Lucas 23:5 - Biblia Dc en Mixe de Quetzaltepec

⁵ E ja mayjyä'äy mëktä'äky y'ënaan'ëtë'ëtstë: Yë'ë ja'ay y'akajpxëtyääpy mëët yë y'ijxpëjkën. Galilea tyajtso'ontäky ets näjyëtu'un yaa Judea yaj'ixpëky.

Biblia Mixe de Quetzaltepec

⁵ E ja mayjyä'äy mëktä'äky y'ënaan'ëtë'ëtstë: Yë'ë ja'ay y'akajpxëtyääpy mëët yë y'ijxpëjkën. Galilea tyajtso'ontäky ets näjyëtu'un yaa Judea yaj'ixpëky.

Lucas 23:5 Iomraidhean Croise

Salmos 22:16

Ijxtëm yë may y'ukën, jëtu'unës yë ëxëëkja'aytyëjk të xynya'ëwtitë, tëës yë nkë'ë nteky tyajtsëtyujta'atë.

Salmos 57:4

Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

Salmos 69:4

Nimay yë ja'ayëty mëti'ipës nanëkoo xy'ëxëëk ijxtëpën, këtiinëm jyëtu'unëty yë nkuwaayës; yajxon të nyimayëtë yë nmëtsiptëjkës, nanëkokyëjxmës ëxëëk xytyuntë xy'ënëëmëtë, etsës xytyukmatstë nyajwinpitëty mëti'ipës ka'ap të nmeetsyën.

Mateo 11:1

Ko Jesús tukmëmëtyaktaay ja majkmäjtskpë y'ijxpëjkpë mëti'ipë tyuntëpën, ojts nyijkxy yaj'ijxpëjkpë, tkajpxwä'kxy ja Dios ja y'aaw y'ayuk maajëty ja kajpnën mëti'ipë jam yajpatpën ma Galilea y'itjotmën.

Mateo 2:1

Belén ja Jesús ojts myiny kye'exy, Judea y'itjotm. Herodes ënety jam yajkutujkp. Tääts jam Jerusalén jyajtë ja matsa'a ixtääpyë mëti'ipë tso'ontëpën xëëwpëtsëmtsyow.

Mateo 27:24

Ënet ja Pilato t'ijxy ko niwi'ix'äämpy ja ja'ay kyaja'akyukëtë, wäänëni'ik y'o'ktëwtë, ënät ni'ënä'ämëy ets ja nëë tyajmintëty ets ojts kyë'ëpujy ets y'ënäny: Ëjts nitii pokyës nkamëëtëty ko ya'atë ja'ay y'ookëty, miits mnija'awëtyëp tii mtuuntëp.

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kuttujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Marcos 1:14

Ko ja Juan ënety të yajtsumy, ënät ja Jesús tsyo'ony ets ojts nyijkx Galilea y'itjotm. Jamts ojts tkajpxwä'kxy ja oy aaw oy ayuk ma Dios yajnimëtyä'äkyën,

Lucas 11:53

Ko ja Jesús jap pyëtsiimy, ënät ja tsajptëkotyëtë yaj'ijxpëjkpëtëjk mëët ja fariseë ja'ayëty ojts jyoot'anpëktë, paaty ja Jesús tjanty yajtsipkä'äxtë mëët ja yajtë'ëwën,

Lucas 23:23

Wäänëni'ik ja ja'ay yaax'ëtë'ëts jyojk'ëtë'ëtstë janty mëk ets nëëmëtë ja Pilato wä'än ja Jesús kyëruutspety. Ko ni'ik yaxnëtë jyojknëtë ja mayjyä'äy, tääts tpatë mëti'ipë tsyojktëpën.

Lucas 23:6

Ko ja Pilato jëtu'un tmëtooy, tääts tyajtëëy pën Galilea ja'ay ja Jesús.

Juan 1:43

Komjëpom ënety ja Jesús nyëjkxa'any jam Galilea ko tpaty ja Felipe ets t'ënëmaay: Pamiinkës.

Juan 19:15

Ets mëk yujk'ënantë: Wä'än t'ooky. Wä'än t'ooky. Yajkruutspät. Ets ja Pilato yajtëëwëtë: ¿Mtsojktëp ets nyajkruuspätëtyës mëti'ipë mkutujkpë'ajtëpënë? Ets ja teety wintsëntëjk y'ëtsoowëtë: Ka'apës pën wiinkpë yajkutujkpë nmëët'atë, yi'iyë tu'uk ja yajkutujkpë kopk mëti'ipë Roma tso'onpën.

Juan 2:11

Ya'atë mëj'ajtën mëti'ipë Jesús tyuunën jam Caná ma Galilea y'itjotmën yë'ë ma mëtu'uk tyajnikëxë'kyën ja myëj'ajt y'oyajtën.

Juan 7:41

Ets ja wiinkëtypë y'ëna'antë: Yë'ë yë Kristë ets jatu'kpëky y'ëna'antë: Ka'ap Kristëty jä'ä ko ka'ap jam tsyoona'any Galilea y'itjotm.

Juan 7:52

Ets ja myëku'uktëjk jëtu'un y'ëtsoowtë: ¿Näy mkaliletë ja'ay mijtsë? Ixpëk yë Dios yë y'aaw y'ayuk, tääts xy'ixëty ko ka'ap pën Dios käjpxynyajxpë tsyoona'any jam Galilea.

Hechos 10:37

Mnija'awëtëp miits mëti'ipë tuunën jajtën jutiis ja'ay nyaaxjotyëty; tsyo'ontäky jëyëjp Galilea, ko ja Juan Yajnëëpäjtpë tkajpxwä'kxy ets ja ja'ay t'ëxmatstëty ja y'ëxëëk winma'anyëty ets nyëëpätëty.

Hechos 23:10

Tääts ko ni'ikyë tyëjkëtyë yaxpë jojkpë, ënät ja mëj tsiptuunpë wintsën ojts tsyë'ëkë ko tsojk yowë ja Pablo yajtuknukëty. Ënet ja tsyiptuumpë tkejxy ets ja Pablo yajwijtspëtsëmëty jap mayjä'äyjoty ma ya'axtën jyoktën ets ojts twoownëjkxy jëkäm ma ja tsiptuunpë y'itën.

Hechos 5:33

Ko jëtu'un tmëtoowtë, tääts tukjoot'anpëjktë ets ojts tjayaj'ooka'antë.

Hechos 7:54

Ko jëtu'un tmëtoowtë ja tsajptëkotyëtë yajuntë'ajtpë, ënät tukjoot'anpëjktë ja Esteban ets nyätyëtskä'pëtë mëët ja äkë.

Hechos 7:57

Ja ja'ayëty ka'ap tmëtowantë, je'eyë ja tyatsk t'amajtstuktë ets mëk yujk'ënantë ets ja Esteban tmatstëty.