Lucas 15:19 - Biblia Dc en Mixe de Quetzaltepec

¹⁹ Ka'apës tyam xy'ëknitëjkënë xytyijëtyës m'u'unk, yajtuunkës ijxtëm yë mtuunpë xyajtunyën.

Biblia Mixe de Quetzaltepec

¹⁹ Ka'apës tyam xy'ëknitëjkënë xytyijëtyës m'u'unk, yajtuunkës ijxtëm yë mtuunpë xyajtunyën.

Lucas 15:19 Iomraidhean Croise

Job 42:6

Paaty yam ntukjootwinpity, maas yam n'u'unyën kuyjaamjoty ets naaxwayjoty.

Lucas 5:8

Ko ja Simón Pedro jëtu'un t'ijxy, ënät ojts nyäkyoxtënaaytyä'äkyë ma ja Jesús ets t'ënëmaay: Wintsën, winwa'ktutkës, ëjts pokyjyä'äyës.

Salmos 84:10

Tsoowpatp ni'ik ja tu'kxëëwpë nyajpaatyës tsajptëkoty, këtiinëm koos jeexyë jëmëjt'am nyajpaaty tëja'p. Ëjts jotkujkës näjyawëtëty oy jeexyë je'eyë ntimy tyëjkëwent'ajtpës ma ja tsajptëjk yajnitëkën, ets këtii koos ënety ëxëëktum nyajpaaty.

1 Pedro 5:6

Yujy tëtä'äky näpyëjkta'akëtë Dios kyë'ë'am ets ja Dios mmëjpëjkta'akëtëty ko ënety ja tiempo tpaaty.

Génesis 32:10

Ëjts ka'apës xyjyapaaty, je'eyë mijts oy tsuj xymyëët'atyës. Koos ya'atë Jordán mëjnëë ntuknajxy, yi'iyës ënety nkë'ëkap'ajtypyës yë ntajkës, nitiijës ënety nkamëëtëty. E tyam mäjtskpëkyës të nyajwä'kxy mëti'ipës nmëët'ajtypyën.

1 Corintios 15:9

Ëjts këjääjës nkujënäkyëty ma ja ijxpëjkpëtëjkëtyën ets ka'ap xyjyapaatyës nyajtijëtyës ayuk käjpxynyajxpë, jä'ä ko n'ëxëëk'ijxypyës ijty ja Dios ja myëpëjkpëtëjk.

Lucas 15:18

¿Tii koos nkanëjkxy maas ja nteety ja tyëjkën?, etsës nëëmëty: Tatë, tëëjës nmëtëkoy ja Dios ets mijts.

Lucas 15:20

Ënet tyu'utëjkëy ets ojts nyijkx ma ja tyeety ja tyëjkën. Jëkämnëm ënety myiny ko ja tyeety y'ijxpatë, tääts pëyi'ikyë nyitso'onë ets pya'ëyoowë ets myënäänë ets tsyu'kxë.