Lucas 15:13 - Biblia Dc en Mixe de Quetzaltepec

¹³ Naam yajkumaaytyääpy ënety ja mutskpë ets ënätyë to'ktaay winë. Tääts ojts nyijkx jëkäm najëtijtpë. Jamts ja myeeny tyajtuuntaay mëti'ipë ënety myëët'ajtypyën ko kyë'ëm winma'any tyajtuuny.

Biblia Mixe de Quetzaltepec

¹³ Naam yajkumaaytyääpy ënäty ja mutskpë ets ënätyë to'ktaay winë. Tääts ojts nyijkx jëkäm najëtijtpë. Jamts ja myeeny tyajtuuntaay mëti'ipë ënäty myëët'ajtypyën ko kyë'ëm winma'any tyajtuuny.

Lucas 15:13 Iomraidhean Croise

Salmos 73:27

Mëti'ipë mijts mëjëkämkäkëpën, kopkpëky ko nëjkx y'ooktë; myajkutëkoyäämpy yë ja'ay mëti'ipë ka'ap oy mmëmëtoyën.

Proverbios 18:9

Yë ja'ay nuuxpë ets mëti'ipë je'eyë winë yajma'typën, jëëky mëku'ukën y'awinpity.

Proverbios 21:17

Mëti'ipë ja'ay yi'iyë tsyojkën'ajtypyën yë tsooy mëti'ipë pa'akxu'kpën ets je'eyë y'uuka'any myu'uka'anyë jam jyëjpkëxa'any ëyo'ontum.

Proverbios 21:20

Ma jyëën tyëjkën yë ixpëkyjyä'äy jap'ajtp ja wit meeny mëj këjää ets ja oyjyätypë ja tsooy mëti'ipë pa'akxu'kpën. E yë ja'ay mëti'ipë tsuujën yajtuuntääpy poj'am winë mëti'ipë yiin wäänë myëët'ajtypyën.

Proverbios 27:8

Jëtu'un tä tu'uk yë joonën mëti'ipë myëjëkämkekpyën yë pyä'än, jëtu'un ja ja'ay mëti'ipë myëjëkämkekpyën ja nyaax kyajpn ma ojts myëxu'unk'atyën.

Proverbios 28:7

Mëti'ipë pyatuumpyën yë Dios yë y'ënä'ämën tyiyajtën, wijy jëtu'unpë u'unk ëna'k; e mëti'ipë yi'iyë pyajëtijtypyën kaxtëjk je'eyë tyeety tyajtsëtyuny.

Proverbios 29:3

Yë u'unk maay mëti'ipë wijyën, jotkujk yë tyeety tyaak tyajnäjyawëty; e mëti'ipë yi'iyë to'oxytyëjk pyajëtijtypyën, je'eyë nëkoo meeny tyaj'ixtuny.

Proverbios 6:26

Yë to'oxytyëjk mëti'ipë nyini'kx tyo'kpy yäjkpyën, paatykyëjxm jëtu'unpë tuunk'aty jä'ä ko kyäyä'äny y'uuka'any, e yë to'oxytyëjk mëti'ipë jam yë nyiye'etyëjk ets wiink ye'etyëjk tsojkën'aty, yë'ë y'ijxyp mëti'ipë kuwit kumeenyën.

Isaías 1:4

Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Dios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Isaías 22:13

Tyam xoontaktëp ja ja'ayëty ets äjtstëp pujtëp, janaam jatsojk tjantyaj'ooktë tsajpkaa ets kupixyny, kyäytyë jyë'kxtë ënät ets y'uuktë pyëktë.

Isaías 30:11

Ixmatstë ja në'ë tu'u, jëjpwa'ktu'utë ja najxtakn, tim jëpëktë ja Wa'atspë Kënu'kxypyë ma Israel kajpnën.

Isaías 56:12

ets y'ëna'antë: Ja'am nëë n'ixta'ayëmë ets aakyë'ë mëknëë mëti'ipë mukpën, yajxon nmuktëko'oyëmëty. Näyjyëtu'un jëpom jatëkok tä tyamën, ëkë wä'än jaakni'ik.

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënety ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Jeremias 2:31

Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Jeremias 2:5

Jëtu'un ja Wintsën m'ënë'ëmxëtë: ¿Tii jëtää ojts ëxëëk t'ixtë maas ëjtsën ja m'ap m'okëty koos xy'ëxmajtstë? Yë'ë ojts tpanëjkxtëkëtë wiinkëtypë tios ka'apë tii mëj'ajtën tmëëtëtyën, yë'ëjëty ka'ap tii tpatë t'ijxtë.

Miqueas 6:3

Ya'atë Dios të tkäjpxy: Ëtsoowinpijtkës nnaax nkajpnës, ¿Wi'ix të ntuny ëkë tii të ntukmëtuuntëkoy?

Lucas 15:12

Tääts ja myaank mutskpë y'ënëmaayë: Tatë, mooykyës ja nkuma'ayën mëti'ipës xypyaat'ajtpën. Tääts ja u'unkteety ojts tyajkwä'kxy ja näykyumayë ets tkumaay ja y'u'unk y'ëna'k.

Lucas 15:14

Ko ja myeeny tyajtuuntaay, tääts ja yuu tsyo'ontäky jam ma ja kajpnën ets ja yuu pyätë.

Lucas 15:30

E ko ya'atë m'u'unk të jyä'ty, mëti'ipë mmeeny të tyajkëxyën mëët ja ku'into'oxytyëjkëty, myaj'o'këp yë tsajpkaani'kxpë.

Lucas 16:1

Näyjyëtu'un ja Jesús ya'atë tukmëmëtyäky ja y'ijxpëjkpëtëjk: Jää ijty tu'uk ja ja'ay kumeenypë, myëët'ajtyp tu'uk ja tyuunpë mëti'ipë tyukkëwent'ajtypyën ja nyaax kyam ets ojts yajtuk'ëwaanë ko ja tyuunpë wiinktsow tyajtuny ja wit meeny.

Lucas 16:19

Jam ijty tu'uk ja kumeenyjyä'äy, xoxy pëky, oytyuny, aak winjemy nyäxyoxyë ets xëmë ka'ayën ukën mëj nipëjktaakë.

Efesios 2:13

E tyam, miitsëty mëti'ipë ijty ijtëpën jëkäm, tëë xymyëwinkontë ja Kristë ets të xymyëpëktë; jä'ä ko ja nye'pyny të tyajtsuny të tyajkxe'kxy.

Efesios 2:17

Kristë ojts tmëminy ja jotkujk'ajtën ets yajtuk'ëwaanëtë ni'ëmukë ja ja'ayëty; jëtu'un miitsëty pën ja Dios ijty myëjëkäm'ajtëpën ets pën ja Dios ijty myëwinkon'ajtëpën.

2 Pedro 2:13

Tukupätëtëp ja Dios ijxtëm ja myëku'uktëjk tmëtëkoytyën, akujk jotkujk nyätyijëtë ko ja y'ëxëëk winma'any tyajnikëxë'ëktë. Je'eyë yajtsëtyuntë ko jam yajpaatë ma miits mxëëtuntën ets y'ëtë'ëtstë y'ëna'antë wiinkjaty.