Lucas 21:1 - Biblia Dc en Mixe de Quetzaltepec

¹ Tam ënety tëkok ja Jesús t'ixy ko ja kumeenyjyä'äytyëjk t'apëkëtë ja meeny jap apëjkënjoty,

Biblia Mixe de Quetzaltepec

¹ Tam ënäty tëkok ja Jesús t'ixy ko ja kumeenyjyä'äytyëjk t'apëkëtë ja meeny jap apëjkënjoty,

Lucas 21:1 Iomraidhean Croise

1 Reyes 14:26

ko jap tyëjkëy tsajptëkoty wa'ats tyajpëtsëëmtaay ja wit meeny ets näjyëtu'un ma ja Kutujkëntëjkën. Wa'ats winë tmä'tstaay ets ojts tmënëjkxta'ay ja pu'ts pujxn mëti'ipë ijty ja tsiptuunpë ja'ay nätyuk akëëytyujkëtëpën, mëti'ipë ja Salomón yajkojën.

2 Reyes 12:9

Ënet ja teety Joiadá tpëjkë'ky tu'uk yë kaaxë ets twi'itjujty ja y'akë'ë ets jam tpëjktäky a'oytsyow ma ja wintsë'këntyaknën, jäätsow ma ja tsajptëjk yajnitëkën; ënät ja teetytyëjkëty mëti'ipë ja tsajptëjk kyëwent'ajtëpën jap ja meeny t'apëkëtë ma ja kaaxën mëti'ipë ja ja'ay myënëjkxtëpën ma ja Wintsën ja tsyajptëjkën.

2 Reyes 24:13

Ok ja Nabucodonosor tju'taay tëkokyë ja pu'ts pujxn, poop pujxn ets ja wit meeny mëti'ipë jap tsajptëkoty yajpatpën ets ma ja akujktëjkën ets jëtu'un tä ënety ja Wintsën të t'akäjpxyën. Ojts tjanty tyukë'tsëtyä'äy tëkokyë winë pu'ts pujxnmëëtpë, mëti'ipë ënety ja Salomón të tyaj'oyën, mëti'ipë jam yajkutujkën Jerusalén ets tuknikojëy ja Wintsën.

2 Crónicas 36:18

Tëkokyë ja apëjk atu'unën mëjpë mutskpë mëti'ipë jap tsajptëkotyën, ma ja Wintsën tyëjkën, mëti'ipë jamën ma ja yajkutujkpë tyëjkën ets ma ja wintsëntëjk ja tyëjkëtyën, wa'ats tyajnëjkxtaay winë jam Babilonyë.

Nehemías 13:13

Ets ntuknipëjktës yë teety Selemías ets jääpyë Sadoc ets tu'uk yë Leví ja'ay mëti'ipë xyëëwajtën Pedaías; ets yë'ë t'ixtëty tuntëty jam ma nyipetyën ja jë'kxy pëky ets pënjaty yäjkpyën; ojtsës näjyëtu'un mpëjktä'äky jam yë Hanán, yë Zacur yë myaank, y'ok'u'unk yë Matanías ets jam pyutëkëtëty, jä'ä ko yë'ëjëty oy ja jot winma'any ënety tmëët'atë. Yë'ë yajtuknipëjktë ets tyajwa'kxtëty ja jë'kxy pëky ma ja jyiikytyëjk myëku'uktëjkëtyën.

Mateo 27:6

Ja teety wintsëntëjkëty ojts ja meeny tkoonë'ëktë ets y'ënantë: Ya'atë meeny ne'pnymyëët yë'ë, ka'ap tjëkyepy jap nkupëjkëmëty ma nyipetyën yë ayajk ako'onën.

Lucas 20:47

Pyëjkëtëp ja ku'ookytyo'oxy ja jyëën tyëjk, këtiipë pën nijawëty janty jekyëty nyätyijyë Dios mëkajpxtë. Je'eyëp ko yë'ëjëty mëk ni'ik yajtëytyuna'antë.

Juan 8:20

Jëtu'un ja Jesús y'ënäny tam ënety yaj'ixpëky ma ja mëjtsajptëjkën ma ja ayajk ako'onën meeny nyipetyën. E ni pën ojts kyamatsyë, jä'ä ko ka'anëm ënety ja nyixëëw tpaatynyëm.

Josue 6:19

Yë'ë tëy ja pu'ts pujxn, poop pujxn, tsuxkpujxn ets juunpujxn nëjkxëp yajpëjkë'ëky ets jap yajpëjkta'akëty ma ja apëjkënën ma ja wit meeny nyipetyën mëti'ipë ja Dios jyä'ä'ajtypyën.

Josue 6:24

Ënet ja Israel ja'ayëty tjëën'ixko'onëtyë ja naax kajpn ets tyajtooytyëkooytyë, yi'iyë ojts ka'ap tnino'oktë ja pu'ts pujxn, poop pujxn, tsuxkpujxn ets ja juunpujxn mëti'ipë jap myënëjkxtën ma ja Dios ja wyit myeeny nyipetyën.