Lucas 23:41 - Biblia Dc en Mixe de Quetzaltepec

⁴¹ Ëëts'ajtëm, xynyitëjkëm ets n'ëyo'owmëty, xypyaat'ajtëm ëëts nkëpäjtmëty mëti'ipë të ntuuntëko'oyëmën; ya'atë ja'ay ka'ap tii të tuuntëkoy.

Biblia Mixe de Quetzaltepec

⁴¹ Ëëts'ajtëm, xynyitëjkëm ets n'ëyo'owmëty, xypyaat'ajtëm ëëts nkëpäjtmëty mëti'ipë të ntuuntëko'oyëmën; ya'atë ja'ay ka'ap tii të tuuntëkoy.

Lucas 23:41 Iomraidhean Croise

2 Crónicas 33:12

E ko nyäjya'awëyë mëj këjää jyotmaypyatnë, ënät ja Wintsën ojts tmëkäjpxy winë aaw winëjot, tä nyäpyëjktakë ëmaay amutsk ma ja Wintsënën, mëti'ipë ja y'aptëjk y'ëwtajtën.

Esdras 9:13

E mëët koos ja nëë poky mëjwiin këjää të ntuntë ets ënät o'ktëy të njajt të nkëpäjnëtës, e oyën ka'ap jëtu'un të xytyim tëy tyuntës ijxtëm ënety jyapaatë'atyën, ix ja ëwaatsëtuuy'ajtën jatëkok të xymyo'otës,

Nehemías 9:3

Tëkëëk yaxp jëtu'un tsyënaaytyë jam ma ënety yajpaatën, jä'ä ko jëtu'un ojts pyo'oxy ma ja noky yajkajpxtaayën, ma myinyën kuja'ay ja Wintsën, Wintsën, ja y'ënä'ämën tyiy'ajtënën, tëkëëk yaxp ojts tmaaywyatstë ja pyokyëty, ets ja tyuuntëko'oy kyajpxtëko'oyënëty ets jëtu'un t'ëwtajtë ja Wintsën.

Daniel 9:4

Ets ja Wintsën të nmëkäjpxyës, jëtu'unës të nmëmaaywyätsy: Wintsën, Dios mëti'ipë maaytyääyëpën winë, mëti'ipë pyatuumpyën mëti'ipë të nikäjpxyën ets myajk ja ijxpät ko mijts mtsoky mjawë ma ja'ayëtyën mëti'ipë pyatuuntëpën ja m'ënä'ämën mtëyajtën:

Mateo 27:19

Tam ënety ja Pilato y'u'unyë ma ja kyutujktaknën ko ja tyo'oxytyëjk ojts ja ayuk tyuknikexyë: këtii tääpë ja'ay xymyëmayëty, ka'ap tii poky tmëëtëty. Jä'ä ko tëëjës tääpë ja'ay nwinkuma'ay ya'atë tsu'um.

Mateo 27:24

Ënet ja Pilato t'ijxy ko niwi'ix'äämpy ja ja'ay kyaja'akyukëtë, wäänëni'ik y'o'ktëwtë, ënät ni'ënä'ämëy ets ja nëë tyajmintëty ets ojts kyë'ëpujy ets y'ënäny: Ëjts nitii pokyës nkamëëtëty ko ya'atë ja'ay y'ookëty, miits mnija'awëtyëp tii mtuuntëp.

Mateo 27:4

ets t'ënëmaay: Tëës ntuuntëkoy koos të nkë'ëyäky ja ja'ay ka'apë tii poky tmëëtëtyën. Ets yaj'ëtsooy: Tiijës yë nkëwent'atë? Mkë'ëmwinma'any yë'ë.

Mateo 27:54

Ko ja tsiptuunpë wintsën jëtu'un t'ijxtë, mëti'ipë ënety jam kyëwent'ajtëpën ja Jesús, ko nëkoo ja naaxwiinyëtë y'ëkyu'kxnë, ënät tsyë'këtyë ets y'ënantë: Tëytyëm ko tääpë ja'ay Tiostëm ijty U'unk'ajtëp.

Lucas 23:40

Tääts tu'uk ja myëpokyjyä'äy ojts wyinkukajpxëty ets y'ënëmaayë: ¿Ka'ap mijts yë Dios xytsyë'ëkë? Tamts näjyëtu'un m'ëyoy?

Lucas 23:42

Ok jyaak'ënany: Jesús, xyjyä'ämyätsëpës ko myajkutujktsoonëty.

1 Tesalonicenses 2:10

Miits mnija'awëtëp ets Dios näjyëtu'un, ko oy ets mëtëyës winë të ntuntë, ka'ap maa pën të nyajjoot'anpëktës ëkë të nmëtëkoytyës.

Santiago 4:7

Näkyë'ëyakëtë ëmuumtu'ukjot ma Tiosën. Ka'ap xykyupëktëty ja mëjku'u, ënät mkukä'äkëtëty.

1 Pedro 1:19

yë'ë mëët ja Kristë nye'pyny, mëti'ipë të wyintsë'kën'atyën ijxtëm tu'uk ja kupixyny u'unkën mëti'ipë ka'ap tii ma'atpë ëxëëkpë tmëëtëtyën.

1 Pedro 2:23

Ko yajwinkajpxpejty, kä'äp y'ëtsooy ajoot'an; ko yajtsaatsy tyuuny, ka'ap y'ëtsu'uxyäxy; je'eyë ja Dios ojts nyätyukë'ëwanëty ets yë'ë nyipaye'eyëtëty.