yajpëtsëëmëtë je'eyëp ko jëyëjp ja mä'kxën tpëjktsoowtë ma ja Pablo ets ja Silas: Tuntë mëyajtën, pëtsëmtë yaa kajpnjoty.

Hechos 2:27

Ka'ap mijts xyajwë'ëmëtyës o'kpëjutjoty, ni xykyayajkutukëty ets wyintëkoyëty ja mwa'ats Ja'ay nyi'kx kyopk.

Hechos 3:14

Miitsëty yë'ë ojts xyajnitukëtë ja wa'ats ja'ay mëti'ipë ka'ap tii poky tmëëtëtyën ets xyaj'ëwaatsëpëtsëëmtë ja yaja'ay'o'kpë.

Hechos 4:27

Tëyajtën yë'ë, ko yë Herodes ets ja Poncio Pilato yaa të ye'eymyuktë mëët ja mayjyä'äy, ma ya'atë kajpnën, jutiis ets mëti'ipë ka'ap jyutiisëty, ets ja mWa'ats Tuumpë Jesús të yajmëtsippëky, mëti'ipë të xywyinwitsyën.

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Dios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

Santiago 2:19

Mijts mmëpëjkpy ko ja Dios tu'ukyë yë'ë, oy ko xymyëpëky; je'eyëp ko yë ku'oypyë myëpëjktëp näjyëtu'un ets tsëtyuuytyëp ko tsë'ëkëtë ja Dios.

1 Juan 3:8

Pën xëmë pokytyuunp, ja mëjku'u jä'ä'ajtëp; jä'ä ko yë mëjku'u ojts tyajtso'ontä'äky yë pokytyu'unën. Paatykyëjxm ja Dios U'unk të myiny yaa naaxwiiny ets tyajkutëkooytya'aja'any tu'kë'ëyë ja mëjku'u ja tyuunk.

Apocalipsis 20:2

Tyaapë tsajpjotmëtë kukäjpxy myajts ja mëj tsa'any mëti'ipë yajtijpën mëjku'u ets Satanás ets tkë'ëtsuumy tekytsyuumy mëët ja mëj pujxntejpxy ets jëtu'un tu'uk mil jëmëjt y'itëty tsumy matsy.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy: