Lucas 17:2 - Biblia Dc en Mixe de Quetzaltepec

² Nikë oy ko jeexyë tu'uk ja paantaak yajtukyo'ktsumë ets yajkujëpijpnaxy mejyjoty, këtiipë tyajtuuntëkoyëty tu'uk ja pi'k ëna'k, tyaapë yajpaatën

Biblia Mixe de Quetzaltepec

² Nikë oy ko jeexyë tu'uk ja paantaak yajtukyo'ktsumë ets yajkujëpijpnaxy mejyjoty, këtiipë tyajtuuntëkoyëty tu'uk ja pi'k ëna'k, tyaapë yajpaatën

Lucas 17:2 Iomraidhean Croise

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Mateo 17:27

Je'eyëp ko këtiipë pën tka'oyjyawëty, nëjkx mnëë jëyujk matsy jap nëë ëkë'p ets ja nëë jëyujk mëti'ipë ëka'any mxuupyën, jap y'aawjoty xypyaata'any yë meeny mëti'ipës nkëpäjtën'atëpën ets mijts yë mjä'ä, tääts nëjkx xykyujuy ja këpäjtën.

Mateo 18:10

Këtii pi'k ëna'k jëkäm xypyëjkta'aktëty. Jä'ä ko yë'ëty myëët'ajtëp yë y'anklësëty jam tsajpjotm mëti'ipë yajpatëpën xëmë Dios wintum.

Mateo 18:14

Näyjyëtu'un ja Dios, miits ja mTeetyëty tsajpjotmëpë ka'ap tsoky ets nitu'uk y'u'unk y'ëna'k mutskpë ye'eytyëkoyëty.

Mateo 26:24

Jëtu'unës nja'ata'any ijxtëm kuja'ay myinyën. Temë tääpë ja'ay mëti'ipës xykyë'ëyakaanpën, oyxyëp të kyaminy naaxwiinyëtë.

Marcos 9:42

Pën yajpokytyuunpy yë u'unk ëna'k mutskjatypë mëti'ipës xymyëpëjktëpën, nikë oy ko jeexyë ja paantaak yajtukyo'ktsumë ets mejyjoty yajkujëpipëty.

Juan 21:15

Ko y'ajop'ajtaaytyë ets ja Jesús tyajtëëy ja Simón Pedro: Simón, Juan yë myaank, ¿Xytsyojkpës mijts wäänë ni'ikë këtiinëm ya'atëtyë? Ets ja Pedro y'ëtsooy: Ntsojkpy mijts, Wintsën, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

1 Corintios 9:15

E nijëna'a ya'atë tëyajtën të nkayajtunyës, nijëna'a miits të nka''amëtowtë tii ets të xymyo'otës. Nikë oyës ntimy'ookëty naamka'anëmës pën xypyëjkë ya'atë jotkujk'ajtën mëti'ipës nmëët'ajtypyën

1 Corintios 9:22

Koos të nyajpaaty ma ja ja'ayëtyën mëti'ipë ka'ap oy myëpëktën, jëtu'unës të näpyëjktä'äkyë ijxtëm yë'ëjëtyën ets nmëmëta'aka'antës ets tmëjjaw tjaantyjawëtëty ja Kristë. Paatyës jëtu'un të näpyëjktä'äkyë ijxtëm yë'ëjëtyën, ets oy tyimtu'uk tyimmäjtskëty tpaatëty ja nyitsokën.