Lucas 24:11 - Biblia Dc en Mixe de Quetzaltepec

¹¹ E ka'ap ja ijxpëjkpëtëjk tmëpëjktë; nëkoo ja tmëtoowtë tsyuumëtya'aktë.

Biblia Mixe de Quetzaltepec

¹¹ E ka'ap ja ijxpëjkpëtëjk tmëpëjktë; nëkoo ja tmëtoowtë tsyuumëtya'aktë.

Lucas 24:11 Iomraidhean Croise

Génesis 19:14

Ënet ojts ja Lot tninëjkxy ja nimäjtskpë ja myë't, yë'ë mëti'ipë ënety pëkantëpën mëët ja nyëëx ets t'ënëmaay: Pëtë'ëktë ets kä'äktë ma ya'atë kajpnën, jä'ä ko yajkutëkoyäämpy yë Wintsën ya'atë kajpn tyam. Yë myë'tëty ninu'un ojts tkamëjpëjkta'aktë ja Lot ja y'aaw y'ayuk.

2 Reyes 7:2

Ja yajkutujkpë ja tyuunpë, je'eyë ojts y'ëtsoy: Oyxyëp jeexyë jëtu'un yë nëë tuu jam jyatim nyämyëtso'onëpë tsajpjotm, mëti'ipë ja Wintsën yajniku'ëwatsypyën, tääpë xynyikäjpxyën ka'ap ninu'un tyunëtëty jyatëtëty. E ja Elisejë ënät y'ëtsooy: Kë'ëm jëpom xy'ixëty, mja'ixëp mëët yë mwiin je'eyëp ko ka'ap nitii xyjyë'kxëty.

Job 9:16

Koos ëjts nja'ëna'anëty wä'än tyajnipaye'ey ets wä'än yë Dios tyaj'ixta'ay yë pyoky, ëjts ka'apës n'a'ixë tmëjpëjkta'akëty mëti'ipës nkäjpxypën.

Salmos 126:1

Ko ojts ja Dios tyajjotkujkë ja Sión, jëtu'un ojts nnäjya'awëmë wiinkuma'ajëm yowë.

Marcos 16:11

Ko tmëtoowtë ko ja Jesús jyuuky'äty ets ko ja to'oxytyëjk ënety të t'ixy, ka'ap tmëpëjktë.

Marcos 16:13

Ko t'ixkajptë, ënätyë wyimpijtë ets ojts nyëjkxtë Jerusalén. Ënet ja myëku'uktëjk tuk'ëwa'anëtyë, je'eyëp ko nän kä'äp myëpëjkëtë.

Marcos 16:14

Ok ja Jesús ojts jatëkok nyänyikëxë'ëkyë ma ja y'ijxpëjkpëtëjk ënety nimajktu'uk yajpaatën ma ja kaaypyäjnën, jamts ojts mëk y'ojëtë jä'äkyëjxm ko ka'ap tmëpëktë ko jyayajtuk'ëwaanëtë ko ja Jesús të yaj'ixy, ko tëë jatëkok jyuukpyiky.

Lucas 24:25

Ënet ja Jesús y'ënëmaayëtë: Ka'ap miits mja'akyukëtë, ka'ap xytsyojkmëpëktë mëti'ipë ja Dios ja kyäjpxynyajxpë nyikajpxtën.

Lucas 24:41

E yë'ëjëty ka'ap ënety oy tmëpëktë, jä'ä ko xoontaktëp ets jotkujk nyäyjyawëtë. Tääts ja Jesús y'ënëmaayëtë: ¿Ja kayaanpës, yuu'o'këpës?

Hechos 12:9

Tääts ja Pedro tpatso'ony ja tsajpjotmëtë kukäjpxy, ka'ap tnijawë pën tëy mëti'ipë ja tsajpjotmëtë kukäjpxy tyuunpyën, jëtu'un nyäjyawëty wiinkumaap yowë.