Lucas 2:9 - Biblia Dc en Mixe de Quetzaltepec

⁹ Ajotkumonë ojts tu'uk yë Wintsën yë y'anklës nyänyikëxë'ëkyë ma ënety jam yajpaatën ets ja Wintsën ja myëj'ajt y'oyajtën tyë'kxkeky na'ëwtityë ets tsyë'këtyë.

Biblia Mixe de Quetzaltepec

⁹ Ajotkumonë ojts tu'uk yë Wintsën yë y'anklës nyänyikëxë'ëkyë ma ënäty jam yajpaatën ets ja Wintsën ja myëj'ajt y'oyajtën tyë'kxkeky na'ëwtityë ets tsyë'këtyë.

Lucas 2:9 Iomraidhean Croise

1 Reyes 8:11

e mëët ko ënety tëë nyitujkta'ay ja tsajptëjk mëët ja yoots, ja teetytyëjkëty ka'ap ojts t'ëkjëkyäjpnë jam kyajpxta'aktëty winkon, jä'ä ko ja Wintsën ja myëj'ajt y'oyajtën tëë ënety ja tsajptëjk tyajtuktuky.

Éxodo 16:10

Ma ënety jam jëtu'un ja Aarón myëtyä'äkyën mëët yë Israel ja'ayëty, ënät jam nyajts'ijxëtyääytyë të'ëts'itum ets ojts ja Wintsën t'ijxëtë ja myëj'ajt y'oyajtën yootsjotm.

Éxodo 16:7

E ko jyopy'atëty, jää xy'ixtëty yë Dios yë myëj'ajt y'oyajtën, yë'ë wa'ats të tmëtoy ko miitsëty wiinkjaty të xynyimëtya'aktë. ¿Jä'ä ko ëëtsëty tii mëj'ajtën n'ëkmëët'ajtëpës etsës xynyi'oj xynyiyaaxëtëty?

Isaías 35:2

wä'än jam tyony yë pëjy, lirië pëjy, wä'än tuktuky mëët yë xoontakën ets jotkujk'ajtën. Yë Wintsën oy tsuj tyaj'awinpita'any tä ja Líbano kopkën, jë'kxynyaaxjot tä ja Carmel kopk ets Sarón joyën. Ni'ëmukë nëjkx t'ijxtë ja Wintsën ja myëj'ajt y'oyajtën, mëti'ipë ja Wintsën yajmëjnajxëpën.

Isaías 40:5

Jëtu'un ja Wintsën tyaj'ixa'anyë ja myëj'ajt y'oyajtën, ets tu'kë'ëyë ja'ay t'ijxta'aja'antë. Wintsën kë'ëm të tnikäjpxy.

Isaías 60:1

Pëtë'ëk mijts Jerusalén kajpn, nätyukwinpitët ja jajën të'kxën, jä'ä ko tëë ënät mnija'tyënëm ja të'kxën jajën, ets ja Wintsën ja myëj'ajt y'oyajtën yë'ë mkutë'kxëp.

Ezequiel 3:23

Ënätës të mpëtë'ëky etsës të nëjkxy jam joyjotm, jamës të n'ixy yë Dios yë myëj'ajt y'oyajtën, jëtu'un tä ënety të n'ixyënës jam Quebar ma ja mëjnëëpa'ajën. Ënätës nwintäky naaxkooy, ntukpatypyës yë naax yë nwinpokës.

Mateo 1:20

Tëë ënety ja José jëtu'un myäy tyäjy ko ojts t'ixy kuma'ayjoty tu'uk ja Wintsën ja y'anklës. Tääts ojts y'ënë'ëmxëty: José, David yë tyëëmp y'aats, këtii xytsyë'ëkë ko xytyo'oxytyëjk'atëty yë Maria, yajminäämpy tu'uk yë mëxu'unk, Kënu'kxypyë Mëk'ajtënkyëjxm.

Lucas 1:28

Tääts ja tsajpjotmëtë kukäjpxy tyëjkëy ma ja Maria ënety jap y'u'unyën ets t'ënëmaay: Dios mkënu'kxëtëp Maria, ni'ik mijts ja Wintsën mtsokyë, Dios mijts mëët myajpaaty.

Lucas 2:8

Jam kajpnpë'am ënety ja ja'ay tkëwent'atë ja kyupixynyëty.

Lucas 24:4

Tam ënety myäytyë tyajtë tii tyuntëpën, ko ajotkumonë t'ijxpatë nimäjtsk ja ye'etyëjk pyë'aayëty, ajajp atë'kxp ja wyitëty.

Juan 12:41

Paaty ja Jeséas jëtu'un y'ënäny jä'ä ko tëë ënety t'ixy ja Jesús ja myëj'ajt jyääntyajtën, ets yë'ë nyikajpx nyimëtyak.

Hechos 12:7

Ënet ja Wintsën ja y'anklës ajotkumonë nyimiinë ets pujxn tëkoty jyajtäky. Tääts ja Pedro yajtoony, ojts yajyuxy ets yajnëmaay: Pëtë'ëk pojën. Tääts ja pujxntejpxy nyëpojtaay kyë'ëkëjxm,

Hechos 27:23

Ja Dios, mëti'ipës nmëtuumpyën ets xyjyä'ä''ajtpën, äämkyoots tu'uk ja y'anklës të nwin'ixyës.

Hechos 5:19

Tu'uk ojts ja Wintsën ja y'anklës myiny ets ja pujxntëjk tyaj'ëwatsy ets pyëtsëëmtë. Tääts y'ënëmaayëtë:

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Hebreos 12:21

Atsë'ëk ajawë ojts t'ixtë. Yë'ëpaat yë Moisés y'ënäny: Tsëyuupyës mëët ja tsë'ëkë.

Apocalipsis 18:1

Ko jëtu'un jyäjty, ënät wiinkpë ja tsajpjotmëtë kukäjpxy n'ijxyës, jam tsajpjotm tsyoony, mëk ja kuttujkën tmëkëtä'äky. Ojts ja naaxwiinyëtë tukjajëtyä'äy mëët ja jyajjën tyë'kxën.

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.