Lucas 2:40 - Biblia Dc en Mixe de Quetzaltepec

⁴⁰ Ets ja mëxu'unk ye'ky pyejty oy mëk, kuwinma'any ets kënu'kxëp ja Dios.

Biblia Mixe de Quetzaltepec

⁴⁰ Ets ja mëxu'unk ye'ky pyejty oy mëk, kuwinma'any ets kënu'kxëp ja Tios.

Lucas 2:40 Iomraidhean Croise

Salmos 22:9

E janty jëtu'un y'ixëty: mijtsës të xyajmëxu'unk'aty ntaakjyootjotyës; koos yë ntaak të xyajtsi'itsy jotkujkës të näjyawëty.

Salmos 45:2

Tu'uk mijts mye'etyëjk'aty janty'oy janty tsujpë ma ja nimaypyë ja ye'etyëjktëjkëtyën. Ko myajtukxoontä'äky ets ko myajtsoky myajjawë, jam yajmëtoy ma m'aaw m'ayukën. Paaty yë Dios kyënu'kxën të mmo'oyë xëmëkyëjxm.

Lucas 1:80

Jëtu'un ja Juan ye'ky pyejty ets myëkpëjky mëët ja Kënu'kxymyëkajtën, jam tsyënaay ma ja të'ëts itjotmën koonëm ojts nyänyikëxë'ëkyë ma ja Israel ja'ayëtyën.

Lucas 2:47

Ni'ëmukë mëti'ipë jam y'amëtoow'ijtëpën, mëj'ixy t'ijxtë ko nëkoo wyijy'ajnë ets mëtëyëty t'ëtsoowinpity.

Lucas 2:52

Ets ja Jesús ye'ky pyejty, wij'ëtëtsp käj'ëtëtsp, tukxoontakëp ja Dios ets ja ja'ay.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Hechos 4:33

Ets ja ijxpëjkpëty ni'ikyë mëk'ajtën mëët tnikäjpxy tnimëtya'aktë ko tëë ja Wintsën Jesús jyuukpyiky jatëkok. Ni'ikyë ja Dios kyënu'kxëtë ni'ëmukë.

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

2 Timoteo 2:1

Mijts, Timoteo, mëti'ipës n'u'unkja'apën, jam ja mëjaaw xyajtsoonëty ma ja Dios ja y'oyjyot y'oywyinma'anyën mëti'ipë të mtuk'ixyën mëët ja Kristë Jesús.

Jueces 13:24

Ma ënety ja Wintsën ja kyukäjpxy të t'akäjpxyën myëxu'unk'ata'any ja u'unk, jää ojts jyänty myëxu'unk'aty ets tmooytyë ja xyëëw Sansón. Ko ye'ky pyejty ojts ja Dios mëjwiin këjää kyënu'kxyë.

1 Samuel 2:18

E ja Samuel oytyuny ijty mëët ja wyit xyox mëti'ipë teetytyëjk yajtuuntëpën ets ja Dios oy tmëtuny.

1 Samuel 2:21

Ja Wintsën kyënu'kx'ëtëtsyp ja Aná mëjwiin këjää mëët ja u'unk maay. Paatykyëjxm ojts ja y'u'unk myääy tyajmëxu'unk'aty nitëkëëk yë yä'äy'ëna'k ets nimäjtsk yë to'oxy'ëna'k, e ja Samuel ya'k päjt jä'ä jam ma ja Dios tmëtunyën.

1 Samuel 2:26

E ja Samuel yä'kp päjtp ja ni'ikyë ets mëti'ipë tyuunpyën y'oy'ijxyp ja Wintsën ets näjyëtu'un ja ja'ayëty.

1 Samuel 3:19

Samuel ojts oy tsuj yeeky pyety ets xëmë ojts oy winë tuny tä ënety ja Dios tsokyën, ets jëtu'un tä ënety të twaantä'äkyën winë.