Lucas 3:16 - Biblia Dc en Mixe de Quetzaltepec

¹⁶ Tääts ja Juan y'ënëmaayëtë ni'ëmukë: Nëë mëët miits nyajnëëpätë, je'eyëp ko xypyamiinpës tu'uk ja ja'ay mëti'ipë myajnëëpätanëtëp mëët ja Kënu'kxymyëkajtën. Ka'apës ëjts xypyääty etsës ja kyë'ëk n'akäjëty.

Biblia Mixe de Quetzaltepec

¹⁶ Tääts ja Juan y'ënëmaayëtë ni'ëmukë: Nëë mëët miits nyajnëëpätë, je'eyëp ko xypyamiinpës tu'uk ja ja'ay mëti'ipë myajnëëpätanëtëp mëët ja Kënu'kxymyëkajtën. Ka'apës ëjts xypyääty etsës ja kyë'ëk n'akäjëty.

Lucas 3:16 Iomraidhean Croise

Proverbios 1:23

Ja'aykyukëtë yajxon mëti'ipës yam nkajpxtëtäkpyën ets nmo'otëty ja nmëk'ajtën n'oyajtënës, e jëtu'unts yajxon xywyinjawëtëty mëti'ipës nwinma'any'äjtypyën.

Isaías 32:15

E ja Wintsën ja myëk'ajtën, mëti'ipë winë yajkojpyën minaanp jatëkok ma ëëtsajtëmën ets nëjkx ja itjot aanë'ëk tëëtsë'ëkpë y'awinpity jë'kxy naaxjot ets nëjkxëp jam winë y'ity wyintëy.

Isaías 4:4

Ko ënety ja Wintsën tpaye'ey ja nëë poky, tyiytyunäämpy ja tuuntëkoopyë ets tyajjëwa'kta'aja'any mëti'ipë yajja'ay'o'kpën ets tnimä'kxa'any ja Sión ja'ayëty.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Mateo 3:11

Nëë miits ntukyajnëëpäjtëp, ets yajnijawëty ko tëë ja mka'oywyinma'any xy'ëxmatstë. Temë tää tu'uk xypyaminyës mëti'ipë yajnëëpätaanpën mëët ja Kënu'kxymyëkajtën ets ja jëën. Yë'ë ni'ik ja kyutujkënmëëtëty këtiinëm ëjts, ni yë'ëjës xykyapaatë'aty wi'ixës kyë'ëk mpawijtsëty.

Mateo 3:12

Jëtu'un ja naaxwiinyëtë ja'ay tunëty ijxtëm ja tsajpmokpajk yajwinpojy ets tëkoty nyijkxy ja wa'atspë ets ja y'ak yajnino'oky ma ja jëën nijëna'a kyapi'itsyën.

Juan 1:26

Tääts ja Juan y'ëtsoowëtë: Nëë mëët nyajnëëpetyës; je'eyëp ko tää tu'uk ma miitsëtyën mëti'ipë ka'ap xy'ixy'atën,

Juan 1:27

ok ja myiny. Ka'apës xypyaat'aty etsës n'akäjëty ja kyë'ëk.

Juan 1:33

Ka'apës ënety ëjts nijawë pën yë'ë, je'eyëp ko mëti'ipës xykyäjxën etsës nyajnëëpätëty nëë mëët, yë'ëjës xynyëmaay: Yë'ë mtuk'ixëp ko ja Kënu'kxymyëkajtën tyukëta'akëtëty ets nyäpyëjkta'akëtëty ma yë'ëjën, yë'ë ënety mëti'ipë nëjkx yajnëëpetyën mëët ja Kënu'kxymyëkajtën.

Juan 7:38

Ets y'atëwëty ijxtëm jap kuja'ay myinyën: Mëti'ipë mëpëjkpën jëtu'un jap y'aawjoty jyotjoy yajpaata'any ijxtëm jeexyë ja komnëë jap myuutyën mëti'ipë yajjuuky'ajtpën.

Hechos 1:5

Tëy ko ja Juan yajnëëpejty mëët ja nëë, miitsëty tsojk mnëëpäta'antë mëët ja Kënu'kxymyëkajtën.

Hechos 10:44

Tam ënety ja Pedro kyäjpxynyëm ko ja Kënu'kxymyëkajtën tyukëtakëtë ni'ëmukë ja ja'ayëty mëti'ipë jam myëtoow'ijtëpën ja Pedro ja y'aaw y'ayuk.

Hechos 2:33

Ko ënety ja Dios Teety të yajtsajpetyë ets të yajnaaxweetsyë y'aka'any'äämpy ets ko ënety ja Kënu'kxymyëkajtën ja Dios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

1 Corintios 12:13

Yë'ëkyëjxm ko tëë ni'ëmukë nnëëpäjtëmë mëët ja Kënu'kxymyëkajtën paaty tu'ukyë nyajpatëmë ijxtëm ja ni'kx kopkën tu'ukyëpë, wä'än tjutiis ja'ayëty ëkë wä'än tkajutiis ja'ayëty, wä'än tmëtuunpëty ëkë tkamëtuunpëty.