Lucas 16:3 - Biblia Dc en Mixe de Quetzaltepec

³ Tääts ja tuunpë wyinmaay: ¿Tiijës ënät ntunëp koos yë nwintsën yë ntuunk xypyëjkëty? ka'apës tii mëk'ajtën nmëët'aty etsës nkamtunëty ets tsëtyuumpës koos ja ayajk ako'onën n'amëtowëty.

Biblia Mixe de Quetzaltepec

³ Tääts ja tuunpë wyinmaay: ¿Tiijës ënät ntunëp koos yë nwintsën yë ntuunk xypyëjkëty? ka'apës tii mëk'ajtën nmëët'aty etsës nkamtunëty ets tsëtyuumpës koos ja ayajk ako'onën n'amëtowëty.

Lucas 16:3 Iomraidhean Croise

Ester 6:6

Ënet ja Amán nyäjxy tëkoty ets ja yajkutujkpë yajtëëwë: ¿Wi'ix jëtää mëpaat yajkukajpxë ja ja'ay mëti'ipë ja yajkutujkpë y'oyjya'apën? Tä ja Amán kë'ëm nyäjya'awëy'ijtë ets myäy tyäjy: ¿Pën jëtää jëtu'un yë yajkutujkpë y'ëk'oyjya'ap tä ëjtsën, tyaapë ëjtsën xy'antijp?

Proverbios 13:4

Yë nuux mëti'ipë jyatsojkën'ajtypyën ka'ap tpaaty. Mëti'ipë ja'ay tuunp ye'epyën, yajxon nyäyajjotkujktä'äkyë.

Proverbios 15:19

Ja'ay mëti'ipë nuuxën äpnyjyot tu'u t'ixy; e yë ja'ay mëti'ipë oy winë tyuunpyën, mëjwiin ëwaatsë tu'u t'ixy.

Proverbios 18:9

Yë ja'ay nuuxpë ets mëti'ipë je'eyë winë yajma'typën, jëëky mëku'ukën y'awinpity.

Proverbios 19:15

Yë nuux'at je'eyë ma'ayë tyukpaaty; e yë ja'ay mëti'ipë nuuxën, kë'ëm nyäyaj'ayuu'atyë.

Proverbios 20:4

Ko tnixëëw'aty ma ja'ay yu'uy pyuxyën, yë nuux ka'ap jää tii tuny; e jää ko ja pëjktä'äky pyëtë'ëkanë, jä'ä tja'ixtaaynyë tii tyunëpën ets ka'ap t'ëkpatnë.

Proverbios 29:21

Ko ja'ay tsojkni'ikë yë tyuunpë ma myutsk'atyën, ko myëjnë'ajnëty ka'ap nëjkx wyinkutsë'ëkëty.

Isaías 10:3

¿Tii mtuunta'akantëp ko ënety pën myajtëwëtë mëti'ipë mtuuntëkooytyëpën, ets ko ënety mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Oseas 9:5

¿Tii mtunantëp xëëwjoty, ma ënety ja Wintsën ja myëjxëëw yajtunyën?

Mateo 20:8

Ko tsyu'ujënë, tääts ja kukam t'ënëmaay ja tyuunpë wintsën: Mëkajpxmuk yë tuunpëtëjk ets xymyëjuyëty: yë'ë jëyëjp mëjuyëp mëti'ipë ok të tyëkëtën tuunpë ets ok xymyëjuytyëty mëti'ipë jëyëjp të tyëkëtën tuunpë.

Marcos 10:46

Tääts jyajtë jam Jericó. Ko ja Jesús ënety të kyajpnpëtsëmy mëët ja y'ijxpëjkpëtëjk ets ja mayjyä'äy. Jam tu'u ëkë'ëm tu'uk ja ja'ay wiintspë y'u'unyë mëti'ipë xyëëwajtypyën Bartimeo, ja Timeo y'u'unk.

Lucas 12:17

Ënet ja kumeenyjyä'äy myäy tyäjy: ¿Tiis ntunëp? ka'apës nmëëtëty maajës npëjkë'ëkëty yë npëjktä'äkyës.

Lucas 16:2

Ënet ja kumeenyjyä'äy ja tyuunpë twoowtsooy ets t'ënëmaay: ¿Tëy jëtu'un ijxtëm myajnikäjpxyënë? Tuk'ëwa'anëkës tii të xytyuny, jä'ä ko pën jëtu'un mijts ka'ap tjëkyepy m'ëktuunëty ma ëjtsën.

Lucas 16:20

Jamts ja ja'ay wiinkpë mëti'ipë xyëëwajtypyën Lázaro, ëyoopëja'ay ets pu'utspëjkëp, jam y'u'unyë winjëpom ma ja kumeenyjyä'äy ja tyëjkën.

Lucas 16:22

Ënet ojts y'o'knë ja Lázaro ets yajnëjkxë ja Dios ja y'anklës jam tsajpjotm ma ja Abraham yajpaatyën; ok ja kumeenyjyä'äy näjyëtu'un y'o'ky, tääts nyaaxtëjkëy.

Lucas 16:4

Tääts wyinma'anypyäty tii tyunäämpyën ets ojts myäy tyäjy: Tëës nnijawë tiis ntunëpën ets wi'ixës ja ja'ay xykyupëktëty tyëkoty koos ja nwintsën ja ntuunk xypyëjkëty.

Lucas 18:4

Kanaak'ok ojts ninëjkxy ja paye'epyë, je'eyëp ko ka'ap nyipaye'eyë. Ok ojts ja paye'epyë myäy tyäjy: Oyës yë Dios nkatsë'ëkë ets naaxwiinyëtë ja'ay nkatsë'ëkë,

Juan 9:8

Ja myëjëën myëtëjk ets mëti'ipë ënety të t'ixtën ko t'amëtoy ja ayajk ako'onën, jä'ä näyajtëëwëtë: ¿Këtiijën yë'ëjëty ya'atë ja'ay mëti'ipë ijty ja ayajk ako'onën y'amëtoopyënë?

Hechos 3:2

Jamts ënety tu'uk ja ja'ay tekymya'atpë, mëti'ipë ënety jëtu'un të myëxu'unk'atyën. Xëmë ijty yajwijtsnëjkxy jam tsajptëjk'ëkë'ëm ma ja tëjk'aawën mëti'ipë xyëëwajtypyën Tsujpë. Jamts ja näypyutëkë t'amëtoy ma tu'uktu'uk ja ja'ay tyëkëtën jap mëjtsajptëkoty.

Hechos 9:6

Ets ja Saulo tsyëyuuypyijky ets y'ënäny: ¿Tii mtsojkpy etsës ntunëty? Ënet ja Wintsën y'ënëmaayë: Pëtë'ëk ets nëjkx kajpnjotm. Jamts myajtuk'ëwaanëty mëti'ipë mtunëpën.

2 Tesalonicenses 3:11

Tëës nnijawëtë ko tam yë ja'ayëty mëti'ipë ka'ap tyajnipaatëtën ets tyuntëty, yi'iyë yajnipatëtyëp ets pyo'kxtëty pyëktëty.