Lucas 23:11 - Biblia Dc en Mixe de Quetzaltepec

¹¹ Ënet ja Herodes mëët ja tsyiptuunpëtëjk nëxik tukxiktë ja Jesús, ka'ap tmëj'ixtë ets ja wit tukxojxtë ijxtëm ja yajkutujkpë wyitën. Tääts jatëkok tuknikejxy ja Pilato.

Biblia Mixe de Quetzaltepec

¹¹ Ënät ja Herodes mëët ja tsyiptuunpëtëjk nëxik tukxiktë ja Jesús, ka'ap tmëj'ixtë ets ja wit tukxojxtë ijxtëm ja yajkutujkpë wyitën. Tääts jatëkok tuknikejxy ja Pilato.

Lucas 23:11 Iomraidhean Croise

Salmos 22:6

E ëjts nitiijës nkatsowëty, jëtu'unës tä tu'uk yë tënë'kën. Je'eyës nyajja'ayxyi'iky.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Mateo 14:1

Näy jää it ja yajkutujkpë Herodes ojts tmëtoy'äty ja Jesús ko yajnimëtyä'äky. Yë Herodes jam ënety yajkutuky Galilea,

Mateo 14:3

Jä'ä ko tëë ja Herodes ënety tni'ënä'ämë ja Juan ets yajmatsëty wä'än tsumy t'ity. Ja y'uty Filipo ja tyo'oxytyëjk mëti'ipë xyëëwajtypyën Herodías yë'ë ënety të y'ënë'ëmxëty ets tmatsëty ja Juan,

Mateo 14:6

E jää ma ja Herodes nyänyixëëwtunyën, ma ja xyëëw kyä'äxpäjnën, ënät ojts ja Herodías ja nyëëx tyëkë äjtspë, tap ënety ja ja'ay jyatëtë ets ja Herodes tyukjotkëtak ko ja Herodías ja nyëëx y'ejtsy.

Marcos 9:12

Ënet ja Jesús y'ëtsooy: Mëtëy yë'ë, jëwyiin yë Elías myina'any ets tu'kë'ëyë tyaj'o'oyëtya'aja'any winë. ¿E tii ko ja Dios ja y'ayuk y'ënä'äny koos ëjts n'ëyo'onpaata'any ets ko ka'apës nyajkupëka'any?

Lucas 23:10

Näy tam ënety ja teety wintsënëty ets ja tsajptëkotyëtë yaj'ijxpëjkpëtëjk mëti'ipë mëktä'äky ë'ëntëpën.

Juan 19:5

Tääts ja Jesús pyëtsiimy äpny kujup mëët, xoxy mëët ja tsapts ukywyit ets ja Pilato y'ënäny: Tyaa ntukwinkuwowëtë ya'atë ye'etyëjk.

Santiago 2:2

N'ëk'ëna'anmëty ko mäjtsk ja ja'ay myintëty ma miits mye'eymyuktën, tu'uk mëti'ipë pu'ts pujxnkë'ëjiits myëët'ajtypyën ets oy xyoxëty, ko jëtu'un xy'ixtëty jä'ä m'oyjawëtëp ets xy'ënëëmëtëty: Yaa u'unyë, ma yaa oypyë po'kxtaknën, ets nän jää tu'uk ja ëyoopëja'ay myinëty, këëts këëts ja wyit, tääts xynyëëmëtëty: Mijts jämyë tänë, ëkë jää u'unyë naaxkëjxy,