Lucas 20:2 - Biblia Dc en Mixe de Quetzaltepec

² ets t'ënëmaaytyë ja Jesús: ¿Pën ja kuttujkën mooyëp ko jëtu'un winë xytyunëty? ¿Pën të m'ëne'emyë?

Biblia Mixe de Quetzaltepec

² ets t'ënëmaaytyë ja Jesús: ¿Pën ja kutujkën mooyëp ko jëtu'un winë xytyunëty? ¿Pën të m'ëne'emyë?

Lucas 20:2 Iomraidhean Croise

Éxodo 2:14

Ënet tääpë nimäjtskpë ja hebreo ja'ayëty y'ëtsoowtë: ¿E mijts pën të mpëjktakëpë ënä'ämpë yajkutujkpë ma ëëtsëtyën? ¿Ëkë jä'äjëtën m'ëna'any, ko näjyëtu'un ënät yam xyaj'ookëtyës, tä ëxë'ëy xyaj'o'kyën ja Egiptë ja'ayë? Ko yë Moisés jëtu'un tmëtooy ja ayuk, ënät ojts ja tsë'ëkë tyuktëkëty. Jä'ä ko tëëtëm ënety yajnijawë, ko ja Egiptë ja'ay të tyaj'ooky.

Lucas 20:1

Tëkok ja Jesús ënety yaj'ixpëky ma ja mëjtsajptëjkën, ja oy aaw oy ayuk nyikäjpxyp. Tääts ja teety wintsëntëjk jam jyajtë mëët ja tsajptëkotyëtë yaj'ijxpëjkpëtëjk ets ja mëjja'aytyëjkëty,

Lucas 20:3

Tääts ja Jesús t'ëtsooy: Näjyëtu'un miits nyajtëwa'antë ets xynyi'ëtsowtëty:

Juan 2:18

Tääts ja jutiis ja'ayëty yajtëëwëtë: ¿Tii ijxpäjtën myäjkpy mëti'ipë yajknikëxë'kpyën ja kuttujkën ets ya'atë jëtu'un xytyunëty?

Hechos 7:27

Ja mëti'ipë ja myëku'uk jam tsyi'kpyën je'eyë ojts ja Moisés tnajtstijë ets t'ënëmaay: ¿Pën të mpëjktä'äkyë yajkutujkpë ets yajtsipwa'kxpë ma ëëtsëtyën?

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.